الموضوع: السيده Pajaj خالص تحياتي

المشاركة الأصلية كتبت بواسطة ELGASERCBR

بمعني ان هوندا بتنافس بيه البايكس الخفيف زي الباجاج وكمان الصيني كوسيله موصلات داخليه فقط مش بتنافس منتجاتها الي اثبتت بكل المقايس انها خارج المنافسه يعني ده منتج ليه منتفعين واما منتجنا احنا فهو في الاول والاخر هوايه مش هتتاثر ببايك خفيفي وضعيف زي ده والايام هتثبت انه هيبقي مجرد مرحله للمبتدئين ومرحله سريعه جدااااااااااااااا وده هيخلي سعره ينزل بسرعه ومش هيحتفظ بسعره مثلا زي cbr250

رأيك منطقي وليك كل الإحترام والتقدير وحاجه كمان عايز أوضحهالك إن مفيش حاجه هاتأثر على سوق الـ 250 والـ 400 نهائي وبالأخص في الفتره المقبله لأنهم إنعدموا والكلام ده أنا بقولهولك بثقه وبصفتي تاجر موتسيكلات من حوالي 7 سنوات وعشت مراحل إرتفاع اسعار البايك من البدايه للنهايه وبدايه لما كانت الـ 250 بـ 9000 جنيه إفراج جمركي ممشيش في مصر لحد النهارده لما وصل سعره 15500 و 16500 جنيه والـ 400 لما كان إفراج بـ 13000 و 14000 ودلوقتي أخر 400 عاده بعتها بـ 21000 وأخر 250 بعتها بـ 15650 ويمكن يكزن سزق الموتسيكلات العاليه بيتأثر زي الـ 900 و الـ 1000 والـ 600 لكن الوحشين 250 و 400 لا يمكن
ومع العلم إن المكن الصغير 250 و 400 مشاكلهم كتير والريس عموما مشاكله كتير
ومن واقع خبرتي في السوق المصري بأرشح لكل واحد عايز يركب يختار مابين إتنين Steed VLX أو CB400
لإنخفاض سعرهم وقوة تحملهم وبعد ما الـ 900 أثبتت فشلها بالنسبه للطبقه المتوسطه من الشعب وطبقا لجشع تجار قطع الغيار وإرتفاع مصاريفها والي مصمم يركب بايك CBR يركب علطول 400CBR ومايبدأش بـ 250
لأن الـ 250 في نظري خلاط مولينيكس وممكن تستعمله زي الكبه عشان تخرط بيه البصل أو تطحن شوية كمون
ولو قارنت الريسات في مصر مابين 250 و 400 و 600 و 900 و 1000 في فئة الـ CBR هتلاقي البايك العملي لمصر 100 ×100 هو الـ 400
شكرا على وقتكم ومتنسوش الي عايز يركب أحسنله يركب ستيد أو سي بي فورررر
ههههههههه
أخوكم
إبراهيم أسعد