مقلب عروض غبور

**Adham_Sabry** · 30-03-2008 03:05 PM

من حوالي 3 اسابيع وانا عاوز اشتري فيرنا كاش ... واثناء عملية البحث وجدت التالي :
- الشراء من غبور : سعر مرتفع وبيشترط دفع المبلغ بالكامل قبل الإستلام بإسبوع .. وتأخر في التسليم (اسبوع او عشرة ايام) وطبعا بتشتري حاجة مش شايفها فممكن عند الإستلام تلاقي خدوش او اللون مش المطلوب
- الشراء من المعارض .. ممكن تجد سعر اقل من غبور بألف جنية وممكن تلاقي اللون اللي انت عاوزه وبالتالي افحص العربية وادفع واستلم ..
فطبعا فضلت اشتري من المعارض ..
يوم الثلاثاء 18-03-2008 نزلت الف علي المعارض .. واثناء البحث مريت علي معرض غبور فوجدت عندهم عروض وهدايا كالتالي :
1- تركيب طقم زينون بقيمة 1200 جنية (بس انا قلقت من المرور فقلت اشوف عرض غيرة)
2- كارت ايليت للصيانة المنزلية وخدمة الونش (ملوش لازمة لأن السيارة جديدة وبياخدوا مصاريف كبيرة للصيانة المنزلية)
3- كارت خصم 10 % علي قطع الغيار ( ملوش لازمة لأن السيارة في الضمان ولسة ثلاث سنوات لحد متخرج برة الضمان)
4-كارت مشتريات من معرض بي تك بقيمة 1000 جنية
انا قلت هو الإختيار الرابع اجيب غسالة ايديال زانوسي ولا ثلاجة جولدي او توشيبا او بوتجاز كريازي او ..... ده معرض اجهزه كهربائية وفيه انواع واشكال ياما
والبائع وعدني اني استلم يوم الخميس واشار الي سيارة نيو اكسنت وقالي ان فيه سحب عليها ....
قلت اشتري من غبور ثقة برضه و بالهدايا السعر زي المعارض ..والتسليم بعد يومين .. ومين عارف جايز اكسب في السحب واخد نيواكسنت هديه كمان .. فتعاقدت ودفعت المبلغ بالكامل

لكن يبدو ان مفيش حد ثقة اليومين دول لا المعارض ولا غبور
اولا : موضوع السحب علي نيواكسنت : كذب لا يوجد سحب ولا غيره
ثانيا : البائع لم يوفي بوعده وإستلمت بعدها بحوالي اسبوع
ثالثا :استلمت السيارة وانا مروح بيها سمعت صوت تزييق (زي ما يكون بلاستك او فبر) صادر من خلفي بيظهر لما يكون الطريق فيه خشونه او في المطبات
اتصلت بالبائع وقلتلة .. قال لي روح الصيانة في ابو رواش .. وعجبي .. استلم العربية الجديده وتاني يوم مفروض اخدها الصيانة ؟؟؟؟ حاجه تقرف
المهم .. قلت ارخصها وبعد كده اشوف الصوت ده جي منين..
رابعا: بعد الترخيص واثناء تركيب اللوحات الأمامية .. وجدت "صدأ" في الأجزاء المعدنية اللي الأكسدام الإكسدام الأمامي مثبت بها .. وعجبي عربية جديده وبها صدأ..

خامسا : اتصلت بالبائع وسألت عن كرت المشتريات .. قالي هاتستلمة يوم 29 - 3- 2008
ذهبت امس مساء لإستلام الكارت وكانت المفاجأة ....
- الكارت صالح للشراء حتي يوم 31-3-2008 ... يعني يا تلحق يا متلحقش .. واللي هايتأخر يومين بس خلاص كل سنة وانت طيب
- الكارت للشراء من انواع محددة فقط معظمهم ملوش لازمه (9 انواع sony,philips,indesit,haier,craft,babyliss,daewoo,a riston,playstation)
يعني مينفعش ايديال زانوسي ولا توشيبا ولا جولدي ولا كريازي ولا .....

شوفتوا المقلب !!!!!!!!!!!!!!!!!
حتى انت يا غبور

**tutankhamoun** · 30-03-2008 03:20 PM

في جمهورية مصر العربية الغش التجاري فظيع

يعني المفروض من الأول يكون العرض واضح و صريح و به كافة الشروط و المميزات
و لكن .......... هيهات .... نحن في مصر

التاجر يعلن عن حاجة ........ و بعدين تلاقي البيه يقصد حاجة تانية خالص غير التي تم شرحها في الإعلان

و بعدين بالنسبة لغبور و بي تك .......... طبعا تم الأتفاق بينهم على بيع الحاجات الراكدة و التي ليس عليها طلب و بالتالي ازاي يخلصوا من الحاجات دي .؟
عن طريق المستهلك الذي تم غشه و حسبي الله و نعم الوكيل

**cpt_shawky** · 30-03-2008 03:37 PM

المشاركة الأصلية كتبت بواسطة ABOZAYED

.. واثناء البحث مريت علي معرض غبور فوجدت عندهم عروض وهدايا كالتالي :
1- تركيب طقم زينون بقيمة 1200 جنية (بس انا قلقت من المرور فقلت اشوف عرض غيرة)
2- كارت ايليت للصيانة المنزلية وخدمة الونش (ملوش لازمة لأن السيارة جديدة وبياخدوا مصاريف كبيرة للصيانة المنزلية)
3- كارت خصم 10 % علي قطع الغيار ( ملوش لازمة لأن السيارة في الضمان ولسة ثلاث سنوات لحد متخرج برة الضمان)
4-كارت مشتريات من معرض بي تك بقيمة 1000 جنية
انا قلت هو الإختيار الرابع اجيب غسالة ايديال زانوسي ولا ثلاجة جولدي او توشيبا او بوتجاز كريازي او ..... ده معرض اجهزه كهربائية وفيه انواع واشكال ياما

خامسا : اتصلت بالبائع وسألت عن كرت المشتريات .. قالي هاتستلمة يوم 29 - 3- 2008
ذهبت امس مساء لإستلام الكارت وكانت المفاجأة ....
- الكارت صالح للشراء حتي يوم 31-3-2008 ... يعني يا تلحق يا متلحقش .. واللي هايتأخر يومين بس خلاص كل سنة وانت طيب
- الكارت للشراء من انواع محددة فقط معظمهم ملوش لازمه (9 انواع sony,philips,indesit,haier,craft,babyliss,daewoo,a riston,playstation)
يعني مينفعش ايديال زانوسي ولا توشيبا ولا جولدي ولا كريازي ولا .....

شوفتوا المقلب !!!!!!!!!!!!!!!!!
حتى انت يا غبور

بصراحة أنا شايف حضرتك غلطان :

أولاً : لأنك مستفسرتش عن تفاصيل العرض اللى حضرتك اختارته من الأربعة ده لا يمنع أن غبور كده كده واخد جايزة اوسكار للمرة التاسعة على التوالى عن فيلم (الحداية مبترميش كتاكيت) :D

ثانياً: بما أن غبور واخد الأوسكار عن الفيلم ده يبقا أنا راجل بشترى عربية عالزيرو أحاول أخرج باى أوبشن زيادة فالعربية طلما مش هيكلفنى حاجة وطبيعي يبقا الاختيار الصح هو الزينون.

ثالثاً: حضرتك اكتشفت وجود صدأ يبقا مفحصتش العربية كويس ساعة الاستلام وكمان سمعت تزييق من أول متحركت بيها ورضيت بيه وكمان عاوز تصلحو رغم ان الأوقع أنك ترجع مباشرة ومتقبلش العربية.

رابعاً: انسا كل اللى قلتهولك ده...ألف مبروك ربنا يباركلك فيها ومتنساش تدعى على غبور :D

**ضيفو** · 30-03-2008 03:40 PM

اشترى كذا وخد عليه هدية كذا اكيد يبقى حاجة من الاتنين فيهم( انا ) حتى فى الاكل

مع انها وسيلة فعالة لجذب الزباين لكن هنقول ايه

الهدف جذب الفلوس اللى فى الجيب مش الزباين

**Adham_Sabry** · 30-03-2008 04:11 PM

بصراحة أنا شايف حضرتك غلطان :

أولاً : لأنك مستفسرتش عن تفاصيل العرض

انا طلبت من البائع معلومات اكتر قالي : كارت تشتري بية اي حاجه من بي تك قيمتها 1000 جنية او تكمل عليهم وتشتري حاجه اغلي .. طلبت اشوف الكارت قالي مش موجود .. سألته هل لازم اعمل حد ادني للمشتريات قالي لأ .. قولت له هل هناك شروط اخري قالي لأ .. مش عارف كنت اعمل ايه اكتر من كده ؟؟؟ انجم ؟؟ ولا اضرب الودع ؟!!!!

وطبيعي يبقا الاختيار الصح هو الزينون

مش واضح ان كان مخالف مروريا ام لا وهناك عده زملاء هنا في المنتدي قالوا انهم اخذوا مخالفات بسببه

اكتشفت وجود صدأ يبقا مفحصتش العربية كويس ساعة الاستلام

انا فحصت الجسم الخارجي .. والمكونات الرئيسية والوظائف (التكييف - زجاج كهرباء - الكاسيت - الإنذار - الأنوار - فتح الشنطه والتنك من الداخل - الملحقات الإستبن - الكريك - مفتاح العجل - جراب وش الكاسيت - ...وبعض المكونات الداخليه الرئيسية
صعب جدا اني كنت اكشف الصدأ اللي خلف الإكسدام عند الإستلام .. هو فيه حد لما بيجي يستلم عربيه جديده بيفحص المكونات الداخليه بالكامل ..
كده انت قصدك كنت اخد معايا ميكانيكي و سمكري لفحص العربيه وكمان اخدها البنزينه نرفعها ونقيس كبس الموتور وبالمره نتأكد انها مش راشه .....

وكمان سمعت تزييق من أول متحركت بيها ورضيت بيه وكمان عاوز تصلحو رغم ان الأوقع أنك ترجع مباشرة ومتقبلش العربية

دا انا قلت الحمد لله انها جت علي قد تزييق من الخلف وغالبا تقفيل بلاستيك الباب الخلفي
دا انا قرأت مشاركه لعربيه ولعت يوم استلامها

**cpt_shawky** · 30-03-2008 04:14 PM

المشاركة الأصلية كتبت بواسطة ABOZAYED

دا انا قرأت مشاركه لعربيه ولعت يوم استلامها

ولعت

يا نهار ألواااااااان....لأ بقا اكتب دعوتك على غبور هنا واحنا هنقتبس ونردد وراك آمييييييييين :D:D

**Adham_Sabry** · 30-03-2008 04:26 PM

الرابط اهه
http://www.nilemotors.net/Nile/showthread.php?t=18577

استلمنا فيرنا 1600 اتوماتيك يوم 17/3 /2008
وفى نفس يوم الاستلام واحنا مروحين شمينا ريحة شياط الكاوتش عشان الجنوط ولعت من السخونة وطاسة العجل ساحت ووقعت ع الارض

بعتنا لغبور اخدها بالونش ورجعت ولكن حصل نفس الشىء( تانى) اخدوها تانى ورجعت تانى بنفس المشكلة( قصدى تالت)

بس للأمانه ..يبدو انهم غيروا العربيه وادولها واحده تانيه .. بس ده لا يمنع ان العربيه جديده وولعت يوم الإستلام

http://www.nilemotors.net/Nile/showthread.php?t=18992

**ضيفو** · 30-03-2008 05:08 PM

المشاركة الأصلية كتبت بواسطة ABOZAYED

الرابط اهه
http://www.nilemotors.net/Nile/showthread.php?t=18577

بس للأمانه ..يبدو انهم غيروا العربيه وادولها واحده تانيه .. بس ده لا يمنع ان العربيه جديده وولعت يوم الإستلام

http://www.nilemotors.net/Nile/showthread.php?t=18992

لسه يا فندم لم نستلم حتى الان 30 مارس 2008

السبب انهم بيخلصوا ورقها !!

**Ghamrawy** · 30-03-2008 06:09 PM

شيئ غريب و الله طيب لو العربيى نازلة من المصنع بالزينون صاحب العربية يعمل ايه ؟؟؟ يفكه و يبيعه !!! قمة فى التخلف و كل ضابط مرور بيطبق القانون على كيف ......
اما بالنسبة لعروض غبور فهى اكيد لازم تبقى كده فبعد ما عمل اعلانات عن التقسيط المباشر معاه اتضح ان التقسيط مع سيتى بنك و الفائدة 11 % و لو جبت جواب مفردات مرتب اكتر من 3000 ج شهريا ممكن الفائدة تنزل لحد 6.9% طبعا ده غير حظر البيع
و بالمناسبة مندوب غبور اللى جاء زيارة للشركة عندنا اعلن ان يعر الماتريكس حايغلى 2000 جنيه و كمان سعر الفيرنا بس كام ماقلش اما سعر الجيتز فازى ما هو و الالنترا بصراحة ما سالتش عليها و ان شاء الله اول لما يبعت العرض بالفاكس حارفعه.