الموضوع: أدوات يــجــب ان تــكــون فـي كــل ســيـارة !!

المشاركة الأصلية كتبت بواسطة TheDieSeL

انا نفسي ألاقي حاجة تقدروا توصفوا All in One KIT فيها عدة خفيفة وعدة طبية للطوارئ و المنفاخ نوع نظيف غير الصيني

أنا الي ناقصلي ..... شنطة عدة خفيفة .... مثلث طوارئ وعدة طبية (ما سلموهاليش فالمرور ولا قالولي هاتها وانا بارخص عربيتي السنة الي فاتت) والمنفاخ قلقان اجيب الصيني الغريب ده الي في كل حتة وبيتهيقلي الحاجات الأصلية نادرة وغالية بشكل مبالغ فيه ......

لو حد ليه تعليق على كلامي او نصيحة يتفضل :)

عايزهم كلهم في حاجة واحدة يعني زي 8 في 1 هههه بسيطة يا ريس و انت ممكن تعملها كمان هي مش كيميا شغل الجمجمة
ممكن تعمل صندوق متقسم صغير يبقي مثلا طوله 40-50 سم و عرضه 30 سم و ارتفاعه 30 -40 سم يتحط فيه المنفاخ و المقياس و حقيبة الاسعافات والعدة و الكابلات الكهربا و الجر و كشاف و المثلث العاكس هههههه و الكوريك بقي معلش هنخليه لوحده الا بقي لو هتعمل صندوق اكبر يشيله و الطفاية تبقي فيه برده و الافضل تبقي جنبك دايما
انما مش هتلاقي حاجة فيها كل الحاجات ديه لأنها غير مرتبطة ببعضها اللي ممكن يطبق الموضوع ده المرور
بس اعتقد لو احنا عملنها هتبقي ارخص و اوفر و لا ايه :)
لو انا نفذت المشروع ده اوعدكم اني هعرضه هنا للبيع ههههه

بالنسبة للحاجات ديه اعتقد المفروض المرور يأكد عليها بس مش شرط المرور يتكلم جيبها انت هو احنا لازم نستني حد يقولنا حاجة و يمشي ورانا بالكورياج عشان نجيب
احنا نفكر و نجيب من غير ما حد يقول و لا ايه يا ريس

و بالنسبة للمنفاخ الصيني هو شغال مع كل الناس و محدش اشتكي منه لحد دلوقتي غير في انه بطئ الي حدا ما في النفخ و الحل لده انك ترفع العربية سنة عن الارض هتلاقي الكاوتشة بقت منفوخة في ثواني

اتوكل ع الله و جيب و لو تعرف حد يا ريت تنصحه يجيب الحاجات ديه و يخليها معاه اهو نتقدم من نفسها مش لازم حد يقولنا اتقدموا

و نورت يا ريس :)

واي استفسار انا موجود

المشاركة الأصلية كتبت بواسطة ecybrarian

احييك على الموضوع...لو ممكن اضيف حاجة..نمر تليفونات اوناش إنقاذ..وإن شاء الله ما حدش يحتاج نمرة منهم

طبعا يا ريس ده اساسي و شئ مفروغ منه يكون الارقام علي التليفون
نورت يا ريس :)