طيب تفتكر حضرتك أجيب فردة جديدة من نفس النوع اللي الغربية نازلة بيه ولا أجيبها ياباني مثلاً أفضل ؟؟
عرض للطباعة
انا حصل معايا شبهك خبط بس الفردتين جابوا الارض والجنوط اتلوحوا كمان,
اول حاجة مينفعش الجنط يتعدل او غلط والجنط الحديد بيتباع تقريبا ب 150 جنية من اى بتاع جنوط شغال بيبتبقا معاة الجنوط الحديد طبعا لانة بيركب فى العربيات بدالها الجنوط السبور.
تانى حاجة الكوتش هتلاقى نفس النوع Barum فى السوق او عند واحد مشهور فى شارع سليم الاول فى الزيتون.
طبعا رنجات الكوتش هتلاقى كلها حوالى 390 جنية او 400 للفردة
حلوااااان:ops:
ربنا يكون في عونك المشوار ده هيبقى علقة.
بص السكة اللي اعرفها من حلوان هي انك تاخد كورنيش النيل لغاية لما تعدي كوبري الملك الصالح وبعد ما تنزل منه خليك في اليمين واسأل ازاي تخش شارع القصر العيني.
لما تدخله خليك ماشي فيه طوالي لغاية ميدان التحرير وبعدين كمل تاني كأنك رايح ناحية المتحف المصري.
كده كوبري اكتوبر هيبقى قدامك بعد حاجة بسيطة اوي وهتلاقي 3 مطالع يمين اوي وشمال اوي وفي مطلع بينهم تحس انه مستخبي كده وده اللي انت المفروض تطلعه(لو هتسأل تسأل على المطلع اللي يوديك مصر الجديدة).
لما تطلع الكوبري تخليك ماشي لغاية لما تعدي الحتة بتاعة الكوبري المعلق واول نزلة يمين بعديه تنزلها وتخليك ماشي علطول هتلاقي مترو الأنفاق على يمينك لغاية لما توصل لقصر القبة برضه تفضل مكمل جنب سور المترو لغاية لما تلاق كوبري في وشك ما تطلعوش وخليك من جنبه وتفضل برضه ماشي علطول هتدخل شارع اسمه ترعة الجبل والشارع ده تاخده للآخر وبعد كده تسأل ازاي اوصل محطة مترو المطرية.
طبعا الطريق طويل جدا وهيبقى زحمة اوي لو فكرت تروحه بالليل والافضل انك تروحه الساعة 10 الصبح مثلا وممكن برضه يبقى في طريق افضل لكن انا ماعرفش فياريت لو فيه حد يعرف يقول.
برضه خلي بالك فيه حته في الكورنيش قبل كوبري الملك الصالح هتلاقي نفسك مضطر تمشي فيها يمين اجباري مش هينفع تكمل علطول هتمشي مع الخط الأحمر زي الصورة (للأمانة مش متأكد اذا كانت الحته دي عكسي ولا لأ)وبعد حاجة بسيطة هتلاقي سبعة تدخل الشمال علشان ترجع على الكورنيش تاني.
http://img42.imageshack.us/img42/9198/31893096.jpg
Uploaded with ImageShack.us