| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 18 من 24 الأولىالأولى ... 8 13 14 15 16 17 18 19 20 21 22 23 ... الأخيرةالأخيرة
النتائج 171 إلى 180 من 232

  1. #171

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة abooseif مشاهدة المشاركة
    وياترى بعد الورشة المتنقلة دى هايبقى فى مكان فى الشنطة

    ههههههههه كل الحاجة ديه متخدش ربع الشنطة حتة
    المنفاخ و المقياس مع بعض اقل في الطول و العرض من الكتاب يعني تقريبا 20 سم في 10 سم
    المثلث العاكس و شنطةا لاسعافات طبعا برده صغيرة - ازازة مية ديه طبيعي في العربية معانا طول الوقت - طفاية حريق برده صغيرة تتحط تحت الكرسي - كايلات كل ده هياخد تقريبا ربع الشنطة
    الحاجة الوحيدة اللي هتاخد مساحة شوية الكوريك التمساحة مش عايزه و عايز تفضل في العفريتة تقريبا خلاص تبقي وفرت مكان :)
    ده المفروض يكون معاك سير دينامو و سير كاتينة و سلك دبرياج احتياطي و شوة افيسات هههههههههه و يا سلام لو كارتة خوابير و المفكين
    ههههههههههه انا شكلي هضرب بالنار بعد الكلمتين دول


  2. #172

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    اقتباس المشاركة الأصلية كتبت بواسطة ma7amadk مشاهدة المشاركة
    تسلم إيدك على الموضوع الأكثر من رائع ده وربنا يستر عليك طريقك
    أنا ليا سؤال.. عايز آخد دورة إسعافات أولية
    فين المكان اللي آخد فيه الدورة دي هل هو مستشفى والا مركز
    وياريت لو تعرف مكان في 6 اكتوبر أو الهرم
    وشكرا ليك

    فيه يا باشا الهلال الاحمر المصري بيدي دورة اسعافات اولية كل شهر تقدر تراسلهم ع موقع الهلال الاحمر المصري و تعرف المواعيد بالظبط
    و شوف السلسلة برده انا منزل عليها دورة الاسعافات الأولية

    http://www.nilemotors.net/Nile/252145-a.html


  3. #173

    الصورة الرمزية Tarek_Hemi

    رقم العضوية : 121843

    تاريخ التسجيل : 16Mar2012

    المشاركات : 10

    النوع : ذكر

    الاقامة : cairo

    السيارة: crysler neon

    السيارة[2]: cheryqq

    الحالة : Tarek_Hemi غير متواجد حالياً

    افتراضي -

    اقتباس المشاركة الأصلية كتبت بواسطة Axel مشاهدة المشاركة
    بسم الله الرحمن الرحيم

    السلام عليكم و رحمة الله و بركاته


    احنا دايما لما بنجيب عربية اول حاجة دايما بنفكر فيها
    ازاي نظبطها و نجيب لها اكسسوارات و نعدل عشان الاداء و الثبات
    و بننسي بعض الادوات بالرغم ان اسعارها كلها مجتمعة أقل من سعر كاسيت او سماعتين حلوين
    و الأدوات ديه هي:


    - الموبيل + شاحن الموبيل + كاميرا:
    الموبيل اهم الادوات اللي بيحتاجها اي سائق لأنها هتنفعه في حالة الطواري زي مثلا الاتصال باقارب لنجدتك في مكان مقطوع او الاتصال بالاسعاف او النجدة او المطافي لا قدر الله في حالة حدوث اي حاجة
    و طبعا الشاحن اساسي عشان لو مثلا وقفت في مكان الموبيل بطاريته فضيت يبقي الشاحن موجود عالطول
    و اللي معاهم موبيلات نوكيا فقط يا ريت يحفظوا الرقم ده لأنه بيؤدي لزيادة قوة البطارية و بالتالي زيادة قوة الارسال في المناطق البعيدة الي حدا ما عن نطاق تغطية الشبكات
    و هو :

    #3370#*
    و لالغاء الكود اللي فات تعيد كتابته تاني
    و اللي عايز يحافظ ع البطاريةو يقلل الاستهلاك و طبعا هيأثر الي حدا ما ع الارسالة يكتب الكود ده

    #4720#*
    و لالغائه كتابة الرقم أيضا
    و يفضل الموبيل يكون بكاميرا و هنعرف ليه في النقطة الجاية

    الكاميرا بقي بتستخدم لا قدر الله في حالة الحوادث عشان لو حصلت حادثة تصور المشهد كله عشان لو العربية في التأمين تقدم الصور للتأمين لأن العربية مش هتفضل طول اليوم في وسط الشارع لحد ما يجي المندوب
    و ممكن تجيب الكاميرات الديجيتال الصغيرة رخيصة السعر او زي ما قولت فوق نستخدم موبيل بكاميرا عشان يبقي اداتين في اداة واحدة



    - مياه صالحة للشرب :
    اهم حاجة بقي المية تكون دايما معاك في شنطة عربيتك و تكون صالحة للشرب عشان لو مثلا انت في مكان بعيد و عقبال ما حد يجي هتبقي عايز تشرب و لو الجو حر طبعا مقولكش و ساعات بتنفع لو مثلا العربية سخنت و المية نشفت تحطها في الريداتير
    عشان كده خلي دايما معاك ازازة مية كبيرة او ازازتين في الشنطة و دايما من وقت لتاني تغيرها لو الجو حر , في الشتا المية بتفضل ساقعة من غير حاجة
    انا نسيت ازازة مية في العربية لمدة اسبوعين او اكتر تحت الكرسي نزلت امبارح لقيتها تلج


    -طفاية حريق :
    من اكتر الادوات المهمة في العربية اللي لازم مفيش عربية تخلو منها
    لأن لو لقدر الله حصلت حريقة في اي جزء في العربية او في الطريق عربية واحد في الشارع نار مسكت في عربيته يبقي الطفاية تلحق عالطول و اهم حاجة تعرف كيفية استخدامها
    ( استخدامها هو نزع فتيل\مفتاح الامان و توجه الطفاية الي قاعدة النار و يكون في اتجاه الرياح عشان لو طفيت الحريقة عكس اتجاه الرياح مش هتطفي بسهولة و ممكن متطفيش و تخليك ع مسافة كويسة بحيث تأثر ع الحريقة و في نفس اولقت بدون ما تتأذي ) و تعملها تشيك من وقت للتاني عشان تتأكد ان الضغط مظبوط
    ميكونش قليل و لا زايد اكتر من اللازم
    و الطفايات المزودة بمقياس ضغط اللي هي بيبقي فيها مسحوق مواد كيميائية جاف و بتكون مليانة بمسحوق فوسفات الأمنيوم الأحادي ،أو ثاني كربونات البوتاسيوم أو ثاني كربونات الصوديوم، وبيستخدم غاز النيتروجين لضغط الطفاية و بيبقي لوناه احمر و ليها خرطوم
    انما اللي معانا من غير مقياس ديه فديه بيبقي غاز ثاني اكسيد الكربون و لونها احمر
    و في نوع تالت غير شائع اوي اللي هو طفايات مليانة مية و ديه بيبقي لونها فضي و فيها مقياس ضغط بس بتبقي مضغوطة بالهوا العادي
    و يا ريت يا جماعة اللي يقدر فيكم ياخد كورس دفاع مدني في هيئة الدفاع المدني في الحي السادس الكورس بــ 100 جنيه + 20 جنيه الشهادة
    هيفيدكم في حالات كتيير اوي زي الاطفاء بجميع انواعه و حالات الانقاذ في اي مكان و بيبقي نظري و عملي



    -حقيبة الاسعافات الأولية:
    ديه برده حاجة منقدرش نستغني عنها لأنها مفيدة جداا في حالات الجروح و لو لاقدر الله حصلت حادثة و في اصابات
    بتنفع سواء جروح سطحية او حروق بسيطة بتساعد و لازم نكون عارفين ازاي نتعامل معاها و الا وجودها زي عدمه و ان شاء الله هعمل ملف عن التعامل بيها في الحالات المختلفة
    و لازم نتأكد من صلاحية المواد اللي فيها دايما
    و الحاجات اللي بتحتوي عليها حقيبة الاسعافات هي

    1-الضمادات و الاربطة
    - ضمادات الشاش: ضمادات من طبقات عديدة من الشاش الناعم وهي بتساعد على التحكم في النزيف وتعمل على امتصاص الدم وإفرازات الجروح والوقاية من العدوى ومنع التلوث. ويفضل استخدام الضمادات الكبيرة حتى تغطي الجرح والمنطقة المحيطة به، وتثبت برباط أو شريط لاصق حتى لاتنزلق فوق المنطقة المجاورة.
    - أربطة شريطية لاصقة: وهي عبارة عن شاش قابل للامتصاص مثبتة في مكانها بظهر لاصق. ويستخدم هذا النوع من الأربطة للجروح الصغيرة بشرط أن يكون الجلد حول الجرح نظيفاً وجافاً قبل ربط الشريط. كما يمكن استخدامه مع ضمادات الشاش لتغطية الجروح.
    - رباطات ملفوفة: هذا النوع من الرباط يصنع من أحجام مختلفة ويستعمل للحفاظ على الضمادات في أماكنها ولوقف النزيف أو لتقويم التواء أو إسناد أورام.
    - رباطات مثلثة: يمكن أن تستخدم كرباطات اعتيادية لضماد الجروح أو كمعلاق لتعليق يد مصابة بكسر إلى الرقبة ولوقاية الذراع والصدر ولربط ضمادات فوق الرأس واليد والقدم.
    - شريط لاصق: يثبت الأربطة والضمادات الصغيرة.
    - قطن طبي: يجب ان يكون هناك كمية كافية من القطن الطبي، لأنه في بعض الأحيان المسعف بيحتاج إلى كمية كبيرة من القطن لاستخدامه كحشوة للجبيرة أو لرفع الدم المتراكم على الجرح أثر نزف شديد.

    2-مناشف او كمادات باردة
    تستخدم لإسعاف الرضات الداخلية والتواء المفاصل ولتخفيف الألم ولمنع التورم.

    3-قفازات طبيعة معقمة
    تستعمل هذه القفازات عند القيام بتطهير الجروح، أو وقف النزيف والإفرازات العضوية الأخرى للوقاية من حدوث عدوى، وتستخدم مرة واحدة فقط.

    4-مسحة طبية
    عبارة عن كحول الأيزوبروابايل (70%) علي قطعة قطنة معقمة لتطهير الجروح.

    5-مقص حاد و ملقاط
    يستخدم المقص لقطع الجلد الميت عند حدوث إصابة تستلزم ذلك، وقطع العصابات والضمادات. أما الملقط فهو ضروري لإزالة الأجسام الصغيرة والشظايا من الجسم. ويفضل شراء مقص من النوع الجيد الذي لايصدأ لأن شراءك لمقصات رديئة وقابلة للصدأ له أثر كبير في تلوث الجزء المصاب. ويفضل غلي كل من المقص والملقط بالماء لمدة خمس دقائق قبل وبعد الاستعمال.

    6-ابرة كبيرة و مشابك
    الإبرة الكبيرة لإزالة الشوك وخلافه من الجسم، والمشابك لتثبيت الأربطة.

    7-ميزان حرارة طبي
    لقياس درجة الحرارة،

    8-كشاف يدوي
    يستخدم إذا كانت الإصابة في مكان ضلمة

    9-ورقة و قلم
    وهي من الأدوات المهمة التي يجب أن تكون جزءاً من محتويات حقيبة الإسعاف التي يمكن أن تستعمل لتسجيل رقم هاتف مهم في حالة الإسعاف ووقت الإصابة وكذلك المعالجة التي قدمت والأدوية التي تناولها المصاب وحالته و و متي حدثت الاصابة و غيرها من المعلومات المهمة التي يحتاجها الطبيب المسعف فيما بعد.

    10-الادوية
    أدوية تخفيف الألم وخفض درجة الحرارة.
    الادوية المستخدمة في الجروح و الحروق
    - البيتادين: له فعالية قاتلة ضد الميكروبات ويحتوي على 10% أيودين، وهو محلول مطهر للجلد والجروح.
    - فلامازين: كريم يستخدم في الحروق والجروح لمنع الالتهاب، ويتميز بقدرته على إزالة أثر الجرح أو الحرق بعد استخدامه عدة مرات.
    - لجنوبانثين: كريم يحتوي على مادتين، أحداها مخدر موضعي ذو أثر فعال في تسكين الألم، والأخرى تساعد على التئام الجروح.
    - ميركروكروم: يستخدم لتطهير الجروح والحروق، ويجب التنبيه على أن هذه المادة تحتوي على الزئبق، لذا لاينصح باستخدامه عدة مرات في اليوم ويجب الحذر من شربه.
    - فيوسدين: مضاد حيوي قوي ضد الجراثيم، يستعمل لعلاج التهابات الجلد.

    11-كتيب الاسعافات الأولية
    و ده برده لازم يكون موجود شعان لو حد نسي ازاي يتعامل او في حد تاني هيستعمل و ميعرفش يستعين بالكتيب ده


    و برده اللي يقدر ياخد دورة في الاسعافات الأولية يا ريت ياخدها لأنها مفيدة جداااا للتعامل مع جميع الحالات و ده برد هرفعه ان شاء الله في الملف اللي وعدتكم بيه


    - المثلث العاكس :
    المثلث العاكس بقي برده مهم جدااا و يعتبر السبب في منع حوادث كتيير ع الطريق السريع خاصة بليل
    لأنه مصمم انه يعكس انوار السيارات القادمة ليلا
    عشان كده لو مثلا العربية عطلت او عجلة نامت
    حط المثلث العاكس ورا العربية بمسافة حوالي 2-3 متر عشان اللي جاي من بعيد يعرف ان في عربية واقفة و متحصلش حاجة
    و اللي زعلني و فرحني في نفس الوقت اني لقيت بتوع النص نقل و الميكروباصات ملتزمين في الموضوع ده ع الطرق الصحراوية و الملاكي قليل من يلتزم بيه


    - رافعة ( الكوريك ) - علبة عدة - كشاف:
    طبعا ان العجل ينام حاجة بقت اساسية كل شوية :(
    فديه لازمة الكوريك و انا وجهة نظري ان بجانب الكوريك الاستوك اللي هو بيبقي نازل مع العربية و مفتاح الربط نجيب كوريك تاني زي التمساحة يكون احتياطي معاناو مفتاح ربط صليبة عشان اي مقاس و عشان لو كوريك واحد اتكسر التاني يسد , في ساعات ممكن تحتاج ترفع العربية لأي سبب غرزت طلعت فوق الرصيف بجنب ...الخ..الخ
    و في بعض الاوقات حوادث بتحصل الكوريك بيبقي ليه اهمية مثلا يرفع جزء من العربية او معدن عشان ننقذ شخص
    يعني لا غني عنه برده و يلا اهو وزن مش تقيل اوي يزود ثبات العربية ورا ههههه
    بالنسبة لعلبة العدة برده ليها فوايد كتيرة زي ما شوفنا يعني تنفع في موضوع العجلة ديه
    تنفع في حاجة معصلجة حاجة تتفك تتركب
    و في عربيات مش محتاجة و بتنزل بيها و في عربيات لأ
    و الكشاف عشان لو في مكان زي الصحراوي بليل و مفيش نور اهو يساعدك و برده ممكن يتحط كتنبيه للسيارات القادمة و هيبقي معانا واحد بس كفاية يا اما في شنطة الاسعافات ياما منفرد و يكون معاه حجارة احتياطي عشان لو في مكان ضلمة و الموضوع هيطول


    - منفاخ كاوتش + مقياس ضغط الكاوتش :
    و دول حاليا برده ليهم اهمية و خاصة ان بتوع الكاوتش بمزاجهم و بينفخوا بالبركة و تلاقي الواحد قاس بالبركة و يقولك مظبوط يا باشا
    فالمقياس يفيد انك تقيس ضغط العربية كل شوية
    براحتك و بيبقي ديجيتال
    و منفاخ الكاوتش اللي بيشتغل ع ولاعة العربية
    برده لا غني عنه عشان لو انت مثلا في مكان مفيهوش بتاع عجل و فجأة لقيت الاستبن نايم او مش قادر تغير العجلة كل اللي هتعمله انك تحطه في الولاعة و تنفخ الكاوتش و عشان تاخد نتيجة اسرع ترفع العربية سنة بسيطة عن الارض
    و في حاجة بقي ديه برده من وجهة نظري بس ممكن متعجبش غيري
    و هي ان يكون معاك شنمبر داخلي احتياطي زي الكاوتش العادي عشان لو مثلا انت في مكان مقطوع و الكاوتشة التيوبلس اللي معاك متنفعش تتنفخ و الاستبن نايم كل اللي هتعمله هتفضي الكاوتشة خالص و تستخدم العدة المتاحة زي مفتاح الربط و اي حاجة تانية و تدخل الشنمبر ده و تنفخ عادي و تركب لحد ما توصل الجيش قالك ايه ...اتصرف. :)
    معلش الواحد بيحب يحط في حسابه اي حاجة



    - كابل كهرباء :
    و ده برده مهم عشان لو البطارية نامت او بطارية حد في الطريق نامت توصل عالطول و تمشي :)
    و في منه جاهز بيتباع و في منه بيتعمل عمولة


    - كابل الجر :
    و ده مفيد برده لو العربية عطلانة و العطل لا يمكن اصلاحة ممكن اي عربية تجرك او انت تجر عربية لحد اقرب مركز او ميكانيكي ع حسب العطل
    و لو عربية غارزة في مكان فتتشد
    و يفضل يكون طول الكابل طويل ميكونش قصير




    شوفتوا ازاي ادوات بسيطة لكن مهمة و احنا مش واخدين بالنا

    و زي ما هتفيدنا ممكن تفيد غيرنا علي الطريق

    و اسعارها مش عالية يمكن الحاجة الوحيدة اللي تعتبر الي حدا ما غالية بالنسبة لبقيت الحاجات هو الكوريك و هو لا يتعدي 120 جنيه اللي بيشيل وزن 2 طن و 80 جنيه للي بيشيل 1طن
    اما الباقي فحاجات رخيصة
    و ان شاء الله بس أفضي من اللي ورايا و ارفعلكم الملف اللي وعدتكم بيه

    الموضوع غير منقول
    و هو اجتهاد شخصي



    و بالتوفيق للجميع ان شاء الله

    Msa ma3lmooot gamilaaa basr7a thanqqqqqq


  4. #174

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    شكرا لمرورك لكن المرة الجاية اكتب عربي لأن الانجليزي مخالف لقوانين المنتدي


  5. #175

    الصورة الرمزية Neo206

    رقم العضوية : 101938

    تاريخ التسجيل : 03Jun2011

    المشاركات : 151

    النوع : ذكر

    الاقامة : alexandria

    السيارة: لا توجد

    السيارة[2]: لا توجد

    دراجة بخارية: لا توجد

    الحالة : Neo206 غير متواجد حالياً

    افتراضي -

    مشكور و جزاك الله خير


  6. #176

    الصورة الرمزية METOMANCY

    رقم العضوية : 123144

    تاريخ التسجيل : 14Apr2012

    المشاركات : 14

    النوع : ذكر

    الاقامة : الاسماعيليه

    السيارة: فيات 127

    السيارة[2]: فيات 127

    دراجة بخارية: فسبا

    الحالة : METOMANCY غير متواجد حالياً

    افتراضي -

    موضوع ممتاز


  7. #177

    الصورة الرمزية ghostmido

    رقم العضوية : 55504

    تاريخ التسجيل : 11Dec2009

    المشاركات : 644

    النوع : ذكر

    الاقامة : cairo

    السيارة: Hyundai Verna2006

    السيارة[2]: Hyundai Verna 2009

    دراجة بخارية: Missing

    الحالة : ghostmido غير متواجد حالياً

    افتراضي -

    موضوع محترم


  8. #178

    الصورة الرمزية artist

    رقم العضوية : 123413

    تاريخ التسجيل : 20Apr2012

    المشاركات : 321

    النوع : ذكر

    الاقامة : cairo

    السيارة: Fantasia 2012

    السيارة[2]: Elantra 2012

    دراجة بخارية: no

    الحالة : artist غير متواجد حالياً

    افتراضي -

    موضوع جامد بصراحه!


  9. #179

    الصورة الرمزية love2dark

    رقم العضوية : 101891

    تاريخ التسجيل : 03Jun2011

    المشاركات : 27

    النوع : ذكر

    الاقامة : مصر

    السيارة: no need

    السيارة[2]: 97opel vectra

    دراجة بخارية: no

    الحالة : love2dark غير متواجد حالياً

    افتراضي -

    many thanx man


  10. #180

    الصورة الرمزية akmm

    رقم العضوية : 117583

    تاريخ التسجيل : 08Dec2011

    المشاركات : 7,814

    النوع : ذكر

    الاقامة : cairo

    السيارة: mercedes

    السيارة[2]: mazda

    دراجة بخارية: no

    الحالة : akmm غير متواجد حالياً

    افتراضي -

    hasad">

    هايل بصراحه .



 
صفحة 18 من 24 الأولىالأولى ... 8 13 14 15 16 17 18 19 20 21 22 23 ... الأخيرةالأخيرة

المواضيع المتشابهه

  1. كــل ما تريـــد معرفتـــه عن بريليانـــس Frv
    بواسطة Sharky في المنتدى بريليانس
    مشاركات: 35
    آخر مشاركة: 09-12-2012, 09:48 PM
  2. أدوات يــجــب ان تــكــون فـي كــل ســيـارة
    بواسطة Amr Axel في المنتدى أخبار السيارات في مصر والعالم
    مشاركات: 8
    آخر مشاركة: 12-05-2011, 06:37 PM
  3. أدوات إنقاذ يجب توافرها فى السيارة
    بواسطة hanady في المنتدى المنتــــــدى العـــــــــــام للسيــارات
    مشاركات: 19
    آخر مشاركة: 14-03-2010, 11:41 AM
  4. أدوات دراسة المشاكل
    بواسطة compuland في المنتدى المنتــــــدى الاجتمــاعى
    مشاركات: 0
    آخر مشاركة: 20-05-2009, 03:46 PM
  5. أدوات ورشة السيارة
    بواسطة BASHAR في المنتدى القــــسم التعلــــيمى
    مشاركات: 10
    آخر مشاركة: 27-01-2008, 06:45 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2