ميرسى على اهتمامك
عرض للطباعة
ميرسى على اهتمامك
ال 206 تكنولوجيا قديمة , زي 2003 مثلا , هو حضرتك فاكر إن الجن 2 تكنولوجيا احدث , ماعتقتش , لإن الجن 2 طالعة بره تقريبا في نفس الوقت وطول عمر التكنولوجيا الفرنساوي حتبقى احدث من الماليزي..... بس في الآخر أنا ممكن أكون معاك إنها مازالت قديمة ( وعلى فكرة مش لانها ايراني) ,بس لإن في موديل احدث نزل ......
أما موضوع الكوري , فـده كان محل نقاش طويل هنا في المنتدى , بقوا كويسين بس مازالوا نمرة 4 قبلهم الامريكاني وقبلهم الياباني وفوق في الاوروبي ....... وممكن نقعد نجيب الارقام ونشوف مبيعات الكوري في اوروبا وامريكا وحتلاقيهم برده نمرة 4 , ومازال الفرق بين الإتنين في التكنولوجيا فوق ال 6 سنين, من الآخر الكوري متجبوش إلى لو مزنوق في فلوس ومفيش اوروبي في نفس الفئة السعرية ..... ولو شفت أي موقع تقييم محترم حتلاقي الكوري دايما مايعديش 80 بالعافية , وطبعا مش حقولك على سوق زي الانجليزي أو الالماني أو حتى السوق الايطالي , ترتيبهم في المبيعات عامل إزّي , من الآخر مش حتلاقيهم شادين حيلهم إلا في امريكا ( ودي الفات العالية ) وبتنزل ايجار رخيص , أو اوروبا ساعة ازمة , ودول العالم التالت ومصرنا العزيزة ......
وبصراحة أنا مش فاهم إنت حكمت إن الجن 2 تشد أحسن من ال بونتو على أي أساس , ومتقولش على ال HP , لإن في حاجات كتير بتحكم مش بس ال HP .......منها ال gear box مثلا , الوزن , وغير ذلك كثير ....
وإنما من ناحية التابلوه والعربية من جوه ..... مفيش مقارنة أساسا .......روح اتفرج عليها وإنت تعرف اد ايه الفرق......
ونصيحة قديمة واحد علمهالي ....اللي مركبش اوروبي مركبش عربيات ....
Gen2
فيه موضوع فى قسم بيجو كنا بنتكلم فيه عن ال206 +
http://www.nilemotors.net/Nile/184941-206.html
انا كتبت كل اللى أعرفه عن ال206+ بصفتى كنت مالك ل206 موديل 2001
Proton Gen 2
حضرتك على فكرة فهمتني غلط خالص
لو دققت في كلامي هتلاقي اني قولت ان الايفو تكسب واكيد طبعا عارف تكسب ليه بس من الواضح ان حضرتك مركبتش جين2 قبل كدة علشان تعرف فرق الموتور
على فكرة مش معنى ان الايفو 1400 يبقى موتورها وحش بالعكس انا سوقت جراند بونتو وهيا هيا موتور الايفو واكيد عارف الفرق بين موتور الجين2 والجراند بونتو واحب اقول لحضرتك ان الفرق كبير وان الجراند مش بتاعت شد وجري
وبعدين هيا فين اصلا الطرق اللي تعرف تشد وتجري عليها
في حاجة اخيرة عايز اقولها ان في ناس بتفضل الراحة والخامات الحلوة على حساب قوة الموتور وده في الايفو وفي ناس تاني العكس والكلام طبعا على الجين2
اتمنى يكون صاحب الموضوع استفاد من كلامنا عن العربيتين
تحياتي ليك
في كلمة في الانجليزي اسمها adequate ودي معناها بتؤدي الغرض , وطبعا أنا عارف إن اغلبنا معندوش فلوس يدور على الرفاهية العليا وال أداء الفظيع , فـكلنا بندور على الحال الوسط اللي يدي أحسن الامكانيات وأحسن سعر .....
الأوروبي الأحسن لامه أحسن تكنولجي وأحسن أداء , وثبات و handling
والباقي ببساطة بينقل منه ,
وعلى العموم ده راي حضرتك , ومع احترامي الشديد , ده مش رأي الناس المتخصصة في العربيات ..... في تقيمات عالمية بتقول كده وممكن حضرتك تدور عليها ..... فيها شرح وافي ليه الاوروبي هو نمرة واحد من أول الفيات لل veyron
حرجع تاني اقولك مش بال HP بس , في عوامل كتير في موضوع الشد , وال فرق حتى لو موجود حتعرف إنه مش بالفزاعة اللي إنت شايفها دي , ال EVO اداها كويس جدا بالنسبة لحجمها , ومش بطة زي اللانوس .... وده عن سواقة للإتنين ....
,وحتى لو زي ماحضرتك بتقول الجين2 تتفوق في الشد , إنما تفشل في الخامات , الجودة , جودة قطع الغيار , وحتى عمر العربية نفسها , وال handling , ونص قطر الدوران , الشكل ده الذوق .....