بص
اللانوس الكل أجمع ان بعد ما بقت شيفروليه بقت وحشة
اللوجان مش رينو فرنساوى دى هيا هيا الداتشيا الرومانى موديلات 2008 او 2009
الساجا شكلها صغير اوى بصراحة شفت راجل مليان شوية راكبها حسيت انها مش لايقة عليه (مجرد رأى شخصى) وتوكيلها اسمع انو مش كويس
fsv صينى و الناس خايفة منها
دى عيوب كل عربية و اللى شفتوا و سمعتو من ملاك العربيات دى
وطالما هتجيب قسط متحطش فى دماغك اعادة البيع فكر فى ان العربية تنفعك وتنفع احتيجاتك
انا عن تجربتى ارشحلك fsv زى ما قلتلك قبل كدة بس انت اللى خفت علشان صينى
لكن لو هتجمد قلبك هاتها ومش هتندم
عربية جميلة شكل
موتور جميل مش بتاكل بنزين الا مع الحرق و الشد(لو مسافر على سرعة 90 او 100 هتاكل 5 ليتر بس لكل 100 كيلو وعن تجربة)
جراية اوى بعد 120 و لحد 200 و 210 لو الطريق يساعد
فول اوبشن
وسائل امان (abs-epd- فوج لايت ورا وقدام-كاوتش عريض-شاسيه عريض-تصميم بيسمح للعربية ان الهوا يخليها تنزل لتحت كل ما تجرى-سنسور بارك)
شنطة واسعة قوى و اكبر من كل اللى زكرتهم بكتير
صالون واسع
توكيل يعتبر افضل توكيل فى مصر
وتعتبر دلوقتى عربية منتشرة تقريبا زى اللوجان
فى النهاية انت اللى هتركب و ال4 عربيات اللى زكرتهم باستثناء اللانوس كويسين شوف انت مرتاح لايه اكتر و هاتو علشان دى هتعد معاك مدة
انا كنت زيك بالزبط وجبت ال fsv بعد ما كنت هجيب كيا ريو او نيو اكسنت
لكن الحمد لله جبت زؤلوتى حبيبتى اللى بجد فخور بيها