ياجماعه انا بشترى نوبيرا اتوماتيك وناس بتقول ان الفتيس الاوتوماتيك بتاع النوبيرا ضعيف وكله عيوب انا عوز اعرف هل حقيقى الكلام ده صح
وشكرا جزيلا
عرض للطباعة
ياجماعه انا بشترى نوبيرا اتوماتيك وناس بتقول ان الفتيس الاوتوماتيك بتاع النوبيرا ضعيف وكله عيوب انا عوز اعرف هل حقيقى الكلام ده صح
وشكرا جزيلا
حسب حالته
فيه ناس معاها نوبيرا أوتوماتيك
والعربيه
بسم الله ماشاء الله
فالذى يحدد حالة الشىء
هو مستعمله وطريقة عنايته بالشىء
الاول ازي حضرتك ياهندسه واخبار حضرتك ايه وايه وايه اخبار ابوعلي والبنزين 80 مع ظبطه الجمبر
زي ماقال البشمهندس سمير في ناس بتشتكي منه واعرف ناس باعت عربيتها بسبب الفتيس وفي ناس الحمدلله شكرت فيه جدااا انا شايف ان الموضوع قصه محافظه وطريقه الاستعمال والمتابعه بستمرار
كله تمام والحمد لله
ومتشكر لسؤالك
يعني يا جماعة ما يقال عن الفتيس ده اشاعات ولا حقيقة ؟
وهل هو بالجودة التي يعتمد عليها في الطروف العادية
الفتيس مافهوش مشاكل طالما بتعمله الصيانه الدوريه
وبعدين سعره كله استيراد لا يتعدى 700 جنيه يعنى تمن صيانه الفتيس العادى تقريبا
+1
اليومين دول بنشتري نوبيرا اوتوماتيك لواحد قريبي ودورت كتير في الموضوع ده
الخلاصه الفتيس لو سليم هتراعيه في غيار الزيت والفلتر علي 30000 كم بتكلفه حوالي 100 ج ، وكذلك مش عايز سواقه عنيفه وكيك داون كتير
اللي مش عاجبني فيه انه سحبه أضعف من النوبيرا المانيوال
والفتيس علي بعضه في رينج 1500 مش 700 حسب ما سألت كتير اخرها انهارده ، يعني حتي لو باظ بعد فتره هيتغير ومع مراعاته ان شاء الله مش بيحصله حاجه طالما عايز اوتوماتيك وتشتري راحتك .. الموضوع نسبي يعني
وجربتها اوتو مع بنزين 80 برضو شغال مش وحش بس طبعا سحب اقل شويه برضو
طبيعي ان سحب الاوتوماتيك اقل من الماتيوال لكن مجملا مش ضعيف
بس المهم مع التكيف عامل ايه ؟
وانا قدامى نوبيرا موديل 2006 ب 50000 جنية كده سعرها كويس ولا غالى؟
هو ممكن اعرف الفتيس كوس ولا لا ؟ وازاى؟
من لون الزيتاقتباس:
هو ممكن اعرف الفتيس كوس ولا لا ؟ وازاى؟
لو أحمر يبقى ده مؤشر مبدئى كويس
____________________________
ولكن !!!!!!!!!!!!!!!
لازم تجرب السياره وسحبها فى كل الأحوال
وارد أوى يكون الفتيس فيه مشكله
والراجل غير زيت الفتيس من أجل التدليس
_________________
حرص ولا تخونش
ياباشا الف شكر على المعلومة الممتازة
الله يخليك
ماتأخذونيش في الكلام يا جماعة قصدكم ايه بان الاتوماتيك سحبه اقل من المانوال في الطيبيعي ؟
و ماذا تعنون بـ بالسحب هنا ... أذا كان قصدكم تسارع العربية يعني ف كده المفروض يكون الاتوماتك هو الحل الامثل للتسارع لانه لا عمره هايحرق ع الغيار عشان يشد .. و لا عمره هايسقط غيار عشان ياخد غرزة من واحد .. و لاعمره هايغير علي RPM قليل و العربية تسقف منه ... ألا انه من الممكن ان يكون بيستهلك بنزين زيادة شوية عشان يحاول يضبط سرعة العربية مع الغيار الحالي ...
فالطبيعي لو عربيتين واقفين في أشارة (بأعتبار ان عندنا أشارات في مصر) واحدة مانوال و التانية اتوماتيك، و الاشارة فتحت .. سواق الاتوماتك ممكن يغطس دوالسة البنزين و العربية تقوم طايرة مرة و احدة ... اما بتاع المانوال لو عمل عفريت مايحصله بنفس السرعة لانه لازم برضك بيضيع وقت و لو صغير في نقل الغيارات ... مع الاخذ في الاعتبار ان الاتوماتك بينقل عند الـ RPM المضبوط بالميلي .. مش زي سواق المانوال بياخد الموضوع بالاحساس و الخبرة
و ياريت يا اهل العلم و المعرفة تنوروني و تفهموني قصدكم ايه، و تصححوني لو انا غلطان
و اليكم مني احلي هدية بمناسبة الاوكازيونات .. أي تي شيرت ع العربية بسبعتاشر و نص ... و تعالي بص
http://maxboostapparel.com/images/T/...ck-t-shirt.png
معلش انت فاهم الموضوع بالعكس... اى عربية نزلت بفتيس مانيوال و فتيس اوتوماتك حتلاقى المانيوال تسارعها احسن... و لو جبت العربيتين دول فى الحالة بتاعت الاشارة اللى انت ذكرتها العربية المانيوال حتاكل عيش على فقا العربية الاوتوماتك للصبح
طيب عرفنا ان المانيوال اسرع.... ليه بقى اسرع؟؟
الفرق بين الفتيسين فى موضوع السحب بيجى من حاجتين... نظام نقل الحركة من الموتور الى الفتيس و نسب نقلات الفتيس نفسة... و حنشرح الفرق بالتفصيل...
فى العربيات المانيوال بيبقى نقل الحركة من المكنة للفتيس عن طريق مجموعة الدبرياج اللى بتعتمد على الاحتكاك الميكانيكى بين الفلام و الاسطوانة و الدسك... فى العربيات الاوتوماتك بيبقى نقل الحركة معتمد على ضغط و اندفاع الزيت اللى بيولدة الtorque converter
نتيجة للاختلاف دة بيحصل فرق فى حجم الطاقة المهدرة بين المكنة و الفتيس... فى نظام الدبرياج الميكانيكى بيبقى تقريبا الهدر فى الطاقة قليل جدا و يمكن تجاهلة فى حالة التعشيق الكامل (السواق شايل رجلة من على دواسة الدبرياج) فى حين ان الtorque converter بيحصل فيه هدر اكبر للطاقة المنقولة نتيجة عدم وجود اتصال ميكانيكى مباشر بين المكنة و الفتيس
معنى الكلام دة ان فى الطلعة من ثبات نظام الدبرياج الميكانيكى يقدر ينقل كامل طاقة المكنة الى الفتيس بدون اى هدر يذكر بالتالى تقدر تستغل كل الطاقة دى فى التسارع و الانطلاق بقوة
بالنسبة للاوتوماتك حتبقى الطلعة اضعف نتيجة هدر الطاقة اثناء توليد الضغط المطلوب فى الtorque convert و دة بيظهر بسهولة فى الفرق الواضح بين استجابة لفات الموتور و سرعة العربية عند الضغط بقوة على دواسة البنزين (لو دة حصل فى عربية مانيوال بتبقى العربية فيها مشكلة تفويت فى الدبرياج)
كدة عرفنا الجزئية بتاعت نقل الحركة.... ندخل على نسب التروس
الفتيسات المانيوال معظمها حاليا 5 نقلات... و الاوتوماتك 4 (انا مش بتكلم عن الفتيسات الحديثة ال5 نقلات او الفتيسات الCVT)
معنى كدة ان لو العربيتين سرعتهم القصةى 200 كيلو يبقى لازم التسارع المطلوب للوصول للسرعة دى يقوم بية 5 تروس فى العربية المانيوال فى حين ان نفس الشغلة دى بتقوم بيها 4 نقلات فقط فى الاوتوماتك... دة معناه ان كل نقلة لازم توصل بالعربية لسرعة اعلى فى الاوتوماتك عن المانيوال و بالتالى نقلات الفتيس الاوتوماتك بتبقى روحها طويلة و دة بيخللى التسارع ياخد وقت اطول
معنى الكلام دة ان الفتيس الاوتوماتك لا حيعرف ينقل كامل قدرة المحرك الى الفتيس فى الطلعة ولا حيعرف يجارى التسارع بتاع الفتيس المانيوال اللى روح نقلاتة قصيرة (بعض الناس بتسمية فتيس حامى) و بالتالى السباق بين عربيتين (نفس العربية طبعا) واحدة بفتيس عادة و واحدة بفتيس اوتوماتك محسوم تماما للمانيوال
الميزة الوحيدة للفتيس الاوتوماتك هى زمن النقل من نقلة للتانية و دة بيبقى اقل من الفتيس المانيوال طبعا بس لو اللى راكب المانيوال راجل فاهم هو بيعمل ايه حيقلل الزمن دة قدر الامكان و ينقل من نقلة للتانية فى كسر من الثانية و بالتالى يقلل الفرق بين زمن النقل للفتيسين... و مع وجود الميزتين السابق ذكرهم حيكون الحسم للفتيس المانيوال
قصة توقيت النقل فى المانيوال مش قضية... احنا بنفترض ان اللى راكب المانيوال عارف هو بيعمل ايه و بيسوق ازاى
فى الوقت الحالى فيه بعض المصنعين بينزلوا عربيات بفتيس اوتوماتك 5 نقلات و دة الهدف منة معالجة مشكلة طول النقلات فى الفتيس العادى ابو 4 نقلات... بس طبعا ما تزال مشكلة الtorque converter موجودة
البعض الاخر لجاء الى الفتيس الCVT و دة فتيس مفيش فيه نقلات اصلا بالتالى لا فية وقت بيضيع بين النقلات ولا نسب فتيس اساسا و هنا الفتيس دة بيتفوق على المانيوال فى التسارع و بتفضل فقط ميزة الطلعة للفتيس المانيوال لان الفتيس الCVT فيه torque converter برضة
MMamdouh
الباشمهندز م.ممدوح
أنت كده أفحمتني .. و ماتتخيلش انا فرحت قد ايه لما لقيتك كاتبلي مقالة جرنال طويلة عريضة .. بجد متشكرين علي أهتمامك و ردك العافي الوافي .. و فكرتك وصلت بوضوح .. و انا الحقيقة مكنتش اعرف اي حاجة عن الـ tourque converter ده لكن سعادتك كده نورت المحكمة
و علي فكرة بقي التيشرت ابو سبعتاشر و نص ده مكانش من مقامك خالص ... سعادتك اقل واجب طقم سموكن بصفين
http://stevelummer.files.wordpress.c...o_clip_art.jpg
روكي
الفتيس دة مفيهوش تروس اساسا... الفتيس عبارة عن بكرتين بينهم سير و قطر البكرتين بيتغير حسب ظروف التشغيل
دى لينك لطريقة عملة:
HowStuffWorks "How CVTs Work"
و دى فيديوهات توضيحية:
YouTube - mini-CVT
YouTube - Dodge CVT Animation
و دة فيديو لعربية فيها الفتيس دة و هى بتتسارع:
YouTube - 2009 Nissan Altima 0-60 MPH - CVT in Drive
YouTube - 2008 Nissan Altima Coupe 3.5 CVT 0-60 Launch
MMamdouh
شكرا يا استاذ محمد...
:)
اوحش حاجة ان العربية النوبيرا الأوتو مش من النوع المرن اللي ممكن التعديل فية و تسقيط فتيس مش بتاعها زي cvt والا كان حالنا بقي لوززززز
م.ممدوح باشا ... الموضوع ده أبهرني ... و زي ما الموقع بيقول ان دي نظرية هندسية قديمة أكتشفها مايكل أنجلو http://cdn1.staztic.com/logos/teenag...tles-3-100.png (أول مرة أعرف ان سلاحف النينجا كان ليهم نظريات هندسية) لكن تم استخدامها في السيارات حديثاً
و الحقيقة البكرتين و السير دول شكلهم مش غريب عليا ابداً ، انا متأكد اني شفتهم قبل كده في مكنة خياطة عند الاسكافي - اللي هو محل تصليح "و لامؤاخذة" الاحذية.
و لكن هنا يشغل بالي سؤال مُلح .. هل السير ده (حتي لو كان سلسلة من شرايح معدنية زي ما الموقع ده بيقول) قوي كفاية انه يبقي مشدود علي البكرتين لدرجة انه يحرك عـربيـة ، ولو هو قوي كده فعلا .. الاحتكاك بتاعه مش بيسبب أي تأكل مع المدي الطويل (زي تأكل الاسطوانة مع الديسك كده) ... و يحتاج يتغير
و معلهش استحملني عندي سؤال كمان ، هل ممكن نستغني عن الـ Torque converter هنا و نستبدله بكلاتش عادي ... و تبقي عربية غيار واحد عند الطلعة و بعد كده هي عليها الباقي ... ؟! و بالتالي يبقي النموذج ده 100% و مفهوش اي عيوب.اقتباس:
بتفضل فقط ميزة الطلعة للفتيس المانيوال لان الفتيس الCVT فيه torque converter برضة
معلهش يا باشا بنتقل عليك بأسئلتنا الكثير ..بس فعلا الحديث معاك شيق و ممتع لابعد الحدود ... بس برضك ماقولتليش اي اخبار البدلة السموكن ، طلعت مقاسك ولا ايه ؟ http://l.yimg.com/us.yimg.com/i/mesg/emoticons7/4.gif
http://image.shutterstock.com/displa...n-15649438.jpg
بالنسبة لطبيعة تشغيل و استهلاك السير فا انا معنديش معلومات كافية للاسف عن القصة دى
و بالنسبة لاقتراحك باستبدال الtorque converter بدبرياج عادى فا هى فكرة كويسة بس عايز ادورها فى دماغى شوية... معلش الساعة 2:30 صباحا و بدات اهنج
و على فكرة انا لسة مقيستش البدلة
MMamdouh
انا معايا نوبيرا اوتوماتيك 2001
غيار الزيت 20000 كيلو مش 30
فعلا مش عاوز كيك داون كتير لنه قوي جدا ومرهق للفتيس
سحبه ممتاز واحسن من غيره كتير بالنسبة لحجم العربية ووزنها لانها اتقل من المانيوال
الفتيس كامل استيراد من 750 الي 1000 جنيه حسب حالته وشطارتك
شغالة معايا ببنزين 80 بعد ظبط فيشة الاوكتان زي الفل
العربية ممتازة جدا لو حالتها كويسة
وربنا يوفقكم