سؤال عن مواتير الفيات !! "لمن يفهم في المواتير :))) "

بسم الله الرحمن الرحيم

السلام عليكم ورحمة الله وبركاته

أخواني ،، أنا بسأل عن موتور فيات ،، يكون الهورس باور بتاعته عالية !! :11:

و في نفس الوقت يكون أنجيكشان و سهل أجيبه في مصر عشان أسقطه في عربية

أيه أقتراحات عتاولة قسم الفيات و يرشحلوي أيه من المحركات اللي شركة فيات عملتها و موجودة في مصر و ليها هورس باور عالي ؟!!! :colsmil:

اللي مخليني مهتم أوي و متمسك بالموتور الفيات حاجتين

أولاً . اني بحب الفيات :F_eyeb1[1]:

ثانياً . عملية تسقيط المكنة دي حتكون على عربية شاهين ، و الشاهين مكنتها فيات !! :E_braces[1]:



و لكم أن تتخيلوا البقية !!

موضوع تسقيط المكنة يخص عضو هنا و أخ لينا في المنتدى ...

أيه يا شباب ،، للدرجادي الرد صعب !! :))))

الأحسن بلاش

أخص يا يوكو ..! و انا اللي كنت مستني مشاركتك !! :))))))



طيب بلاش ليه ،، قصدي من حيث أيه ؟!! يعني من حيث التدوير مش حنلاقي ،، و ل من حيث التناسق مش حينفع !! ولا من حيث التعب اللي حنتعبه :]

1) لازم موتور خلفي
2) الدفرنس مش هينفعك مع الموتور الكبير هيتبهدل
3) الثبات هيبقى في الضياع بسبب الدفرنس هيحصل over steering بغباء مش هتللم
4) الفرامل مهما عملت مش هتوقف العربيه إلا لو صرفت عليها على الأقل 5 الاف جنيه لوحدها
5) الله أعلم الشاسيه ممكن يعمل إيه

اممم....

أفادكم الله !!

عامةً أنا حالياً بسأل ناس أعرفهم من النت عندهم عربياتهم شاهين و معدلينها جاامد

المشكلة ،، أنهم مش بيفهمو أنجليزي كويسسسسسس :(((((((


طههههأووني !! كل مقولهم حاجة ،، يقولوي أأأه ثانك يو !!

أقولهم نفس الحاجة تاني ،، يقولولي ،، سوري ،، كانت أندر ستاند !!

طيب أعمل أيه !! :(((

أنا قصدي أعمل أيه معاهم !

اما لموضوع العربية ،، مش حيأس ،، حفضل أنخوور ،، أنخووور ،، لحد مجيبها !! :))))

مافيش قدامك غير حلين!
موتور 132 2000 سى سى توين كام بكربراتير 2 باب+بنزين 92+بوجيهات 3شمعة+فلتر سبور_دة هاياكل أتخن عربية فيكى يامصر_وهايخلى فيرنا تقول انا توكتوك_الحل الآخر_إنك ترخص 3سنين الأول_وبعدين تسقط موتور بى إم دبليو إى ثرتى 2500 سى سى_أو أى موتور بى إم يعجبك_بس هاتعدل فى قواعد الموتور شوية_وابقى غير التابلوة بالضفيرة بالمرة_شوف إنت بقى دماغك أيه

اقتباس:

---

المشاركة الأصلية كتبت بواسطة smsm_nabawy

اممم....

أفادكم الله !!

عامةً أنا حالياً بسأل ناس أعرفهم من النت عندهم عربياتهم شاهين و معدلينها جاامد

المشكلة ،، أنهم مش بيفهمو أنجليزي كويسسسسسس :(((((((


طههههأووني !! كل مقولهم حاجة ،، يقولوي أأأه ثانك يو !!

أقولهم نفس الحاجة تاني ،، يقولولي ،، سوري ،، كانت أندر ستاند !!

طيب أعمل أيه !! :(((

---

اكيد اتراك؟! :)

اقتباس:

---

المشاركة الأصلية كتبت بواسطة i_Am_Legend

مافيش قدامك غير حلين!
موتور 132 2000 سى سى توين كام بكربراتير 2 باب+بنزين 92+بوجيهات 3شمعة+فلتر سبور_دة هاياكل أتخن عربية فيكى يامصر_وهايخلى فيرنا تقول انا توكتوك_الحل الآخر_إنك ترخص 3سنين الأول_وبعدين تسقط موتور بى إم دبليو إى ثرتى 2500 سى سى_أو أى موتور بى إم يعجبك_بس هاتعدل فى قواعد الموتور شوية_وابقى غير التابلوة بالضفيرة بالمرة_شوف إنت بقى دماغك أيه

---

طيب تمام ،، انا لسة قافل مع واحد صاحبي ،، معاه شاهين 1600 جديدة ،،

المهم هو قالي انه ليه واحد صاحبه معاه شاهين ،، مسقطلها موتور 2000 ،، و مغير الديفرينس الخلفي بواحد بتاع بي أم القديمة دي ...

و مش فاكر رقمها ،، هو قاللي انها كبالن خلفي ،، عشان كده أتضطر يعدل فيها و عدل في العفشة و عمل سبعات في تمانيات ،، و أو عمل مقصات ،، و الله مش ففااكر !!
أنا عامةً مدققتش في كلامه ،، لأني عندي أمتحان بكرة ،، و دماغي سايحة ،،، ادعولي الله يكرمكم

اقتباس:

---

المشاركة الأصلية كتبت بواسطة prince93

اكيد اتراك؟! :)

---

أييييييوونن أتراك فعلاً ،،

آخرت مزهقت من اللي كنت باعتله الرسالة !! قلتله فيما معناه "شكراً ،، أنا حتعلم تركي و أبقى أكلمك...!!"

:POINTIy2[2]::POINTIy2[2]::POINTIy2[2]:

اقتباس:

---

المشاركة الأصلية كتبت بواسطة smsm_nabawy

طيب تمام ،، انا لسة قافل مع واحد صاحبي ،، معاه شاهين 1600 جديدة ،،

المهم هو قالي انه ليه واحد صاحبه معاه شاهين ،، مسقطلها موتور 2000 ،، و مغير الديفرينس الخلفي بواحد بتاع بي أم القديمة دي ...

و مش فاكر رقمها ،، هو قاللي انها كبالن خلفي ،، عشان كده أتضطر يعدل فيها و عدل في العفشة و عمل سبعات في تمانيات ،، و أو عمل مقصات ،، و الله مش ففااكر !!
أنا عامةً مدققتش في كلامه ،، لأني عندي أمتحان بكرة ،، و دماغي سايحة ،،، ادعولي الله يكرمكم




أييييييوونن أتراك فعلاً ،،

آخرت مزهقت من اللي كنت باعتله الرسالة !! قلتله فيما معناه "شكراً ،، أنا حتعلم تركي و أبقى أكلمك...!!"

:POINTIy2[2]::POINTIy2[2]::POINTIy2[2]:

---

ما لو اتراك مفيش حل غير انك تكلمهم بالتركى لأن هم اغلبيتهم مش بيتعلموا انجليزى ..
فالحل انك ممكن تستخدم google translate و ممكن يفهموا منك شوية.. يعنى حيبقى احسن من دلوقتى
هو جوجل بردو مش زى كلام البنى ادمين الطبيعى بس حيقدروا يفهموك ان شاء الله

prince...you really are a prince...may Allah bless you... gr8 idea B.T.W ,, maan u rock !! thnx

;) :B4_007:

شكرا شكرا.. مش عايز تصفيق xD
المهم يفهموك بس و ميحصلش سوء فهم فى حاجة لحسن الحاجات دى خطر يحصل فيها سوء فهم :)

..................................


يمنع الكتابه بالفرانكو
مشرف 14ب

http://www.nilemotors.net/Nile/106594-132.html

اقتباس:

---

المشاركة الأصلية كتبت بواسطة prince93

شكرا شكرا.. مش عايز تصفيق xd
المهم يفهموك بس و ميحصلش سوء فهم فى حاجة لحسن الحاجات دى خطر يحصل فيها سوء فهم :)

---

هههههههه

والله عندك حق ، يا خووفي :)))

ايه اخبار الامتحان ؟ :)

للأسف ،، كان صعب شوية خاصةً جزء ال vectors

هبلت فيه اوي ،, أكتشفت بعد كده ان التصحيحي أميريكان ،، عشان كده شكلي الي حليته حلو في التفاضل و ال la place

حاخد أدده ماينس في الفيكتورز !!

يلا كله على الله !!


و ألف ألللللللف شكر لسؤالك يا برنس :)))

ربنا يستر و يسهل :)

upppppppppppp

انت لو عرفت تجيب موتور 131 ابارث تبقى عديت وهتلاقى الاداء اللى انت عايزه واكتر
هو 2400 سى سى ديزيل مش فاكر كان 200 حصان تقريبا
انزل نزله لبورسعيد و ممكن تلاقيه باذن الله

فيه ماتور 131 انجيكشان 2000 اتنين كامه و فيه تيربو بتاع ال 131 الرييس
الماتور دا فاجر
بس هيحتاج تظبيط الفرامل و العفشه

عامه كقاعده عامه لتسقيط موتور اكبر من الاستوك هتحتاج تغير شويه حاجات اساسى زى مثلا لازم تجيب شداد اللى بيبقى ماسك الموتور من فوق وبيبقى ماسك من بدايات المساعدين اللى فى الحوض
تانى حاجه لازم تغير الفرامل بتاعت العربيه ولازم تغير العفشه بالكامل بعفشه مناسبه للموتور الجديد
تالت حاجه هتغير جزء من ضفيره الكهربه بس مش متاكد انهى جزء بالظبط
رابعا قبل ما تختار موتور لازم تتاكد انو يناسب العربيه لانك ممكن تختار موتو يبهدل العربيه و يفتح فى الحوض ومش بعيد تلاقيه بيجرى و يسيبك لان العربيه بتبقى مصممه بحيث تناسب الموتور الاستوك او بحد اقصى المواتير اللى نزلت للعربيه
خامسا ملحوظه صغيره الموتور الابارث افجر موتور نزل لل131 و افجر موتور ممكن يتسقط للشاهين وعن تجربه فى ال131

شوف الشاهين بتعمل اية فى الجولف 6
بس دى شاهبن متربنة وفعلا العربية قطعت الجولف بس برضوة كلام يوكو صح

YouTube - Videos for 06 TU 987 VS GOLF.mp4