مشكلة فى ال 128 (أعتقد الدينامو) رجاء المساعدة

عرض للطباعة

09-01-2011, 12:21 PM
gladiator

مشكلة فى ال 128 (أعتقد الدينامو) رجاء المساعدة

السلام عليكم و رحمة الله و بركاته

أخوانى الكرام فى هذا المنتدى المحترم

كنت راجع امبارح بالليل من اسكندرية و على الصحراوى العربية (128) عملت حاجة غريبة فجأة لقيت الكاسيت بيبطل و يشتغل تانى و لمبة البطارية بتنور و العربية بتبطل و ده حصل لما هديت بالعربية فا قفلت الكاسيت خالص و وقفت و حاولت ادور العربية تانى لاقتها مش راضية تدور , الحمد لله كنت واقف جنب بنزينة و اتنين ولاد حلال ادونى زقة و دارت بس لما شيلت رجلى من على البنزين وقفت تانى المهم زقناها زقة كمان و دارت و حاولت طول السكة انى مقفش وقوف تام و حتى عند المطبات اللى عند التحويلات اللة فى الصحراوى كنت بهدى و مقفش لأنى لما كنت بهدى بالعربية كانت بتبطل و اضطر انطر بيها عشان تشتغل تانى و هكذا طول السكة لحد ما وصلت الحمد لله.

انا بصراحة شاكك ان يكون ده عيب دينامو , يا ترى توقعى ده صح؟

منتظر رد حضراتكم و الحلول إذا امكن

شاكر و مقدر مقدما حسن تعاونكم

أخوكم
محمد
09-01-2011, 08:41 PM
samirayad

غالبا توقعاتك فى محلها

وفعلا

ملابسات الشكوى بتشير إلى خلل فى شحن الدينامو

غالبا حتحتاج كتاوت وشربون وسوست شربون
09-01-2011, 08:43 PM
Hazeeeeem

وانا كمان اعتقد ان كلامك صحيح وان الدينامو ماكانش بيشحن
10-01-2011, 12:51 PM
enayat

طيب ياجماعة انا نفس الموضوع حصل عندي امبارح ورحت للكهربائي قاس شحن الدينامو تمام بس قالي البطارية فيها ربع ضارب وعاوزة تتغير قلت له اجيب بطارية جافة قالي لا السائبة احسن مع العلم ان عربيتي 128 فانا بسال دلوقتي
1- ماهي الاسباب التي تؤدي الي تلف ربع في البطارية ؟ مع العلم اني مكنتش اعرف ان لازم اعملها صيانة دورية هيا عموما في العربية من سنة ونصف وانا كنت شارية العربية وهيا فيها مغيرتهاش
2- الاحسن فعلا اجيب بطارية سائلة ام جافة مع العلم ان حاليا مشاويري قليلة يعني ممكن اخرج بيها مرتين او تلاته في الاسبوع ؟
10-01-2011, 01:24 PM
samirsaid1

جرب ركب بطارية تانية وامشى بيها شوية وحاول تدور ةتبطل كذا مرة لو الامور تمام يبقى البطارية او خد لقطة من حد جنبك

ولو مكنش سبقى الشربون بتاع الدينامو خلص ودة ب 4 جنية تقريبا
10-01-2011, 03:18 PM
enayat

اقتباس:

المشاركة الأصلية كتبت بواسطة samirsaid1

جرب ركب بطارية تانية وامشى بيها شوية وحاول تدور ةتبطل كذا مرة لو الامور تمام يبقى البطارية او خد لقطة من حد جنبك

ولو مكنش سبقى الشربون بتاع الدينامو خلص ودة ب 4 جنية تقريبا

ههههههههههههههه اولا انا معرفش اعمل الي انت بتقول عليه ده ولا اعرف انت بتتكلم عن ايه اصلا انا الي اعرفه اني اسوق وبس بس انا رحت للميكانيكي والكهربائي قالوا ربع ضارب وانا حاولت ادور اكتر من مرة مفيش فايدة
10-01-2011, 03:48 PM
gladiator

اقتباس:

المشاركة الأصلية كتبت بواسطة samirayad

غالبا توقعاتك فى محلها

وفعلا

ملابسات الشكوى بتشير إلى خلل فى شحن الدينامو

غالبا حتحتاج كتاوت وشربون وسوست شربون

أشكرك لردك و اهتمامك

معاش ليا سؤال كمان, هو تغيير الحاجت دى احسن ولا الواحد يجيب دينامو جديد و خلاص؟ و هل الدينامو الجديد بيبقى غالى؟

بارك الله لك
10-01-2011, 03:50 PM
gladiator

اقتباس:

المشاركة الأصلية كتبت بواسطة hazeeeeem

وانا كمان اعتقد ان كلامك صحيح وان الدينامو ماكانش بيشحن

أشكرك لمشاركتك الكريمة

إن شاء الله حروح بكرة أو بعده لكهربائى عشان اشوف ايه الموضوع بالضبط

بارك الله لك