الللمبة دي .... معناها تحذير ،، بس تحذير من أيييييه !!

بسم الله الرحمن الرحيم

السلام عليكم ورحمة الله وبركاته

أرجو منكم اخواني أن تفيدوني ،،

أثناء منا كنت ماشي بالعربية :E_braces[1]:

للاحطت لمبة كده بتنور و العربية بتكتم جاامد و بطلت ،، و بعد كده مكانتش عايزة تدور ،،

و بعد مدارت فضلت اللمبة دي منورة فترة طوييييييييييييلة ،، لحد مركنتها و سيبتها و خلص محاضرات و جيت ركبتها تاني ،، مبقتش تنور ،، بس كانت بتنور في السكة

هي دي اللمبة اللي على أقصى اليمين المحاطة بالدائرة الخضرااء :F_eyeb1[1]:

http://img143.imageshack.us/img143/2508/0801111449.jpg

http://img253.imageshack.us/img253/3537/0801111450.jpg


شكراً مسبقاً على الرد "عامةً أنا شاكك انها حساسات .. "

و واحد صاحبي قالي دي لمبة الرشاشات ..!!

مش عارف بقى حد يفيدني !!

و يا ريت بلاش أفتاء :E_braces[1]::E_braces[1]:

دى كده الخاصه بالانجيكشن

أوببا !! و دي معناها أيييه :(((

من الكتالوج صفحه 10 دى لمبه بيان بدء التشغيل
وأعتقد ممكن يكون فى تلامس أو رطوبه بسبب المطار والجو اليومين دول
هذا والله أعلم
http://img153.imageshack.us/img153/6936/captureyq.gif

دى لمبة الانجيكشن و مش شرط يكون فية مشكلة فى الانجيكشن لو فضلت منورة على طول يبقى فية مشكلة ما لو نورت و لما تطفى العربية و تشغلها بتطفى ما تقلقش اوى

قبل ما تعمل اى حاجة فى العربية ابقى فك قطاش البطارية و ركبة مرة اخرى بعد دقيقة مثلا و شوف اللمبة حا تفضل تنور و لا القصة انتهت

دى لمبة الانجيكشين يا حس
و بتنور معايا اول ما افتح الكونتاكت استنى خمس ثوانى تطفى و ادور عادى
جرب تقف و تدرو الكونتاكت و خمسه و دور
لو فضلت مننورة يبقى اكيد فى حاجه

لمبه الانجيكشن يا نجم

انا فاكر في مره كنت عند ميكانيكي عندنا في قنا متخصص في السيارات الجديدة الراجل قالي لما تدور العربية لازم بعد ماتفتح الكونتكت استنى لما اللمبه دي تطفى 5 ثواني تقريبا وبعدين دور لانها خاصه بالانجكشن بيتأكد من ان الكهربا واصله والشغل تمام في الماتور وشوية فحص سريع لوصلات الماتور
ده اللي اعرفه بصراحه عنها

أيون أيون ،، هي فعلاً بتنور الصبح أو في أي وقت لما أجي أدور ،، و لكن ،، جه عليها فترة ،، بقت تنور و أنا ماشي ،،



يادي القلق ...!! طيب لما تنور و أنا ماشي ده معناه أي بقى !!!

الأنجيكشان فيه حاجة ؟!!

لأنها لما بتنور كمان ،، العربية بتخنق جامد اوي ،، لحد نتبطل !! و مش بتدور إلا بالعافية !!

الله يعطينا و يعطيكم العافية ،، أنا مش عارف ايه رد الفعل اللي ممكن "أو بمعنى أصح لازم" اخده في الموقف ده !! حد يعرف المفروض أعمل أيه ؟!!

ايه يا جماعة حد ينصحني ،، أعمل أيه ،، اروح لميكانيني ولا كهربائي ،، أنا مش عايز يضحك عليا !!

واللهي يا سمسم الواحد مش عارف يقلك ايه
احسن حاجه شوف واحد كهربائي كويس يكون بيفهم في العربيات الحديثة وقله مش هاتخسر حاجة وقبل ما تعمل حاجه او تغير أي شيء شوف ميكانيكي كويس للشاهين او العربيات الحديثة وقله المشكله وشوف نفس الكلام ولا مختلف
وربنا يوفقك وتحل المشكله وتقولنا ايه الاخبار

أن شاء الله ،، و ألف شكر لأهتمامك بالرد :)

يا برنس مافيش حاجة اسمها لمبة الانجيكشن دي لمية الأتشيك ودي بتنور لما يبقى في خلل في حساسات المكنة ان كان حساس السلانسية او حساس البنزىين او غيرة روح عند ميكانيكي كويس و هو يشوفلك انهى حساس اللى بايظ و بالتوفيق انشاء الله

اكشف على جهاز سكانر كشف اعطال

اقتباس:

---

المشاركة الأصلية كتبت بواسطة mbx4e

اكشف على جهاز سكانر كشف اعطال

---

المشكلة يا رضا أني معرفش حد في الأسكندرية بيعملها !!

هيا معروفة مادام بتحس انها مخنوقة معاك

يعني الحساسات عاوزه تتنضف

جيب لها الاسبراي الي بينضفها من اي محطة بنزين ونضف الحساسات

ولو ظلت نفس المشكلة يبقى عاوزه تظبيط للانجكشن