السلام عليكم يابيجوهاتية

عندى استفسار بخصوص الاضاءة الامامية للعربية :

بروح للكهربائى يفك وش الفوانيس ويغسلها ويظبطها وكلة تمام والنور 100 % عالى وواطى واللى قدامى لازم يشتم .. ساعتها بتاكد بان النور مظبوط .. المهم انا كنت مركب لمبات تنجوزرام او توزرام حاجة كدة وكان مقاسها 260/200 وكانت ممتازة .. لكنى لاحظت ان دايما وبالكتير كل شهر ونص او شهرين اللمبة تفصل . اروح للكهربائى ومتوقع انى حغير اللمبة .. يفرحنى ويقولى لا دى الفيشة سايحة .. اقول تمام .. ونغير الفيشة بكلام فاضى 2 جنيه 3 جنيه انضف فيشة ب5 جنيه .. ونعيد نفس الكلام كل شهر ونص او شهرين ..

لحد ما الكهربائى قالى ايه دا .. انت جايب لمبات 260/200 لا دى تسيح الفيشة (تقريبا ماكانش بياخد بالة قبل كدة ) قالى ركب لمبات 200/150 تقريبا وقالى دى ليها نفس قوة وشدة الاضاءة (بس انا مش مقتنع ) وهى فعلا اقل شوية لكن مش كتير

السوال بقى ؟ طيب لما ال 260/200 بتسيح الفيش طيب عملوها ليه - وهل فى فيش تستحمل ولا لا

مع العلم انى مركب كتاوت والعوامل المساعدة لاضاءة قوية موجودة

وشكرا لكم