شكرا ليك
نورتا لموضوع بمرورك
عرض للطباعة
الطفاية ممكن تجيبها من المرور او من وسط البلد و سعرها 80 - 100 جنيه لا تزيد و لو خلصت بتملاها من المصنع في اخر جسر السويس تقريبا اللي هو مصنع بافاريا
و شركة بافاريا ديه شركة لأجهزة الاطفاء و نظم مكافحة الحرائق و ادوات الطوارئ و الانقاذ و هي اللي بتنتج الطفايات ديه
المثلث من التوفيقية او شارع دمشق 15-20 جنيه
و شنطة الاسعافات الاولية ممكن المرور برده او الصيدليات و ديه بتختلف اسعارها ع حسب امكانيتها و الحاجة اللي فيها
و ممكن انت تجمعها بنفسك لو عايز و اهم حاجة ابقي شوف تاريخ الصلاحية للحاجة اللي فيهاو اي حاجة معدن زي المقص و كده لازم تتأكد انها نوعية نضيفة غير قابلة للصدأ
والحاجات دى كلها ينفع تتحط فالعربية ولا هحتاج اشترى مقطورة مع العربية:colsmil:
ههههههههههه
طبعا انا بهزر:POINTIy2[2]:
جزاك الله خير
ههههه لا يا ريس ديه محتاجة قطار نقل بضائع عشان يكفي
متقلقش ههههه
الموبيل كده كده في جيبك
و الشاحن و الكشاف وا لحجارة و مقياس صغط الكاوتش في التابلوه
و المية تحت كرسي اللي جنب السواق
طفاية الحريق في الشنطة او تحت كرسي اللي جنب السواق برده و يفضل تبقي قريبة :) من ايد السواق
حقيبة الاسعافات في الشنطة او في الجيب اللي بيبقي في الفرش في ضهر الكرسي
المثلث العاكس ارمي في الشنطة عالطول
الكوريك و العدة ارمي في الشنطة برده عالطول
منفاخ الكاوتش في الشنطة عالطول هههههه
اما بقي كابل الكهربا و كابل الجر فبرده في الشنطة عالطول
يلا يا عم وزن اهو شعان ثبات العربية ههههههه
نورت يا ريس الموضوع
عندي في العربيه
شنطة عده كامله فيها كل العدد اللي ممكن تتخيلها او متتخيلهاش كمان
كمبروسر هواء بتاع الكاوتش
كشاف طوارئ غير اللي في الكمبروسر
كابل بطاريه
كابل الجر و هو عباره عن حزام كدا وفيه جزء حديد بيحكم الربط
وطبعا شنطه الاسعافات و الكوريك و مفتاح عجل صليبه و المثلث العاكس كمان
كل الحاجات دي تجهيزات اساسيه للحاج في اي عربيه بنشتريها و على فكره مش واخده مكان كبير يعني لانها رفايع
كنت هنسي في يا جماعه علبه كدا بتاعت منظفات اوكسي تقريبا زي جركن كدا طويل شويه و ليه جزء من قدام اكنه معمول لملئ الريداتير هبقي في مره اصوره و اجبهولكم ده برضو كبير و بيشيل ميه كتير و مريح جدا في ملئ الريداتير
انا نفسي ألاقي حاجة تقدروا توصفوا All in One KIT فيها عدة خفيفة وعدة طبية للطوارئ و المنفاخ نوع نظيف غير الصيني
أنا الي ناقصلي ..... شنطة عدة خفيفة .... مثلث طوارئ وعدة طبية (ما سلموهاليش فالمرور ولا قالولي هاتها وانا بارخص عربيتي السنة الي فاتت) والمنفاخ قلقان اجيب الصيني الغريب ده الي في كل حتة وبيتهيقلي الحاجات الأصلية نادرة وغالية بشكل مبالغ فيه ......
لو حد ليه تعليق على كلامي او نصيحة يتفضل :)
احييك على الموضوع...لو ممكن اضيف حاجة..نمر تليفونات اوناش إنقاذ..وإن شاء الله ما حدش يحتاج نمرة منهم