ياريت ياجماعة حد يقولنا أخبار الطريق (اسكندرية الزراعي) من مصر للمنصورة, ويا ترى في رادارت ولا إيه النظام عشان بقالي كتير ممشيتش فيه.
وياسلام بقى لو حد يفكرنا بالطريق بالمرة. :F_eyeb1[1]:
شكرا.
ياريت ياجماعة حد يقولنا أخبار الطريق (اسكندرية الزراعي) من مصر للمنصورة, ويا ترى في رادارت ولا إيه النظام عشان بقالي كتير ممشيتش فيه.
وياسلام بقى لو حد يفكرنا بالطريق بالمرة. :F_eyeb1[1]:
شكرا.
من حيث الرادارت في اللي اعرفه
اول ما تخش علي طنطا في طريق السرعة فيه 100 دا علي اخره بيبقا في رادار
وفي رادار في مدخل طنطا في بلد اسمها دفره الطريق 60 بعد كدا مش في رادار من
طنطا للمنصورة
فيه ردار وامشى قانونى يحتار عدوك فيك وترجع لينا بالسلامه
شكرا يا رجالة, ربنا يسهل.
بص يا باشا طلما انت مسافر من مصر فكدة انت اساسا مش هتمر على طنطا خالص لان الطريق هيكون كلاتى
انت هتطلع الدائرى وتنزل نزلة شبرا الخيمة وهنا هتلاقى تفرعين خد الشمال وربنا يخلينا من اهل اليمين وامشى لغاية ما توصل لبنها حوالى 40 كليو ومتكملشى لانك لو كملت هتمشى كدة لطنطا ولكنك من كوبرى بنها هتلف يمين من اليافطة المكتوبة وامشى بقى هتقابك كفر شكر وميت غمر واجا والسنبلاوين والمنصورة ورحلة سعيدة وكل البلاد الى انا قلتها فى على خط واحد يعنى ولا هتروح يمين ولا شمال اما موضوع الردار فدة بيبقى قبل بنها ويا ريت قدر الامكان تلتزم بالسرعة عشان سلامتك اولا وتوصل بالسلامة
انا كنت لسه في السنبلاوين امبارح واللجان على الطريق كتير رايح جاي والطريق كويس
الاستاذ ميدو احنا هنا بنساعد بعض اولا نزلة شبرا الخيمة هية نزلة اسكندرية الزراعى وهية النزلة الوحيدة لية دة لو انت جاى من اتجاة الهرم مصر الجديدة ولو كنت من الاتجاة مصر الجديدة الهرم يبقى تنزل نزلة ميت نما .
وانا من الحى المتميز فى 6 اكتوبر والحمد للة بسافر المنصورة كتير لانى اساسا منها وحافظ الطريق وانا بستغرب من موضوع الردارات الى بيتكلمو علية لانة من النادر وجود اى راردر فى الطريق بعد ما تعدى بنها وتلف يمين .
متزعلش منى يافندم انا بس بستفسر مش قصدى اهاجم او حاجة :)
و انا برده من المنصورة و قاعد فى الحى الرابع فى 6 اكتوبر.. و برده رايح جاى على الطريق على طول بس من فترة قريبة مش بعيده عشان كده بس بسأل و عايز اعرف بس :))
و شكرا ليك على المعلومات القيمة دى :)
و بالنسبة للرادار انا برضه مستغرب والله لان الحته دى على طول العربيات طايرة فيها .. جايز كان فى لجنة او حاجة مؤقتة عشان التفجيرات و الاحداث اللى حصلت مؤخرا و الله اعلم !!