الموضوع: أسعار قطع غيار 316 الدبانه من موديل 91 الى 97

المشاركة الأصلية كتبت بواسطة snoop

الف شكر ليك يا مودى باشا وعايز اخد رائيك فى بى ام 318i موديل 99-2000

بكام فى مصر ؟
وايه رائيك فى العربية ؟
استهلاك البنزين بتاعها قد ايه؟

علشان قدامى حالة كويسة وناوى اخلص فيها بس ايلى مخوفنى قطع الغيار وبنزينها لانى متعود عاليابانى !!!

وشكرا جزيلا

اولا الشكر لله يا فندم
موديل 99-2000 دى ال e 46 الشكل اللى بعد الدبانه عربيه كويسه طبعا مفيش كلام
فى مصر الموديل ده بيعمل من اول 85 الف لحد 95 الف لو حالتها كويسه اوى وانا بتكلم عن موديلات 99 - 2000
عيب ال 46 فى ضعف البطاحات والموضوع ده تم علاجه ابتداء من موديلات 2003
من عيوبها الشائعه كمان الفتيس لما بيبوظ ما بيتصلحش وفى ناس كتيرهاتلاقيهم معدلينه للفتيس الجديد
استهلاك البنزين مش جامد زى مانت فاكر كل الموضوع ان العربيه تقيله شوية وبساتمها كبيره نسبيا عشان تقوم وزن العربية اللى ليه عامل كبير فى الامان والثبات طبعا
ماتقارنش بين اليابانى والالمانى لانه ببساطه
اليابانى عملى وعشان تستمر معاك عمليه تغير اللى محتاجاه العربيه اول باول
الالمانى جوده وعشان تحافظ على جودتها تغير لها اللى هاتحتاجه قبل ما تحتاجه بمعنى اخر الصيانه فى مواعيدها

المشاركة الأصلية كتبت بواسطة mohamed hamed

انا بسوق بقالى 6 سنين بس عمرى ما سوقت بى أم ونفسى اجيب حاجه زى الدبانه كده أبدأ بيها بس المشكله أنى لا أفقه اى شىء ف الب أم وبحس ددائما انى لو هجيبها مستعمله هتعب معاها علشان بحس كل راكب بى أم او معظمه يعنى ممكن يكون بهدلها فأيه النصائح علشان اجيب حاله نضيفه ومثلا التوكيل ممكن يكون بيبيع عربيات مستعملة مثلا لو اجيب منين و|أعمل أيه وشكرا مقدما

شوف يا باشا
محدش فينا اتولد بالبى ام :) وهى عربية زى اى عربيه قطع غيارها الاستيراد متوفره بكثرة وفى منها جديد فى الغالب قطع غيارها اقل من العربيات الكورى الجديده واليابانى يعنى عربية زى اى عربيه هاتجيبها حالتها كويسه هاتريحك هاتجيبها حالتها تعبانه هاتتعبك وبردو زى اى عربيه لازملها اللى بيفهم فيها وحلولها دايما بسيطه جدا ومابتاخدش وقت لو اللى شغال فيها بيفهم انما لو الصنايعى مش فاهم هايجننك سواء كانت بى ام ولا سيات حتى
العربية دى متعه لو متاح لك تركبها لول سنه هاتها واتمتع بيها وابقى بيعها
الواحد مش كل يوم بيركب بى ام :)
ربنا يوفقك للى فيه الخير

المشاركة الأصلية كتبت بواسطة sameh_nabil

طب هو قطع الغيار لموديل 2013 حتكون نفس الاسعار و لا أغلي و لو حد يعرف أسعار يا ريت يفيدنا و شكرا

بكل تأكيد هاتبقى أغلى وبشكل لا يقبل المقارنة كمان

المشاركة الأصلية كتبت بواسطة khaled azoo

عاوز اسأل مو الموتور 1600 كام حصان

على ما أذكر ال 316 101 حصان
وال 318 102 حصان