رشاشات m40 وبوجيهات بلاتينيوم

السلام عليكم و رحمه الله

فاكرين يا رجالة لما ركبت رشاشات لوكاس اللي في العربية الBMW الدبانة ودي صورة الرشاش

[aldl]http://www.9m.com/upfiles/lwm43847.jpg[/aldl]

http://www.9m.com/upfiles/Qsj43847.jpg

استهلاك البنزين كان فظيع جداً لدرجة الصفيحة كانت بتعمل 180 كم ... المهم عملت بنصيحة أستاذ محمد ممدوح وركبت رشاشات الBMW للمكنة M40 وحسبت استهلاك البنزين لقيت الصفيحة عملت 230 كم والله ماصدقتش نفسي وجربت تاني الاستهلاك لقيته في الحدود دي ... ده غير السحب اللي اصبح اكتر من ممتاز .

وبالمرة غيرت البوجيهات ورحت لمحل التوفيق توكيل الNGK واشتريت بوجيهات البلاتينيوم بس سعرهم غلي بقوا ب140 جنيه وبعد ماركبتهم اتفاجئت اني مش سامع صوت الموتور خالص ... في واحد زميل قال الموضوع ده بس بصراحه ماصدقتش اللي لما شوفت وسمعت بنفسي ... الحرق ممتاز والسحب كويس الحمد لله .
فأحب اشكر كل الناس اللي في المنتدى اللي اشاروا علينا بتركيب الرشاشات دي لان بصراحة العربية فاقت كتير اوي وخصوصا كمان بعد تركيب البوجيهات البلاتينيوم

مبروك عليك ياهندسه

وربنا يكرمنا

ونجرب موضوع البوجيهات ده

إن شاء الله

لأن أكيد ليه علاقه بتحسن صوت الحريق

اقتباس:

---

واشتريت بوجيهات البلاتينيوم بس سعرهم غلي بقوا ب140 جنيه وبعد

---

ياريت تبقى تكتبلنا نوع البوجيهات بالأرقام والحروف اللى عليها

ولو صوره للعلبه

يبقى فل أوى

اقتباس:

---

المشاركة الأصلية كتبت بواسطة samirayad

ياريت تبقى تكتبلنا نوع البوجيهات بالأرقام والحروف اللى عليها

ولو صوره للعلبه

يبقى فل أوى

---

+11111111111111111111111111111

اقتباس:

---

المشاركة الأصلية كتبت بواسطة samirayad

مبروك عليك ياهندسه

وربنا يكرمنا

ونجرب موضوع البوجيهات ده

إن شاء الله

لأن أكيد ليه علاقه بتحسن صوت الحريق



ياريت تبقى تكتبلنا نوع البوجيهات بالأرقام والحروف اللى عليها

ولو صوره للعلبه

يبقى فل أوى

---

أشر انت بس يا هندسة وانا عليا التنفيذ

اقتباس:

---

المشاركة الأصلية كتبت بواسطة elakawy

ماركبتهم اتفاجئت اني مش سامع صوت الموتور خالص

---

الحقنى بالموضوع دا يا باشا بالتفصيل عندى العربية صوت قطر مش عربيه
لانوس 2011

دي صورة البوجيهات البلاتينيوم

http://www.9m.com/upfiles/F6987147.jpg

متشكر ياهندسه

ان شاء الله قررت اغير الرشاشات
انا الحمد لله قررت اغير الرشاشات و ناوى اجيب رشاشات ال bmw الاستيراد
بس انا مش عارف هاجيبها من فين و بكام و ازاى اعرف انهم مش بايظين و اجربهم فين و استفسار اخير ممكن حد يوصفلى اروح اجبهم من فين
شكراا

++++1

من الحرفيين من اي محل بتاع bmw خصوصاً محل اسمه المتحدة بورسعيد عنده الرشاشات دي بالزوفة
سعرهم تقريباً 200 جنيه بس انا قرفت الراجل اخر قرف واشترتهم ب 150 جنيه بس ونظفتهم بجهاز الالترا سونك عشان اتأكد ان مفيش رشاش بيسيل والحمد لله الاربع رشاشات زي الفل .

مبروك عليك التغيير
وممكن اعرف انته نظفتهم بجهاز الالترا سونيك فين وبكام
تانى حاجه انته جبت الرشاشات بلمسطره ولا بدون
وياريت عنوان محل المتحده و عنوان المحل الى عنده بجهاز الالترا سونيك

وشكرا

ولو امكن ممكن عنوان المتحده
وعنوان الى عنده بجهاز الالترا سونك وهوه بيركب الرشاشات ولا بينظفهم فقط
وياريت لو شرح للذهاب وشكر

++++++++1

انا كمان ان شاء الله قررت اغير الرشاشات ياترا فيه حد يحب ننزل مع بعض ونجبهم علشان نعرف ناخدهم بسعر كويس و ميكونوش بايظين او حتى فيهم حاجه و نكشف عليهم كلهم مرة واحدة
منتظر الرد للى يفضل

انا هاغير الرشاشات والبوجيهات

مع انى فيرناوى بس الكلام عجبنى
اولا مبروك على صاحب الموضوع ويا بختكم بمحمد ممدوح
ثانيا لو فى ناس كتير ناويه تشترى انزلوا مع بعض اكيد هترخصوا فى السعر

انا ان شاء الله ناوى اغير الرشاشات اللى حابب ننزل سوا يبعتلى رقمه على الخاص