عربية فيها كل الموصفات ولا تزيد عن 30 الف جنية

انا محتارة لانى عايزة عربية شكلها حلو ومحترمة وحالتها جيدة وطبعا هتكون فبريكة ثابتة لانى بسافر كتير مش صينى موديل لايقل عن سنة 98 ويفضل احدث مش بتسحب بنزين جامد واسعة مش ضيقة يعنى تاخد 3 راكب مستريحين وليها شنطة واسعة والسعر بحد اقصى 30 ألف

فى ناس رشحتلى :
اكسيل 99:2000 , رينو كليو 2002 , كيا شوما , اكسنت , تريوس 2000 , فيات سيينا 2001 , ابيزا , بيجو 206 , لانوس 2000


مش عارفة انى عربية متناسبة مع المطلوب والامكانتيات اللى انا عايزها وبرضة فى حدود ميزانيتى

وياريت لو حد يرشحلى ماركة وموديل ومتوسط السعر اللى فى السوق للموديل دة

بس كل الماركات اللى انتى كاتبها تذيد عن 30 يعنى مثلا لو رفعتى المبلغ 35 تجيبى الاكسنت مستريح والابيزا مستريح وممكن تجيبى هوندا سيفيك بس 92 اول فئة انا عشان نازل الشغل دلوقتى فا مستعجل مش عارف اكتب اية ولا اية بس هتلاقى الاعضاء ردو عليكى

ميرسى جدا على الاهتمام وربنا يوفقك

بس صعب يترفع عن 30

أوبل كورسا
المانى
قطع غيار موجوده وبتعيش
واسعه فعلا
موتور مناسب 1200 سى سى واستهلاكها جميل فى البنزين
ثبات رائع لعربيه صغيره
حريمى
ورينج اسعارها من 28 الف لحد 35 وماتدفعيش اكتر من كده

فعلا كل اللى انتى كاتباه فوق التلاتين

حتى اوبل كورسا ساعات بتعمل فوق التلاتين

بصى دول موضوعين كنت عاملاهم ممكن يساعدوكى
http://www.nilemotors.net/Nile/189493-a.html

http://www.nilemotors.net/Nile/193850-a.html

أعتقد مواصفاتك دي هتلاقيها في الاكسيل والاكسنت بس هتزودي حوال 2000 ج لو اكسيل
وحوالي 4000 لو اكسنت

اقتباس:

---

أوبل كورسا
المانى
قطع غيار موجوده وبتعيش
واسعه فعلا
موتور مناسب 1200 سى سى واستهلاكها جميل فى البنزين
ثبات رائع لعربيه صغيره
حريمى
ورينج اسعارها من 28 الف لحد 35 وماتدفعيش اكتر من كده

---

اولا جزاك الله خير ثانيا كورسا قطع غيارها عالية وكمان موديلها بالسعر اللى انا عايزها هيبقى اقدم من 98

اقتباس:

---

فعلا كل اللى انتى كاتباه فوق التلاتين

حتى اوبل كورسا ساعات بتعمل فوق التلاتين

بصى دول موضوعين كنت عاملاهم ممكن يساعدوكى
http://www.nilemotors.net/nile/189493-a.html (بليز ساعدونى)

http://www.nilemotors.net/nile/193850-a.html (صاحبتى عاوزة تشترى عربية)

---

شفت الموضوعين ودول حيرونى اكتر بين اشترى حاجة اقل من اللى انا عايزة

وربنا يوفقك فى عربية اختك وصحبتك ان شاء الله وياريت اعرف رسيتوا على ماركات ايه ؟

اقتباس:

---

أعتقد مواصفاتك دي هتلاقيها في الاكسيل والاكسنت بس هتزودي حوال 2000 ج لو اكسيل
وحوالي 4000 لو اكسنت

---

ميرسى اوى لترشيحاتك
الاكسنت بيقوللى عربية اى كلام وكمان صغيرة شوية عن الاكسيل بس الاكسيل شكلها مش حلو وسعرها عالى


انا عجبتنى اوى كليو 2002 سيدان قريبة من حجم الافيو وشكلها جميل ياريت اعرف متوسط سعرها لو حالتها جيدة وفبريكة

اقتباس:

---

المشاركة الأصلية كتبت بواسطة sossi

انا عجبتنى اوى كليو 2002 سيدان قريبة من حجم الافيو وشكلها جميل ياريت اعرف متوسط سعرها لو حالتها جيدة وفبريكة

---

مع الأسف أسعارها أواخر التلاتينات وأول الأربعينات

سيدان فيات تمبرا_هاتشباك_فيات بونتو_فيات أونو_كيا برايد سيدان أوتو_سوزوكى سويفت سيدان_سكودا فيليشيا وش أوكتافيا

سكودا فيليشيا وش أوكتافيا فيها معظم متطلباتك وهتكون في رنج30000ج

اقتباس:

---

المشاركة الأصلية كتبت بواسطة puyol

أعتقد مواصفاتك دي هتلاقيها في الاكسيل والاكسنت بس هتزودي حوال 2000 ج لو اكسيل
وحوالي 4000 لو اكسنت

---

والله انا لسه بايع اكسيل 1500 كامله مانيوال موديل 95 ب 30 الف بس

اقتباس:

---

مع الأسف أسعارها أواخر التلاتينات وأول الأربعينات

---

بس انا سمعت انها ما بين 30 :35 حسب الحالة

اقتباس:

---

سيدان فيات تمبرا_هاتشباك_فيات بونتو_فيات أونو_كيا برايد سيدان أوتو_سوزوكى سويفت سيدان_سكودا فيليشيا وش أوكتافيا

---

كتير نصحونى اتجنب الفيات خالص حتى سيينا والبونتو وتمبرا
سوزكى سوفت وكيا برايد شكلها مش حلو وصغيرة
سكودا فليشيا صغيرة ومش فاهمة معنى كلمة وش اوكتافيا

اقتباس:

---

سكودا فيليشيا وش أوكتافيا فيها معظم متطلباتك وهتكون في رنج30000ج

---

مش دى الهاتش باك الصغيرة دى

اقتباس:

---

والله انا لسه بايع اكسيل 1500 كامله مانيوال موديل 95 ب 30 الف بس

---

هى اكسيل عيبها شكلها وسعرها رفع مرة واحدة

طب اكسيل 99:2000 عاملة كام؟ وهى نفس شكل اكسيل 96 ولا فى شكل جديد

اقتباس:

---

شفت الموضوعين ودول حيرونى اكتر بين اشترى حاجة اقل من اللى انا عايزة

وربنا يوفقك فى عربية اختك وصحبتك ان شاء الله وياريت اعرف رسيتوا على ماركات ايه ؟

---

صاحبتى رسيت على ماروتى او 28 حالتها نضيفة

اختى لسه مرسيناش على حاجه بس هى عاجباها دايو ماتيز واوبل كورسا

على فكرة دايو ماتيز موديل 99 او 2000 بتعملها 30 الف تقريبا

وفيه كمان هيونداى اكسنت جميلة وبتعملها حوالى 34 او 35

ولو عرفنا نزود شوية فى الفلوس هنجبلها سبارك او دايو جوليت

على فكرة لو عرفتى تزودى المبلغ 5 الاف ممكن تجيبى جولييت حالتها كويسة وانا سألت ميكانيكية كتير فضلولى الجولييت عن الكورسا على الرغم ان الكورسا المانى والجولييت كورى بس بيقولوا الكورسا اعطالها اكتر وقطع غيارها اغلى

وعلى فكرة المواضيع دى لخبطتنا برضه لان كل واحد له رأى غير التانى اعملى زينا انا لما كان حد يكتبلى عربية معينه كنت بدور على عيوبها على النت ومزاياها ولو لاقيت عربية دخلت دماغى كنت اسأل الميكانيكى

اقتباس:

---

صاحبتى رسيت على ماروتى او 28 حالتها نضيفة

---

هما فعلا يحيروا مابين الماروتى الحديثة واللى اكيد مش هتحتاج صيانة ومابين 28 العميلة وسهلة التظبيط

اقتباس:

---

اختى لسه مرسيناش على حاجه بس هى عاجباها دايو ماتيز واوبل كورسا

على فكرة دايو ماتيز موديل 99 او 2000 بتعملها 30 الف تقريبا

وفيه كمان هيونداى اكسنت جميلة وبتعملها حوالى 34 او 35

ولو عرفنا نزود شوية فى الفلوس هنجبلها سبارك او دايو جوليت

---

بس دى كلها عربيات صغيرة بالنسبالى انا عايزة حاجة حجمها اكبر

اقتباس:

---

على فكرة لو عرفتى تزودى المبلغ 5 الاف ممكن تجيبى جولييت حالتها كويسة وانا سألت ميكانيكية كتير فضلولى الجولييت عن الكورسا على الرغم ان الكورسا المانى والجولييت كورى بس بيقولوا الكورسا اعطالها اكتر وقطع غيارها اغلى

---

انا لو زوت المبلغ شوية هجيب لانوس 2 مو 99:2000

اقتباس:

---

وعلى فكرة المواضيع دى لخبطتنا برضه لان كل واحد له رأى غير التانى اعملى زينا انا لما كان حد يكتبلى عربية معينه كنت بدور على عيوبها على النت ومزاياها ولو لاقيت عربية دخلت دماغى كنت اسأل الميكانيكى

---

انا برضة كدة وكل شوية تعجبنى عربية بس بنساق على الشكل واسم الماركة لكن اجى اعمل سرش القى فيها عيوب كقطع غيار مش متوفرة او صيانة صعبة او اى عيب هو اللى منزل سعر العربية فى السوق فى حين انها عربية فاخمة

اه صحيح افضل مكان بدور فيه فين ؟ سوق ولا عارض ولا من اشخاص عاديين ؟

اقتباس:

---

اه صحيح افضل مكان بدور فيه فين ؟ سوق ولا عارض ولا من اشخاص عاديين ؟

---

بصى رايي انا انزلى السوق اللى بيتعمل الجمعة لفى السوق كله عشان تعرفى رينجات الاسعار وخدى المتوسط بس يومها اوعى تشترى طبعا هتلاقى ناس فى العالى اوى عامل حسابه انك هتفاصليه ولو مفاصيلتهوش اهو يبقى ضحك عليكى وناس عربياتهم سيئة واسعارهم قليلة وعربيات حالتها كويسه وسعرها كويس شوفى المتوسط بتاع الاسعار كام

دورى على النت فيه مواقع كويسه

الموقع الاشهر والاكثر انتشارا للسيارات فى مصر - The most famous site for cars in Egypt

3arabiti

اعرفى برضه رينج الاسعار بس خللى بالك بيبقى فيه تجار بتبيع عالنت

اسألى الميكانيكى بتاعك عن العربيات واسعارها بس بعد ماتكونى رسيتى على كذا عربية وبعد ماتدرسى اختياراتك كويس وتقتنعى بعربية او اتنين تتوكلى على الله وتاخدى الميكانيكى والسمكرى وتنزلوا تعاينوا العربية سواء من السوق او حد جايبهالك

بس من وجهة نظرى حاولى توصى حد معرفة يشوفلك عربية نضيفة ساعات بتقع عربيات لقطة ده لسه عربية سبارك متباعه فبريكة بره وجوا ومعملتش 20000 كم وموديل حديث ب 35 عشان ظروف سفر فلو حد عرف يوقعلك حاجه تبقى لقطة

وربنا يوفقك ان شاء الله

اقتباس:

---

اه صحيح افضل مكان بدور فيه فين ؟ سوق ولا عارض ولا من اشخاص عاديين ؟

---

بصى رايي انا انزلى السوق اللى بيتعمل الجمعة لفى السوق كله عشان تعرفى رينجات الاسعار وخدى المتوسط بس يومها اوعى تشترى طبعا هتلاقى ناس فى العالى اوى عامل حسابه انك هتفاصليه ولو مفاصيلتهوش اهو يبقى ضحك عليكى وناس عربياتهم سيئة واسعارهم قليلة وعربيات حالتها كويسه وسعرها كويس شوفى المتوسط بتاع الاسعار كام

دورى على النت فيه مواقع كويسه

الموقع الاشهر والاكثر انتشارا للسيارات فى مصر - The most famous site for cars in Egypt

3arabiti

اعرفى برضه رينج الاسعار بس خللى بالك بيبقى فيه تجار بتبيع عالنت

اسألى الميكانيكى بتاعك عن العربيات واسعارها بس بعد ماتكونى رسيتى على كذا عربية وبعد ماتدرسى اختياراتك كويس وتقتنعى بعربية او اتنين تتوكلى على الله وتاخدى الميكانيكى والسمكرى وتنزلوا تعاينوا العربية سواء من السوق او حد جايبهالك

بس من وجهة نظرى حاولى توصى حد معرفة يشوفلك عربية نضيفة ساعات بتقع عربيات لقطة ده لسه عربية سبارك متباعه فبريكة بره وجوا ومعملتش 20000 كم وموديل حديث ب 35 عشان ظروف سفر فلو حد عرف يوقعلك حاجه تبقى لقطة

وربنا يوفقك ان شاء الله

ممكن تجيب تويوتا 2010 بالمبلغ ده وفيها كل الامكانيات

اقتباس:

---

المشاركة الأصلية كتبت بواسطة gendi_52

ممكن تجيب تويوتا 2010 بالمبلغ ده وفيها كل الامكانيات

---

ده مين ده !!! مش فاهماك بصراحه

حطى عليهم 120 الف كمان واشترى رينو فلوينس بيقولو عليها حلوه

ههههههههههههههههههههههه ^_^


بصى حضرتك لو تعرفى تزودى عليهم 5....فيه واحد صاحبى معاه هوندا سيفيك 92 اوتوماتيك احمر مارلبورو والله العربيه انا مستخصرها فى التمن دا....مرشتش دواخل ولسه راشش خوارج بقالها سنه المكنه بتاعتها ستوك وهو محافظ عليها....

شوفى حضرتك ايه النظام وكدا ولو فيه نصيب ابعتيلي رساله خاصه هبعتلك رقمه تتفاهمى انتى معاه

30 الف
فيات تمبرا (بي ام الفيات بدون مبالغة) بس بالسعر ده هتكون 1400 مش 1600cc و2000cc و هتكون عايزة مصاريف للأسف
بونتو 94 بس هتصرفي عليها شوية
فيات اونو و هتكون حالتها جميلة لكن الأونو اللي في مصر basic بدون كماليت و البركة في المستوردين كانو بيجيبو اقل فئة بس بردو عربية قوية و ناعمة جدا و سريعة و مش متعبة خالص و ممكن يتجاب لها ازاز كهربا لأنها اصلا كانت بتنزل بيه و لوحة عدادات الأونو الSX ال1400 اللي فيها rpm و temprature gauge و كمبيوتر اعطال و شكرا علي كده

اقتباس:

---

بصى رايي انا انزلى السوق اللى بيتعمل الجمعة لفى السوق كله عشان تعرفى رينجات الاسعار وخدى المتوسط بس يومها اوعى تشترى طبعا هتلاقى ناس فى العالى اوى عامل حسابه انك هتفاصليه ولو مفاصيلتهوش اهو يبقى ضحك عليكى وناس عربياتهم سيئة واسعارهم قليلة وعربيات حالتها كويسه وسعرها كويس شوفى المتوسط بتاع الاسعار كام

دورى على النت فيه مواقع كويسه

الموقع الاشهر والاكثر انتشارا للسيارات فى مصر - the most famous site for cars in egypt

3arabiti

اعرفى برضه رينج الاسعار بس خللى بالك بيبقى فيه تجار بتبيع عالنت

اسألى الميكانيكى بتاعك عن العربيات واسعارها بس بعد ماتكونى رسيتى على كذا عربية وبعد ماتدرسى اختياراتك كويس وتقتنعى بعربية او اتنين تتوكلى على الله وتاخدى الميكانيكى والسمكرى وتنزلوا تعاينوا العربية سواء من السوق او حد جايبهالك

بس من وجهة نظرى حاولى توصى حد معرفة يشوفلك عربية نضيفة ساعات بتقع عربيات لقطة ده لسه عربية سبارك متباعه فبريكة بره وجوا ومعملتش 20000 كم وموديل حديث ب 35 عشان ظروف سفر فلو حد عرف يوقعلك حاجه تبقى لقطة

وربنا يوفقك ان شاء الله

---

جزاك الله كل خير
وانا برضة بتابع موقع كونتكت كار لمعرفة الاسعار

اقتباس:

---

30 الف
فيات تمبرا (بي ام الفيات بدون مبالغة) بس بالسعر ده هتكون 1400 مش 1600cc و2000cc و هتكون عايزة مصاريف للأسف
بونتو 94 بس هتصرفي عليها شوية
فيات اونو و هتكون حالتها جميلة لكن الأونو اللي في مصر basic بدون كماليت و البركة في المستوردين كانو بيجيبو اقل فئة بس بردو عربية قوية و ناعمة جدا و سريعة و مش متعبة خالص و ممكن يتجاب لها ازاز كهربا لأنها اصلا كانت بتنزل بيه و لوحة عدادات الأونو الsx ال1400 اللي فيها rpm و temprature gauge و كمبيوتر اعطال و شكرا علي كده

---

انا نصحونى ابعد عن الفيات خالص

ميرسى ع المعلومات

اقتباس:

---

المشاركة الأصلية كتبت بواسطة sossi

انا نصحونى ابعد عن الفيات خالص

ميرسى ع المعلومات

---

العفو عادي
بس كنت عايز اعرف على اي اساس نصحوكي تبعدي عن الفيات؟ و هل كانو من مالكي الفيات؟

بصراحة صعب انك تجمعى كل المميزات اللى انتى عايزاها فى عربية واحدة و بالسعر ده
بس انتى ممكن تتنازلى شويه عن الشكل فى سبيل عربية تكون حالتها كويسة و تريحك و لما يبقى معاك فلوس بعد فترة ممكن تغيرى .
اهم حاجة ان العربية بالنسبة للبنت تكون مريحة و مش متعبة و اعطالها قليلة و قطع غيارها موجودة و مش غالية
و انا ارشح لك بالنسبة لسعرك ده : سوزوكى سويفت سيدان و ده طبعا عشان اسباب كتير اهمها :
- عربية بتستحمل بدليل انها تاكسى
- قطع غيارها اليابانى منها رخيص جدا و ممكن تجبيها من أى سوبر ماركت
- واسعة من جوه و استهلاكها فى البنزين حلو جدا و عربية ناعمة
- اى ميكانيكى على قده هيعرف يصلحهالك
- ممكن تشتريها بالسعر ده و هى حالتها كويسة جدا
- بصراحة فيه ماركات انتى قولتيها معرفش انتى ازاى هتشتريها ب 30000 الف و لو جبتيها بالسعر ده هتكون متبهدلة و هتطلع عينك
- خللى بالك عشان انتى فى الاول و فى الاخر بنت و مش حمل مرواح كتير عند الصنايعية او تعطل بيكى لا قدر الله .
اهم حاجة بالنسبة ليكى حالة العربية و سيبك من اللون و الشكل و الطعم و الكلام ده .
و ربنا يوفقك

احسن حاجه فى السعر ده فيات اونو
الاكسيل و الاكسنت و الكليو غير ثابتين نهاااااااااااااائى
الشوما و البيجو و التريوس و الانوس والسينا مش بالسعر ده خالص

هو افضل حاجه ابيزا و اونو و فيات تيبو وكيا برايد

السعر مش متوافق مع اللي انتي طالباه