طلب مساعده قسط السياره

**themyth999** · 08-01-2011 12:02 PM

السلام عليكم
أنا ان شاء الله ناوي اشتري عربيه لوجان من سمير ريان بالتقسيط مع بنك السي اي بي
هدفع مقدم 13700 يعني 20 % من تمن العربيه
والباقي على خمس سنوات بقيمه قسط 1393 جنيه شهرياً
لما حسبت المبلغ اللي هدفعوا في نهاية المده لقيت ان الفائده كده ثابته 10.5 % رغم اني لما كنت في المعرض مندوب البنك قاللي فائده 8.8 %
أنا كده مش فاهم هوا مين فينا اللي صح
ممكن توضيح من الناس اللي بتفهم في نظام البنوك ده و جزاكم الله خيراً

**asas2** · 08-01-2011 02:56 PM

بص من الاخر البنوك دول حرامية وحياخدوا اضعاف اضحاف نسبة الفايدة دى

**mrwho1982** · 09-01-2011 12:23 AM

قسط تبع بنك ناصر الاجتماعي

**rompo10** · 09-01-2011 12:46 AM

نصيحه ابعد عن البنوك ربنا يكفيك شرها هاياخدوا تمن العربيه مرتين اقساط ومصاريف ومش عارف ايه وهايخترعوا

**mahmoud19** · 09-01-2011 03:05 AM

سعر الفائده اقل فى حاله انك هتبقى مابينك ومابين البنك بس سمعت انه بيبقى ربا لأن كده اكنك هتاخد قرض تجيب بيه العربيه لأن البنك مش مالك للعربيه
انما سعر فائده معارض العربيات بتبقى عاليه وأسألنى انا مجرب الحوار بتاع التقسيط ده بيخليك تكره نفسك وانا عن نفسى متقطش وسديت القسط بعد سنتين من الخمسه وبعد ما كانو بيقوقو(بنك بركليز)ان فى حاله السداد فى نص المده الفائده بتقل بنسبه كبيره للأسف الى حصل العكس تماما والواحد يعتبر خسر مبلغ محترم جدا فى العربيه دى مع انها كانت كلها مترين
فنصيحه حوار القسط ده خنقه آخر حاجه يعنى قبل مارجلك تتزحلق فى الحوار ده لازم تكون مفهم نفسك ان فى خنقه 5 سنين فى حاله ان ممكن تجيب عربيه مستعمله حاليا وتحوش فلوس وإن شاء الله تقدر تجيب حاجه زيرو مستقبلا
وبالتوفيق
وطبعا انا كنت مقسط مع معرض سيارات لأنى سمعت ان لو مع البنك هيبقى ربا

**SonaSteel** · 09-01-2011 08:49 AM

ممكن تفكر في البنك الوطني للتنمية .... نظامة اسلامي ونسبة الربح 9.5%

**themyth999** · 09-01-2011 11:14 AM

السلام عليكم
انا سألت في موضوع التقسيط ده و وصلت للأتي
ان لو اخدت قرض من البنك و جبت العربيه و قسطت القرض في الحاله دي بيكون ربا
اما لو البنك اشترى العربيه و باعهالك بأكتر من سعرها على أقساط شهريه في الحاله دي بيكون توسط القرض سلعه يعني انت مأخدتش قرض انت اشتريت العربيه من البنك و هنا ميبقاش ربا
بس انا كان سؤالي هو ان الفائده 10.5 % ده رقم كبير ولا مقبول عشان انا سمعت ان في 8.8 و 9 و 9.25 لكن مش بيوصل لـ 10.5 % الإ لو كان البنك بينصب

**YaSSerwIN** · 09-01-2011 12:23 PM

باشا كدة ربا وكدة ربا مافيش فرق بس

انا مش بيأسك من الشراء بالتقسيط بس عايزك تحسبها صح

أولا احسب ان فى خلال ال5 سنوات كل سنة هاتدفع 2000 تأمين ودة طبعا مش اختيارى علشان البنك يضمن حقه ويديك جواب تجدد بيه السنة الى بعديها

ياعنى مبدئيا ً 10 الاف جنية تأمين غير الفائدة عن كل سنة

وخلى بالك فى السداد المباشر ياعنى لو كملت سنيتين ولا سنة وعايز تدفع كل المبلغ بتلاقيهم مش بيشيلو من الفائدة الى حاجة بسيطة جدا ياعنى الكلام الى بيتقال فى الأول دة كله مش مظبوط

ياعنى فى الأخر لو العربية بـ 60 الف هتلاقيها بقت ب 100 الف بعد التقسيط

انا حبيت بس اوضحلك النقاط وكل الكلام دة عن تجربة

-

الموضوع: طلب مساعده قسط السياره

LinkBack

أدوات الموضوع

عرض

-

-

-

المواضيع المتشابهه

ممكن مساعده فى إختيار السياره المستعمله الأفضل ؟

مساعده فى الامان تامين السياره ضد السرقه

مساعده فى الامان تامين السياره ضد السرقه

مساعده فى كاسيت السياره للافيو

مساعده فى تشغيل الكاسيت خارج السياره

الكلمات الدلالية لهذا الموضوع

المفضلات

المفضلات

ضوابط المشاركة