أسعار قطع غيار 316 الدبانه من موديل 91 الى 97

**xvaan** · 22-01-2013 09:57 PM

السلام عليكم تسلم ياباشا علي الموضوع الجامد دا بس عندي سؤال
انا عندي e21 318 موديل 83 وعايز اسقط موتور دبانه 98 بفتيس اتوماتك ولو ينفع اغير الطابلوه كورسليه كامل هل ينفع ولا لا مع العلم عربيتي انجكشن اتوماتك

**m000dy** · 08-02-2013 01:31 PM

اعتقد انك كده هاتغير كل حاجه
اعمل حسابك على مبلغ من 8000 ل 15 الف على حسب سى سى الموتور اللى هاتركبه
وماتقلقش كل مواتير البى ام بيركب على بعضه المهم تلاقى صنايعى نضيف يسقط صح عشان ما تقابلكش مشاكل بعد كده

**yasinmahmoud** · 04-07-2013 07:35 PM

موضوع زي الفل يا كبير بس انا كان عندي سؤال ؟؟

لو انا جبت عربيه 316 حالتها كويسه في رينج 80 او 85 ..
ولسه كمان فلوس للتعديل من حيث تسقيط وغيره كدا ممكن تخوش في 100

ولا اجيب عربيه حالتها مش اوي ب60 او 65 صظبطها انا احسن ...
كدا كدا انا هاغير فيها حاجات كتيييييييييييير ....

وشكرا علي الموضوع...

**yasinmahmoud** · 07-07-2013 04:21 AM

فين الرد يا كبير .. ؟؟

**m000dy** · 02-08-2013 06:44 PM

ياسين انا اسف على التأخير فى الرد
انا أرجح انك تجيب عربيه موديل من 91 ل 94 تكون اساسيات نضيفه فقط وياسلام لو مفيهاش مكنه او متورها ضايع لان ده هايفرق فى السعر و كده كده انت هاترمى المكنه اللى فيها لان بينى وبينك خسارة تجيب عربيه 98 - واللى هى اعلى موديل فى الدبانه - واللى غالبا هايكون الكيلو متر بتاعها قليل وحالتها نضيفه وكمان غاليه وتقوم مشقلبها
أولا لما تيجى تبيع مش هاتجيبلك اكتر من اللى اشتريته بيها
ثانيا عربية فابريكه وبحالتها هايبقى ادائها أحسن ومشاكلها اقل بكتير
ثالثا عربيه نضيفه واستهلاك بنزين وقطع غيار ارخص
فلو هاتلعب فى العربيه يبقى هاتها موديل اقل ورخيصه وحالتها تعبانه بس المهم اساسها نضيف وحط تحت اساسها نضيف دى 100 خط لان الانصاص بقت ماليه مصر

**Nadeem2000** · 04-09-2013 06:58 PM

ارجو منكم لو فيه حد يعرف أسعار بعض الحاجات دي... انا لسه شاري العربية و محتاج اغير بعض الحاجات.. العربيه موديل 1997 وفيها الموتور ال2800 الأسود مانوال . بس عفشتها ضايعة وسحبها تعبان... وبعد الكشف عليها عرفت ان الحاجات دي هيا المطلوبة :
1- طقم دبرياج ( ديسك وبلية واسطوانة) وياريت كمان ترس فولام.
2- أربع مساعدين بالسوست بتاعتهم (بالشتين).
3- مقصين أمامي ومعاهم الجلب اللي في الآخر دول.
4- طرمبة باور.
5- طقم جنط 16 أبدله مع أي حد بطقم بي بي إس أصلي 17 راكب في العربية وطبعاً بالكاوتش لأني مش مرتاح بصراحة في ال 17 ده.
6- البار الحديد اللي بتثبيت عال مساعدين الأمامي من فوق الموتور كدعامه.
7- الأير ماس بتاع الهواء اللي داخل للموتور.
أستأذنكم بس اللي يعرف سعر أي حاجة من دول جديد أو مستعمل يقوللي لأني على حسب الأسعار والفلوس اللي معايا فيه حاجات هاجيبها جديدة وحاجات استيراد... وطبعا شكراً لكم

**hoka** · 13-11-2013 02:26 PM

الف شكر ليك مجهود فوق الممتاز

**V!PER** · 16-11-2013 01:23 AM

ممكن تسعير الحاجات دي لاني سمعت ارقام فلكية في شارع دمشق
السياره E36 model 1994
-موتور 1600 m43 كامل بادوات تغذيته من غير فتيس
-مرايتين كهربا كاملين
-جلب مقصات
-مساعدين bilstein جديده
-طابلوه حالته ممتازه بعداد 240 و التكيف التاتش لان اللي عندي زراير
-شداد امامي
-تيل فرامل امامي و خلفي و هل ينفع احول الفرامل ورا سكاكين

سؤال ملوش علاقه بقا باللي فات : ازاي اعرف العربيه فيها ABS و EBD ولا مفيهاش و معلش طولت عليكم :D