ممكن جداً تكون تقييمات العربيات الياباني أعلى من الأوروبي و ده بيحصل كتير فعلاً بس كتصميم الأوروبي أوروبي يا جماعة و بتحس فيه بالتقل كدة و الفكر العالي و الشياكة و مش معنى كدة إن الياباني وحش.. إطلاقاً absoloootly :Dعلى راي اللمبي.
يعني أنا شخصياً مبحبش شكل الأوكتافيا خالص بس برضه لما تشوفها لازم تقول إنها أوروبي و عربية كدة مالية مركزها و فيها روح و شخصية زيها زي معظم الأوروبي ... يعني البيجو تعرفها من غير متشوف اللوجو عليها و كذلك المرسيدس و البي إم و الأودي و الفولكس...
و الدليل بصو كدة شوفوا fan clubs للعربيات الأوروبي اللي من موديلات الستينات و السبعينات لحد إنهاردة شغالة جامد أد إيه و بيعملوا تعديلات و إضافات و إختراعات و تجمعات سنوية الناس بتسافرلها بلاد،
و الدليل البيتل و الرينو 5 و البيجو 205 و 504 و غيرهم كتير ...
يعني ممكن تلاقي الواحد من دول مشروع عمره إنه يعمل restoration كامل لعربية بيتل موديل الخمسينات مثلاً و يلف على حاجتها الأصليه في كل أوروبا لحد ما يرجعهعا لأصلها و يعتبرها تحفة... أشك إن العربيات الياباني فيها نفس الروح.
و شوفوا الناس التقيلة بره اللي بتركب مزاج تركب فيراري و لامبورجيني و متركبش أي حاجة ثانية حتى لو أسرع أو أحدث.
و عليه فأنا أعلن رسمياً إنضمامي لمعسكر الأوروبي مع أحمد أنور و حازم خضر وبقية الزملاء في المعسكر الموضوع ظريف و يستحق يكون منفصل لوحده و ممكن كمان يكون فيه إستفتاء.