أيهما افضل بالنسبة للفتيس مانول ولا أوتوماتيك من حيث :-
1- التسارع
2- استهلاك البنزين
3- الصيانة واسعارها
4- هل اختلاف السعر العالي لصالح الاوتوماتيك ده لانه افضل بكتير من المانول
عرض للطباعة
أيهما افضل بالنسبة للفتيس مانول ولا أوتوماتيك من حيث :-
1- التسارع
2- استهلاك البنزين
3- الصيانة واسعارها
4- هل اختلاف السعر العالي لصالح الاوتوماتيك ده لانه افضل بكتير من المانول
طيب سؤال بعد اذنك
لو عايز اشتري ... ابص علي المانويل ولا الوتوماتيك
يعني 4 نقط دول مقابل الزحمة ... ده سبب اني اشتريها اوتوماتيك
الف الف شكر
والله يا غالي هو معظم الناس دلوقتي بتقوللك يعني أدفع فوق ال100 ألف جنيه في عربية مانيوال
(ولو حدث بعد ذلك شئ للأوتوماتيك تجدهم في حيرة من أمرهم بسبب الغلاء المبالغ فيه من قبل التوكيلات في أسعار الأوتوماتيك) لكن هذا أيضا ليس سببا للإعراض عن الأتوماتيك
بس أنا حتى لو هجيب عربية بمليون جنيه أبص أول حاجة على إحتياجي هل أنا مثلا من سكان القاهرة وكل يوم بانتظر في الطريق ساعتين ثلاثة والطريق واقف ....إلخ
أم أنا لست في هذا الموقف
أنا شخصيا لست من سكان القاهرة وفي كثير من المواقف أتعرض للزحام لكنني لا أعدل بالمانيوال أحدا
المانيوال عندي به ميزات كثيرة غير التي ذكرت وهي إمكانية الفرملة بتسقيط النقلات في بعض الظروف الطارئة
(وهذه ميزة ليست بسيطة)
هذا كله شئ ومتعة القيادة مع المانيوال في الطرق المفتوحة شئ أخر
من الأخر شوف إحتياجاتك إيه
اولا الف الف شكر وجزاك الله خيرا علي الاستفاضة الجميلة ديه
المشكلة اني من القاهرة ... بس مش بحب الاوتوماتيك .... يعني من ساعه ما سوقت عربيات وهي مانيوال
وغير كده المانويل بتحس انك ممتمكن من العربية ولا قدر الله صيانته سهله وبنزينه اخف من الاوتو
بس هي الزحمة .... حسبي الله ونعم الوكيل
مفيش حل اني اعيش بره القاهرة بقي :))
ههههههههه وتسيب القاهرة عشان الفتيس مانيوال ياراجل
انا من عشاق الفتيس المانيوال
فى الزحمة بفضلة عشان بطلع طلعات شديدة شوية
الاوتوماتيك ميستحملنيش
يا راجل أترك القاهرة بتاتا
ده أنا نزلت كام مرة القاهرة بالعربية بتاعتي مانيوال طبعا
كرهت المانيوال وكرهت الأتوماتيك وكرهت نفسي وكرهت السواقة وكرهت البلد:36_2_33:
لا بصراحة المانيوال جميل لكن في مصر إمشي على رجليك أحسن أو هاتلك عجلة لا تركب عربيات ولا مواصلات
بالتوفيق يا غالي
في الحقيقة مبحسش اني سايق عربية غير مع الفتيس المانيوال
متعة في القيادة
سرعة في الاستجابة والتسارع وكدة
قطع غيار رخيصة نسبيا
تقدر تسقط نقلات وتهدي بيه في الطواريء ودي ميزة مهمة جدا
انا بسوق مانيوال واوتو بس انا بحب المانيوال بغض النظر عن الزحمة او اي شيء انا بحب المانيوال رغم اي شيء
طيب ماانتا تقدر تشترى عربيه ستيبترونيك وتستمع بنفس خصائص المانيوال بشكل بسيط...ولا انا غلطان ياجماعه
ايوه فعلا ده حل اريح وصحبى معاه سيراتو بيعمل كده d:
تحياتى لكم اولا وكل عام ونتم بخير . بعد اللى قرأته من الاخوه الافاضل عن الفيتيس فما عاد لى الا ان اقول انها وجهات نظر وراحات نفسيه اما انا عن نفسى افضل الاوتوماتيك من حيث كل شىء لماذا . اولا من ناحية الصيانه وقطع الغيار فالاوتوماتيك لا يعطل يوميا ولا شهريا ولا سنويا ونادرا اصلا ما يحدث به عطل الا اذا خطأ منى وده ممكن يحصل فى المانيول ايضا فبالتالى ليس هناك فرق قطع الغيار على اساس اننى اجرى صيانه للاوتو بعد كل سنتين مثلا وده احتمال ضعيف برده اما عن السحب والذى منه فالاوتو فيه كل الامكانيات التسارع والحلقات والخمسات والامريكانى ووووووو اما عن التوفير فالاوتو يوفر عمر المحرك نفسه ودى طبعا كفايه ليه بيوفر فى عمر المحرك طبعا الاوتو يعطى لنفسه راحاته فى الغيارات وفى التسريع وهو يعرف متى ينتقل للاعلى او للاسفل دون تدخل منى هو مصمم على ذلك كل ده بينعكس ايجابيا على المحرك ليه مافيش مطلع والعربيه كركرت لنسيان الغيار او بتكلم فى التليفون او اى سبب اخر او مافيش غيار بطىء نسيته وانا دايس وطبعا العربيه ناعمه مش سامع صوت المحرك اما عن استهلاك البنزين فهو اوفر عن تجربه طبعا انا بحكى على المحرك 1600 فما فوق انما ال1300 فما اسفل فهو ضعيف ويجب ان يكون مانيوال وبعدين الناس دى ما بتلعبش طيب فروقات الاسعار اللى عملوها دى ليه علشان الامتن والانضف والامن انا اسف طبعا اذا وجهة نظرى مختلفه عن اى زميل لى هنا فأنا احترم وجهة نظره ايضا شكرا لكم جميعا مع تحياتى للاداره
هههههههههههه ....... والله واسيب ابوها
بجد القاهرة بقت مملة ملل ...... يجيب شلل اطفال وليعاذ بالله
مبقاش في متعة في اي حاجة خااالص ... لا عربيات و لا عيشة ولا اي حاجة
واهي محسوبة علينا دنيا :))
ما هو انا كده الحمد لله
حتي لسهة شاري عربية بفضل الله ... بس كل شوية الشيطان اللعين ده ... يخليني افتكر الاوتوماتيك
هي مكانتش هاتفرق كتير ... بس انا بحب المانويل اعمل ايه بس ... ههههه :))
انا النهارده كان الشارع فاضي شويه ... فمغيرتش كتير الحمد لله
5 دقايق من غيار وحسيت بدفي وعيني قفلت ... ههههههه
لا هو الاوتوماتيك ....... انتخة انتخه وراحة السنين ... سبحان الله
الحمد لله علي كل حال
سؤال مهم نفسي حد يرد عليا فيه رد مقنع
اسهل طريقة اريح بيها رجلي في الزحمة ؟؟؟؟؟
بسيطة صح ........ :0002014a:
السلانسيه يعني عدد لفات الموتور والعربية ساكنة لا تتحرك وهي دائما بتبقى أقل من 1 أو 1 (طبعا مضروب في ألف)
ولو عشقت العربية على الأول مثلا من غير ما تضغط على دواسة البنزين علشان تعلي عدد لفات الموتور
العربية هتبطل منك
فعلشان كدة هنخلي عدد لفات الموتور والعربية ساكنة على 2 ولما تعشق على الأول وتبدأ تشيل رجلك من على دواسة الدبرياش واحدة واحدة
العربية هتتحرك ومش هتبطل لأن عدد اللفات كبير بحيث يحرك العربية
وبدل ما تخلي رجلك اليمين تضغط على دواسة البنزين تريح الشمال شوية وتخلي اليمين على الدبرياش وهكذا بالتبادل دواليك
ومفيش تأثير على إسطوانة الدبرياش ولا حاجة لأن إحنا معملناش أي حاجة غير أن إحنا ريحنا رجلينا الشمال وخلينا اليمين هي اللي بتدوس على الدبرياش
بس لما تمور هتلاقي صوت العربية عالي علشان السلانسيه عالي على2
الحركة دي بتتعمل من الكربراتير بتعلي مسمار السلانسيه
إنت دوختني والموضوع كله هزار أساسا هههههههههههه
انا أفضل المانيوال على الاطلاق للأسباب اللى ذكرها الأخ الفاضل الصيداح
لكن بسبب القيادة فى الزحام قدمى الشمال باظت من الدبرياج .. وساعات الألم يوصل للركبة
وعلشان الشوك اللى فى الورد باحب الورد !!!!
تسلم ايدك يا باشا
والموضوع كله هزار لئلا يفعله أحد الإخوة
الاتوماتيك مريح جدا لكن عزم المانيوال ملهوش حل
..............اقتباس:
المانيوال عندي به ميزات كثيرة غير التي ذكرت وهي إمكانية الفرملة بتسقيط النقلات في بعض الظروف الطارئة
(وهذه ميزة ليست بسيطة)
الاوتوماتيك برضو ممكن تسقط غيارات في الطوارئاقتباس:
تقدر تسقط نقلات وتهدي بيه في الطواريء ودي ميزة مهمة جدا
الاوتوماتيك يتميز ان فيه الاختيارين
لو عايز تريح نفسك تجيب على d وتسيب العربية تتصرف
واختيار الثاني لو عايز تسوق الاوتوماتيك زي المانيوال تغير عادي الاول والثاني والثالث و...... وهكذا ولو عايز تسقط غيارات برضو ممكن
وفعلا الموضوع شكله وجهات نظر لان اللي بيتكلم عن الاوتوماتيك الظاهر انه لم يتعايش معه لفترة طويلة لمعرفة امكاناته
تمام كدهاقتباس:
لاتوماتيك مريح جدا لكن عزم المانيوال ملهوش حل
واعتقد ان مستقبل الاوتوماتيك يتجه لزيادة العزم علشان يكون مقارب للمانيوال
لا وفي العادي كمان اخي الصيداح
فرق استهلاك البنزين بسيط اوى ...
المانيوال كصيانه دوريه بيحتاج بعض قطع الغيار فى مجموعه الدبرياج
الاوتوماتيك مش بيحتاجها ..بس فى المقابل لو حصله مشكله بيكون "افضل" واحسن حل ..انك تجيب فتيس كامل استيراد :)
المهم ..حسب احتياجك ..بس لو نويت اوتوماتيك ابعد عن تلات حاجات :
1-ايزى ترونيك (اوبل)
2- تويوتاmmt
3-دوال لوجيك فيات ..
مش هتكلم عن نقطه فيهم عيوب تصنيع او لا ..بس التلات انواع دول عليهم جدل كبير فى طريقه القياده ...ريح نفسك و ابعد
نسيت اقول ان الاوتو بتتحكم تحكم كامل فى غيارات العربيه ...فقط رجلك تفهم الدواسه والدنيا هتبقى اخر شقاوه :)
مانيوال حتى النخـــــــــــــــــــــ ـــــــــــــــاع .. بصراحه السواقه من غير فتيس مانيوال مفهاش اى احساس بالسواقه او متعه .. انا سوقت كورولا الجديده فتره وهيه اوتوماتيك مش حاسس بأى متعه مع انها بصراحه شدها حلو جدا .. بس برضه المانيوال حاجه تانيه ..
من الاخر فى المانيوال انا بخلى الموتور تحت رجلى ..انا اللى اتحكم فيه واطلع الاحصنه المستخبيه (Horse power ) تحت كبوت العربيه وقت ما أحب !! .. اما فى الاوتوماتيك اخرى ايه ؟ اخرى اعمل Kick down وخلاص على كده او امشى بالغيارين 1 و 2 احرق عليهم وبعدهم ال D !! او فى شويه حاجات تانيه تتعمل برضه بس غلط جدا على الفتيس الاوتوماتيك
وعلى فكره كله ف الزحمه مقرف !
الاوتو بيساوي رهحة البال لا اقعد اقعد في تمارين لرجلي الشمال وايجي اللمين وفي نفس الوقت تبقي مستريح في الزحمة