السؤال مش هنا السؤال عند نقابة المهندسين أو الطب و لازم تعرفوا ديه تقديرها كام في العالم من ناحية التعليم أو الجامعة
يا جماعه والله نفسي الى قاعد يتريق عالاسامى يبص بس على الجامعه والبلد قبل ما يتكلم...
لاتفيا انضف بلد فى العالم... معلش مش بلدك الى الزباله فيها اكتر من الناس....
مش بالمساحه ولا السكان الكويت قد مركز هنا فى مصر وليها حساب خاص على مستوى العالم بسبب قوتهم الاقتصاديه....
الجامعه الى بنتكم عنها دى ادخل على ويكيبييديا وشوف الكلام عنها وانها من اعرق جامعات اوروبا واتخرج منها ناس اخدت جائزه نوبل وناس بقى رؤساء جمهوريات يعنى مش معهد ضباط اللاسلكى ولا تعليم بلدك الى ما يسواش بصله فى اى مجال ولا معترف بيه فى اى بلد محترمه..
انا مش بدافع عن الجامعه ولا البلد ولا حد منهم هيحط جنيه فى جيبى بس نفسي قبل ما نتكلم نشوف بس احنا هنتكلم عن ايه الاول عشان منضيعش وقت فى كلام مالوش لازمه ونسيب هدف الموضوع الرئيسى
غريبه برضو جدا ,,, ولا تخيل شوفت سويسرا شوف على الرغم من انها فى اوربا الى بتستخدم اليورو , بس سويسرا بتستخدم الفرانك السويسرى تخيل انت
مهو انا مش هاروح اقوله وحياتك انا شوفت أأأأأأأأ وعايز اعرف ال أأأأأأأ ايه نظامه فا لو سمحت لو عندك معلومات عن ال أأأأأأأأأ عرفنى ,,و عشان مروحش ال أأأأأأأ ويضحك عليا
أنا كمان والله مش بترياء بس فيه حاجة ... كل الكلام دة حلو .... هل الجامعة ديه معترف بيها هنا في مصر ولا لأ
أنا مليش دعوة اني لاتفيا ديه أنضف ولا أوحش بلد ولا حتى لو كرومبو اتخرج منها أنا بس عاوز أعرف هل هي معترف بيها في النقابة ولا لأ بس كدة
و إيه العملة الغريبة بتاعة البلد ديه و ازاي انها أضعف من الدولار مرتين ازاي يعني دة اليورو أضعف مرة و نص بس من الأمريكي 1.5
أنا والله مش بهاجم بس مش أي حاجة نصدقها .. و لو ديه من أعرق الجامعات ليه محدش سمع عنها زي مثلاً هارفرد أو mit أو ucla أو أكسفورد أو يونيفيرستي أوف تورنتو أو مكماستر أو وستيرن أو .....
دول من أعرق الجامعات في العالم و إسأل أي حد في مصر حيقلولك أيوا عرفنها
إيه بس اللي هيجيب سويسرا و إنجلترا جنب لاتفيا مش معقول يعني و بعدين الفرنك و الجنيه الإسترليني ليهم هيبة بس إيه لات ديه
لما تروح النقابة مش محتاجة كل الكلام دة ... لو سمحت جامعة كذا أو كذا معروفة في مصر أو معترف بيها في مصر مش محتاجة انك تقول للراجل أصل مش عوز ينضحك عليا و الكلام ده ... هو سؤال بسيط جداً
ايه علاقة النضافة بمستوى التعليم؟
لاحنا بنتناقش علشان محدش -خاصة من الخريجين الجدد - يتحمس ويدفع فلوس ويضيع وقت ويلاقى نفس خد ورقة ملهاش قيمة زى محضرتك برده بتنشر الموضوع علشان تفيد الناس
لو حتنكلم يبقى حتبص على التقييم بتاعها على العالم وطالع فى بعض المواقع الخاصة بالتقييم
European Universities' ranking on the Web: University Ranking in Latvia
تقييمها طالع على العالم
1960
فى مصر اللى بنتريق عليها حتلاقى القاهرة والاسكندرية بعد ال500 على مستوى العالم بحاجة بسيطة فمبالك باللى قريب من الالفين
وانا مش بقولك اننا صدقنا ورايحين لاتفيا بكره بقولك بنبحث فى الموضوع عشان نوصل لكل حاجه..... ومش كل الجامعات الكبيره هنسمع عنها النمسا وسويسرا فيهم جامعات عاليه جدا بس نادر لما حد يجيب سيرتهم واكتر من بلد نفس النظام
الى جابها فى الموضوع انها بلد صغيره زى دى ومش معروفه اوى عشان مفيش حاجه عاملالها شهره برضه وفى بلاد تانيه نفس النظام زى برونواى ولا حد يسمع عنها وبلد ثروات بلا حدود وشوف عملتها بكام
النظافه ملهاش علاقه بالتعليم ليها علاقه بالبلد وسمعتها لان اى حد يدخل يتريق عالبلد من اسمها من غير ما يعرف عنها اى حاجه عشان كدا قولت النقطه دى...... وفعلا زى ما ذكرت المطلوب نتناقش صدقنى الموضوع مش بالسهوله دى ان واحد تطق فى دماغه ويتحمس يسافر علطول ... الى عايزينه نتكلم عن الجامعات دلوقتى والتعليم.... لا عمله ولا بلد ولا سكان ولا الكلام دا ميهمناش حاليا....
وبخصوص ترتيبها يعنى بعد ما شوفت كل جنسيات العالم من كل القارات بتدرس فيها هتقولى جامعات مصر افضل + انا جامعتنا مش معترف بيها بعكس جامعات الدوله دى.... والله من غير ما اروح ولا اشوفها الجامعات هنا لا تصلح للتعليم اصلا ودا مش كلامى دا كلام الغالبيه تقريبا
حلو مهو انا اعرف ايه الى انا هاروح اسئل عليه عشان لو معجبنيش منزلش واتعب نفسى من الاول وبعد كدة لو عجبنى الموضوع انزل اسئل بئى وادعبس وادور فيه ,,,,, ولا انت شايف ايه
-----
والنسبة لليورو او الاسترلينى انا بوضحلك بس ان مش عشان الدوله دى فى اوروبا يبئى لازم تستخدم اليورو ووضحتلك كدة بمثال سويسرا
فى امريكان بيجوا يدرسوا فى الجامعة الامريكية فى مصر فهل معنى كده ان الجامعة الامريكية فى مصر اقوى من جامعات امريكا ....ملهاش علاقة ان فى جنسيات بتروح تدرس فيها انها تبقى قوية لان اى جامعة حتلاقى فى كذا واحد اجنبى بيدرس فيها
تعليمنا سئ ..طبعا متفق معاك ....طيب اذا كان جامعتهم تقييمها اقل يبقى نطلق على تعليمهم ايه!!!!!!!!
على العموم انا قلت اللى عندى مش بهدف الهجوم ولا الدفاع لكن علشان نوضح شوية نقط للناس وبس وربنا يوفق الجميع لقرارات سليمة وعقلانية وبالتالى خلاص النقاش لانه مش حيجيب نتيجة
لما اخويا شاف موضوعك عجبه جدا جدا ودخل على السايت بتاعهم وقالى ديه جامده جدا وبيقولى ناوى يخلص السنتين اللى فاضلين فى الدراسه عنده ويشد على بره وياخد هندسة من هناك.
ربنا يسامحك شبطه فى السفر ههههههههههههههه
ماشى بيجى امريكان كام عددهم وهل فى جنسيات تانيه.. لكن لما تلاقى جامعه زى دى تقريبا نص جنسيات العالم بتدرس هناك(حضرتك تقدر تشوف اللينك بتاع الطلبه الى حطيته لو مش مصدق) معقوله الناس دى كلها عايزه تضيع فلوسها ولا رايحه تتفسح.....
وانا فاهم ان كلام حضرتك ليس للهجوم او الدفاع بس للتوضيح وانا بشكرك على توضيحك واكيد هنستفيد من كلامك...
فرصه سعيده يا استاذ احمد
بصراحه انا مش مقتنع بالموضوع
يا اما ادفع فلوسي في مكان صح معترف بيه سواء في مصر او بره و اضيف لنفسي علشان لما ارجع بلدي لو رجعت ابقى مميز
يا اما اوفر الفلوس دي و اخد ماجيستير و الدكتوراه من برا او اوفر الفلوس دي لمشروع احسن
معلش هتعب حضرتك ياريت تبعتلى عنوان الشركة ولو فى اى بيانات تانية