جالي قط هديه

**zago** · 09-01-2011 04:39 PM

السلام عليكم واحده صاحبه والدتي جابتلي قط هديه
وانا معنديش اي معلومه عن القطط غير انها بتشرب لبن وتاكل سمك وتجري ورا جيري
القط لسه جايلي من كام ساعه وعمال يلعب واخر روقان وبقينا صحاب وحبايب
انا شربته لبن وحطيتله مياه وشويه رمل في طشت بلاستيك في الحمام
عايز اعرف اعمل فيه ايه تاني وبياكل ايه وكل قد ايه وبينام امتى وفين وبتطعم ولا لا وفين الدكتور بتاعه ...الخ الخ الخ

اللي عنده اي معلومه ولو بسيطه لو سمحتم يقولي

وعايز حاجتين كمان بالتحديد

1 عايز اسميه اسم كويس ...تقترحو عليا ايه ؟

2 عايز طريقه انزله بيها من على المكتب وميطلعش تاني

**wassim_nasser** · 09-01-2011 05:10 PM

اولا مبروك ع القط وثانيا انا مافهمش أوى ف اكله بس بقولك اوعى تصدق افلام الكارتون ومجلات ميكي لأن القطط عندها حساسية من السمك ومن غير ماتوجع قلبك هاتلاقي منتديات كتير ومواقع كتير للعناية بالقطط بس اعمل بحث ف جوجل .. خلينا نتكلم عن الاسم .. انا عن نفسى كنت هاسميه فتحى أو حنفى بس بما انك عايز اسم رايق سميه مشمش ولو ليك ف الاجنبى سميه fire ودول حبه اسامي نقى منهم توتو ؛ لبلب ؛ دقدق ؛ شلضم ؛ شلاطة ؛ شكشك ؛ بوتى ؛ دنجل ؛ سمسم

**human** · 09-01-2011 05:32 PM

اول حاجه اوعى تشربه لبن
اسلم حاجه دراى فود
هو بيطلع على المكتب عشان يلعب معاك
القط رخيص لو مش عاجبك او عاملك مشاكل بلاش منه عشان هيكلفك على الفاضى
اشترى رمله من ابو 5 اكياس ب 20 جينيه و حطله على اد اليوم و غير الرمله كل يوم

**tamertamer** · 09-01-2011 05:34 PM

نانو اسم حلو
وبصراحة انا بربى كلاب وبغبغنات فقط لاكن قطط لا cat no
على العموم مبروك عليك وتتربا فى عزك بس اهم حاجة نضافة الحيوان عشان الامراض وميكلش حلويات الا قليلا