-
جميل جدا......لكن اسمح لى أطرح عدة استفسارات
1- كيفية توصيل ال player الخارجى و مين ممكن يقوم بالموضوع ده ( هل فى التوكيل مثلا ؟)
2- هل من الممكن التحكم فى وظائف ال player من خلال الذراع خلف الدركسيون أو السى دى نفسه ؟
3- جودة الصوت أسوأ من السى دى ؟( لانى لاحظت ان أى حاجة جاية من ال FM transmitter بيتبقى جودة صوتها أقل بكتير من ال CD ... و ده شىء كان متوقع لكن مش بالدرجة دى ).
و شكرا جزبلا للاهتمام....
-
الفكرة إن إنت بتوصل الكابل من ال-MP3 player على ال-CD مباشرةً ، يعني قبل فيه جاك زي بتاع الهيدفون كدة يركب على ال-MP3 والناحية التانية يبقى واصل على ال-CD بتاع ال-megane ، فاهم قصدي ؟
و في الحالة ده مش هيبقى في حاجة لاسلكي خالص ، يعني مفيش إمكانية للوش وال شوشرة في الصوت ، جودة الصوت هتعتمد على ال-MP3 إلي إنت بتستعملو
دلوقتي إنت عندك ال-SRC كالأتي : CD ، FM ، MW ، LW ، هيزيد عليهم واحد جديد اسمو AUX ، و دة لما تحول عليه هيشغل الصوت إلي جي من ال-MP3 زي ما هو بالضبط
و كدة هتستعمل نفس ال-CD و تعلي و توطي الصوت بالضبط أكنك مشغل CD ، إلي هيحصل إن هيبقى فيه عندك SRC زيادة عشان ال-AUX
و لا شكر على واجب ، إذا مكناش هنسعد بعض في ال-megane ، أمل هنسعد مين :)
و أنا تحت أمر أي حد عند اسئلة في ال Megane ، خصوصاً لو اسئلة في الإلكترونيات أو التكنولوجيا بتاعتها (عشان دي شغلتي)
-
أشكرك جدا جدا
لكن أنا فعلا مش عارف إزاى أوصل السى دى بال MP3 Player ....
مافيش أى جاك و لا فتحة فى السى دى....
أنا فاهم الفكرة العامة و شفتها فى عربيات زى السيتروين و الكيا Cee'd لكن مش لاقى فى الميجان فتحة أوصلها مباشرة بكابل!!!
-
المشكلة في ال-Megane إن التوصيلة دي في ضهر ال-CD للأسف ، يعني لزم تطلع ال-CD برة و توصل عليه القبل مباشرةً ، و بعدين ترجعه تاني و تسيب الطرف التاني من الكبل طالع برة التابلوه
التوصيلة دي مش موجودة غير في ال-update list
-
يعنى لازم فى التوكيل.....انا أخاف أخلى حد يمد إيده عليها...
طيب هو الكبل اللى أنا محتاجه له اسم معين ؟ و أجيبه منين ؟ و إذا كنت هاسيبه مدلدل كده من التابلوه ، طيب السى دى هيرجع يتركب تانى مكانه إزاى و الكبل نازل من التابلوه ؟
-
إنت محتاج قبل stereo عادي ، و تأس طرف واحد منه و هو إلي يتوصل على ال-CD ، وال طرف التاني يفضل زي ما هو و يوصل على ال-MP3 .
ممكن تفوته من ورا التابلوه (من تحت عند فتحات التكيف كدة ) ، و كدة يبقى مش باين و شكلو كويس ، و كمان التابلوه يقفل كويس
-
حضرتك محسسنى إن الموضوع سهل
تفتكر ممكن أعمله أنا ؟؟ و خصوصا ماليش تجارب عميقة مع الكهرباء و الاكترونيات....
و شكلها ايه الفتحة فى السى دى اللى بوصل فيها كابل الstereo المقصوص ؟
-
هو سهل فعلاً ، بس لازم يكون عندك مبادئ الكهربا و كدة ، أظن انك ممكن تشوف التوكيل الأول
-
متشكر جدا لحضرتك و خصوصا للردود السريعة... و تعبتك معايا أوى أوى ....
و أتمنى إنهم يرضو يركبو الكابل فى التوكيل و ما يعترضوش......
-
لو ماكنش ، أنا ممكن أعملهولك إن شاء الله ، و مفيش مشكلة
Content Relevant URLs by
vBSEO 3.6.0 PL2