الموضوع: هدية لأخواني أعضاء المنتدى

بسم الله الرحمن الرحيم

الى الأخوة الأعضاء في المنتدى

دي مشاركة مني ليكم عبارة عن شرح وتصميم لدائرة Gear Indicator

اللي حتساعدك تعرف إنتا في أني غيار

المشاركة دي خدت مني وقت بالساعات

وأرجو منكم فقط الدعاء لي ولوالدي

جزاكم الله خيرا ......

فكرة الجهاز :-

الجهاز حيكون عبارة عن 2 سينسور متركبين واحد فوق الغيار وواحد تحت وعلى الغيار قطعة ماجنيت " مغناطيس " واحد أب والتاني داون وبالتالي حينفع يتركب على أي موتوسيك سواء موديل جديد أو قديم

لتوضيح الفكرة أكتر

النقطة السوده دي الماجنيت , حتكون في الغيار وال2 سنسور متوزعين واحد فوق وواحد تحت

وبالتالي أول ما الغيار يرتفع السينسور اللي فوق حيبعت إشارة للعداد ,وأول ما تنزل الغيار السينسور اللي تحت

حيبعت إشارة .

اللي بيميز الإشارتين دول جهاز إسمو المايكروكنترولر AVR ATTINY25/45/85 microcontroller


وده شكلو





القطعة دي إسمها مايكرو كنترولر بتتبرمج عن طريق كود , هيا اللي بتميز الإشارات اللي جايلها من ال2 سينسور
ودي عبارة عن 8 بنز , 4 على الشمال و4 على اليمين , كل بنز بيعمل حاجة معينة ودي على حسب الداتا شيت

DATA SHEET وإن شاء الله حوضح الحاجة دي عند التوصيل , بس أهم حاجة تكون عارف أرقام البنز

علشان تعرف أرقام البنز لازم تشوف شكل القطعة , حتلاحظ إنها فوق على الشمال في دايره سوده

دي معناها إنك حتبتدي تعد من هنا , يعني بنز رقم 1 , واللي تحت 2 بعدين 3 و4 " وكلهم على الشمال "

5 بتكون آخر وحده على اليمين , 6 فوق خمسة لحد ماتوصل لبنز 8 اللي حيكون أول واحد على اليمين

القطعة دي ثمنها في أمريكا حوالي 2.2 دولار يعني حوالي 13 جنيه

http://ca.digikey.com/......s/DkSear...INY45V-10XU-ND

وده البرنامج للقطعة

$ 1 5.0E-6 10.20027730826997 62 5.0 50
R 160 112 160 64 0 0 40.0 5.0 0.0 0.0 0.5
R 480 112 480 64 0 0 40.0 12.0 0.0 0.0 0.5
r 160 112 160 192 0 10000.0
x 199 158 277 161 0 12 internal pullup
x 93 41 245 47 0 24 Gear Indicator
x 424 42 539 48 0 24 Motorcycle
M 160 192 64 192 0 2.0
x 33 173 86 176 0 12 AVR Input
w 160 192 160 272 0
w 160 272 224 272 0
162 480 112 480 176 1 2.1024259 1.0 0.0 0.0
r 480 176 480 272 0 470.0
w 320 272 480 272 0
d 480 272 480 352 1 0.805904783
x 373 316 459 319 0 12 protective diode
s 480 352 608 352 0 1 false
g 608 352 608 400 0
x 506 377 582 380 0 12 neutral switch
x 232 249 314 255 0 24 1N4148
x 237 304 312 307 0 12 in place of R3
d 224 272 320 272 1 0.805904783
x 506 148 571 151 0 12 neutral LED



بالنسبة للسينسور

ده شكلو




ده إحنا حنركب 2 سنسور زي ما موضح في الصورة اللي فوق

رقم السينسور Melexis US5881LUA

وده سعرة في أمريكا 1.9 يعني حوالي 11.5 جنيه , 2*11.5 = 23 جنيه

SENSOR DIST-MEAS, SENSOR VRS 5, SENSOR SST 3, SENSOR DIST MEAS 30CM ANLG W

السينسور ده في 3 بنز ولو ركزتو في الصوره حتلاحظو في جزء مسطح " اللي تحت مش باين في الصورة "

وفي الجزء اللي إحنا شايفينو , إحنا حنمسكو كده زي ما في الصورة " الجزء المسطح لتحت

ونعد رقم واحد اللي على الشمال 2 اللي في النص و3 اللي على اليمين

يعني 3 2 1

رقم 1 حيتوصل في الفولت , 2 حيبقى أرضي , و 3 حيكون output اللي حيروح للمايكرو كنترولر

إحنا طبعا عندنا 2 سينسور واحد فوق وواحد تحت

السينسور اللي حنركبو فوق حنوصل رقم 3 ب رقم 2 في الماكروكنترولر

السينسور اللي حنركبو تحت حنوصل رقم 3 ب رقم 3 في المايكروكنترولر

ودلوقتي خلصنا من تركيب السينسور و شوية من المايكروكنترولر

وتقريبا كده حيبقى شكلهم



والأسلاك الناحية التانية داخلين على المايكروكنترولر







المايكروكنترولر بقى دلوقت تمام حيستلم إشارتين من ال2 سينسور
إشارة لما نرفع الغيار وإشارة لما ينزل الغيار

بس إحنا عايزين نترجم الكلام ده ..........

عايزين حاجة تعد و تظهرلنا الرقم

وبالتالي حنستخدم حاجة إسمها آي سي كاونتر و حتعرض على شاشة إسمها سيفن سيجمنت ديسبلي

والحجات دي بنشوفها كتير .... مثلا في الشارع الإشارة دي عبارة عن كاونتر و شاشة 7 سيجمنت ديسبلي

وللتوضيح دي صورة ال7 سيجمنت ديسبليي




والشاشة دي عبارة عن 8 بنز

وده شكل للتوضيح




ده بالنسبة للشاشة أما الكاونتر

حنستخدم كاونتر وديكودر رقم 4026

وفي السوق شكلو كده



وده الترقيم





نجي للتوصيل

زي ما ملاحظين في الصور , حتلاقو output a , output b لحد output g ...

عندنا في الكاونتر 4020 سبعة output حنوصل الoutput a بال شاشة cathod a رقم 7

ونوصل output b ب cathod b رقم 6 وكده لحد لما نوصل باقي الoutput بالحرف اللي يقابلو في الشاشة

حنلاحظ إنو حيبقى في الشاشة 2 بنز بنز رقم 3 وبنز رقم 8 حنوصلهم بالجراوند

كده الشاشة تمام .......

فاضل كم بنز في 4026 آي سي

حنوصل بنز رقم واحد في الأي سي 4026 ب البنز رقم 6 بالمايكروكنترولر
حنوصل بنز رقم 2 بالجراوند
حنوصل بنز رقم 3 بالفولت
بنز رقم 4 و 5 و 14 حنسيبهم بدون توصيل
بنز رقم 15 حيتوصل ببنز رقم 5 في المايكروكنترولر

وبكده خلصنا من الديكودر كاونتر و الشاشة و معضم البنز اللي في المايكروكنترولر

هانت

فاضل في الماكروكنترولر

حنوصل مقاومة قيمتها 10 كيلو أوم في بنز 1

بعدين نوصل بنز 1 وبنز 8 في المايكروكنترولر بالفولت

وبنز رقم 4 في المايكرو كنترولر حنوصلو بالجراوند

...........

طيب دلوقت حنشرح الفولت والجراوند

في الموتوسيكل في بطارية , البطارية دي بتدينا 12 فولت بس 12 فولت كتير على الدايرة دي حيحرق الشاشة

ويخرب الدايرة ......

الحل ...........؟؟؟

في آي سي " قطعة " بتتباع في السوق إسمها ريجيليتور دي وظيفتها بتأخد فولت كبير و تطلع 5 فولت

يعني حتاخد 12 فولت من بطارية الموتوسيكل وتطلع 5 فولت اللي إحنا حنستاخدمها للدايرة بتاعتنا ...

القطعة دي رقمها 7805 إنتا أول ما تيجي تشتريها قولو عايز ريجيليتور 7805

وده شكلها في الحقيقة



زي مهوا واضح

حنوصل الطرف الموجب بالبطارية برقم واحد , والطرف السالب برقم 2

ورقم 2 حيكون جراوند يعني أي جراوند حيتوصل ب 2

ورقم 3 اللي حناخد منو 5 فولت اللي حيتوصل بأي فولت إحنا عايزينو

والحمدلله كده إنتهيت من شرح الدايرة بس فاضل حاجة آخيرة

دلوقتي حنركب القطع دي فين .......

في حاجة إسمها PCB بورد دي البورده اللي بنشوفها دايما لما نفتح تلفزيون أو أي جهاز كهربا

شكلها بيبقى كده



ودي إنتا اللي بتعملها ديزاين على حسب الدايرة بتاعتك , بتدي شكل حلو للدايرة و بتساعدك على التركيب

ودي إن شاء الله ححاول أصممها بعدين ..... :)

واللي عايز يشوف فيديو بيوضح عمل الدايرة بعد التركيب

MEGAUPLOAD - The leading online storage and file delivery service


طيب حنشتري الحاجات دي منين ؟؟؟

في محل إسمو رام في القاهرة

القاهرة - 23 شارع عبد السلام عارف - الفلكي سنتر - التحرير

تليفون 0223918961

عندكم كمان النخيلي وده مشهور جدا في مصر ممكن تسأل عليه أول ما توصل ....

تم بحمد الله ...

متنسوش الدعاء لي ولوالدي ...

بارك الله لكما وفيكما انت و والدك