صور مقابلة بي واي دي

**bassem.naguib** · 09-01-2011 10:53 PM

المشاركة الأصلية كتبت بواسطة abojessy

زملائى الأحباء ..
أشعر بسعادة بالغة بلقائكم هذا .. ومبروك عليكم هذة الصحبة المحترمة والمشرفة ..

صدقت قولاً يا باشا .. والله الكلام اللي بقوله مش مجاملة ولا مداهنة .. رغم أن دي أول مرة أشوف الناس دي (ما عدا أيمن باشا الجار الزملكاوي اللدود .... ههههههههه) .. بس تحس أن تعرفهم من زمان من البساطة والتلقائية والود في الحوار .

المشاركة الأصلية كتبت بواسطة ozama22

على فكرة ياجماعةاحنا قضينا يوم جميل مع بعض وكنت اتمنى ان الظروف تسمح لي بقضاء وقت اطول وان يحضر ناس اكثر المهم الاستاذ باسم طلع حكاية ومايفوتش الهوا من قفشاتة وعلشان تصدقوا انظروا التعليق اللي قام بكتابتة للمهندس ايمن بخصوص الكاميرا تحت الصورة بخط رفيع والاستاذمحمد كان شخصية محترمة وكان منور القاعدة والمهندس ايمن كان متحمس قوى وطلع زملكاوى حتى النخاع والمهندس باسم اهلاوي والعبد لله زملكاوي وكانت اللقاء مثمر

فعلاً يوم جميل .. وسعدت فيه كتير بوجودك يا أسامة بيه .

بس مجاش لحضرتك شرقة ولا زغطة بعد ما مشيت من كتر ما كنا بنشكر فيك .. ومتحاولش يا باشا تطلع اشاعات أني مبفوتش الهوا في القفشات .. ده انت قلت قفشه كانت بالقاعدة كلها .. بضحك عليها لغاية دلوقتي كل ما افتكرها . .. وزي ما بتقول برضه اللقاء كان ودي بيني وبين أيمن باشا في الكلام في الكورة .. بس أحسن حاجة أن مفيش حد متعصب .

المشاركة الأصلية كتبت بواسطة sv065

خسارة والله فاتني هذا اللقاء الرائع

فعلاً خسارة .. بس الخسارة كانت لينا أحنا مش ليك علشان حضرتك مجتش .. وكان نفسي تكون موجود وأشوف حضرتك .. لأني كنت بخش قسم بي واي دي أيام ما كنت قاعد فيه لوحدك وكنت بتابع موضوعاتك الشيقة بشغف .. على العموم تتعوض في المرات القادمة إن شاء الله .

**gad_fcis** · 09-01-2011 11:15 PM

بصرحة اليوم كان جامد جداً و صحبة محترمة و الوقت عدى كأنه نص ساعة، المقابلة فعلاً كان ناقصها وجود باقي الإخوة الأفاضل بس تتعوض إنشاء الله
و بمناسبة القفشة بتاعت أستاذ اسامة عندك حق يا باسم هي فعلاً قفشة بالقاعدة كلها

بصرحة الأستاذ أيمن كان قمة في الإحترام و أستاذ اسامة حسيت إنه زي والدي (معلش أنا أسف اني بكبر حضرتك في السن ) أما بقى أستاذ باسم فهو فعلاً كان روح القاعدة المرحة و اكتشفت حاجة إن أنا و هو لينا ملاحظة على إكصدام العربية الخلفي و هي إنه من النص بتلاقي في تقوس بسيط ، أنا كنت فاكر إن أنا بس اللي لاحظت الكلام دة بس طلع هو كمان عنده نفس الملاحظة

و عايزين نتقابل في معرض الأهرام ، شوفوه الميعاد اللي تتفقه عليه و إنشاء الله نتقابل

**bassem.naguib** · 09-01-2011 11:40 PM

المشاركة الأصلية كتبت بواسطة gad_fcis

بصرحة اليوم كان جامد جداً و صحبة محترمة و الوقت عدى كأنه نص ساعة، المقابلة فعلاً كان ناقصها وجود باقي الإخوة الأفاضل بس تتعوض إنشاء الله
و بمناسبة القفشة بتاعت أستاذ اسامة عندك حق يا باسم هي فعلاً قفشة بالقاعدة كلها :e_braces[1]:
مش كدة برضه ؟!!

بصرحة الأستاذ أيمن كان قمة في الإحترام و أستاذ اسامة حسيت إنه زي والدي (معلش أنا أسف اني بكبر حضرتك في السن )
ما تتقلش كدة يا أبو حميد .. حتزعل الراجل ليه بس .. معلش حقك عليا يا أسامة باشا .. أنا حبقى أفهمه بيني وبينه .. هههههههههههههه
أنت بس اللي كنت أصغر واحد في المقابلة .. ومع ذلك كنت كبير بكلامك الرزين والمحترم وفهمك العميق للسيارات الذي يفوق سنك بمراحل .. وكان بيجبرنا على الاستماع ليك باهتمام .
أما بقى أستاذ باسم فهو فعلاً كان روح القاعدة المرحة و اكتشفت حاجة إن أنا و هو لينا ملاحظة على إكصدام العربية الخلفي و هي إنه من النص بتلاقي في تقوس بسيط ، أنا كنت فاكر إن أنا بس اللي لاحظت الكلام دة بس طلع هو كمان عنده نفس الملاحظة

على فكرة دي متعتبرش ملاحظة قاتلة أو عيب .. العيب فينا أنا وأنت .. علشان عنينا فيها خاصية النقد واكتشاف أي ملاحظة حتى لو صغيرة .

و عايزين نتقابل في معرض الأهرام ، شوفوه الميعاد اللي تتفقه عليه و إنشاء الله نتقابل

أوافقك الرأي في مقابلة تانية .. ومش شرط تكون في معرض الأهرام .. وأقترح لأيمن باشا أو استاذ/ وليد أو أستاذ/ أسامه بعمل موضوع فيه استفتاء على مكان المقابلة .. بصفتهم المنظمين والرعاه الرسميين لمقابلات بي واي دي .

**sv065** · 10-01-2011 12:09 AM

بسم الله ماشاء الله

والله شوقتوني أكتر أني أشوف الناس اللي زي العسل دي

بس أنا حزين جدا للأسف مش حاعرف أفضي الفترة الي جاية خالص علي الأقل شهر

وأسأل الله أن يجمعنا دائما علي الحب والمودة

**memos** · 10-01-2011 02:07 AM

اولا انا سعيد بكم الحب والرغبه في التلاقي ان دل يدل علي ان المنتدي بيخلق المحبه بين رواده كل مده زياده عن الاول ولي اقتراح بعد اذنكم كنت سمعت ان الاخوه الاعضاء موافقين علي تاني يوم المعرض يكون اللقاء وده هيكون يوم خميس مما ازعج بعض الاخوه من موضوع الشغل ورغبوا لو كان تالت يوم الجمعه لو انتوا موافقين نتكل علي الله وكمان عشان عمنا المناهري لانه هيجي من سفر الله يعينه ويقويه وربنا يديم المحبه

**bassem.naguib** · 10-01-2011 09:06 AM

المشاركة الأصلية كتبت بواسطة sv065

بسم الله ماشاء الله

والله شوقتوني أكتر أني أشوف الناس اللي زي العسل دي

بس أنا حزين جدا للأسف مش حاعرف أفضي الفترة الي جاية خالص علي الأقل شهر

وأسأل الله أن يجمعنا دائما علي الحب والمودة

ربنا يعينك ويقويك يا باشا .. وأكيد إن شاء الله حيكون فيه لقاء في القريب العاجل .. وإذا كنت مش موجود بنفسك .. فسيرتك دايماً موجوده بمساعدتك للناس وردودك عليهم يا كبير .

المشاركة الأصلية كتبت بواسطة ozama22

والله ياجماعة دي مش قفشة ولا حاجة دي بس شقاوة كبار

مممممممممممممم .. كبار أيه بس يا باشا .. ده أنت شباب والله .. على العموم مشيها كدة .
وانا متفق معاكم على اللقاء في معرض الاهرام اية رايكم ثاني يوم المعرض ان امكن
وانت ياابو حميد لاتقلقك من كلام باسم ولا يهمك بس يااخي خليها اخويا الكبير:i_angr1[1]:انا مش متضايق خالص

أدي اقتراح بتاني يوم المعرض (الخميس).

المشاركة الأصلية كتبت بواسطة memos

اولا انا سعيد بكم الحب والرغبه في التلاقي ان دل يدل علي ان المنتدي بيخلق المحبه بين رواده كل مده زياده عن الاول ولي اقتراح بعد اذنكم كنت سمعت ان الاخوه الاعضاء موافقين علي تاني يوم المعرض يكون اللقاء وده هيكون يوم خميس مما ازعج بعض الاخوه من موضوع الشغل ورغبوا لو كان تالت يوم الجمعه لو انتوا موافقين نتكل علي الله وكمان عشان عمنا المناهري لانه هيجي من سفر الله يعينه ويقويه وربنا يديم المحبه

وأدي اقتراح تاني بتالت يوم (الجمعة) .. الموضوع عاوز استفتاء علشان أكبر عدد يكون موجود في اليوم اللي يناسبه .

**bassem.naguib** · 10-01-2011 08:44 PM

المشاركة الأصلية كتبت بواسطة kokyjoon

سلام عليكم

كان نفسى احضر اللقاء بس ظروف شغلى كنت وردية

إنشاء الله المرة القادمة اكون موجود لأتعرف على الشخصيات الجميلة

ودام الله بيننا الحب والمعروف دائما

إن شاء الله نتشرف بوجود حضرتك المرة القادمة .

الموضوع: صور مقابلة بي واي دي

LinkBack

أدوات الموضوع

عرض

-

-

-

-

-

-

-

المواضيع المتشابهه

مقابلة التنين الصيني .. مقابلة فريدة من نوعها في تاريخ المنتدى .

مقابلة الوداع ( مقابلة سريعة ضرورية )

مقابلة الفرسان وان شاء الله تكون اقوى مقابلة علي الاطلاق

الكلمات الدلالية لهذا الموضوع

المفضلات

المفضلات

ضوابط المشاركة