الموضوع: تعبت بجد ومش عارف اعمل اية

المشاركة الأصلية كتبت بواسطة hagan

اخي الكريم
بداية الكلام ان موضوعك من اهم المواضيع ازاي بتقول انه يمكن مش مهم و انا لا اجري عموما لا قبل الحادثة و لا بعدها
طبعا الكلام واضح
فأنا و الحمد لله كنت اعمل في هيئة حكومية و كان معي سائق من هذا النوع بتاع (( يا هندسة طول مانا حافظ الطريق ماتخفش ابدا انما المشكلة عندي في الطريق الجديد عليا و اول ما ادوسه اوعي و شك ))
المهم قدر الله ان نذهب لعملية في دمياط و هذا السائق من سكان هذا الطريق اصلا و حدث قضاء الله و لبسنا في مقطورة و انا نمت علي ظهري عام كامل و خرجت و الحمد لله بمسمار نخاعي في الرجل طوله 40 سم عافاك الله و هو ربنا يكرمه و يخفف عنه خرج منها بكسر في الحوض و تشوهات في الوجه من الزجاج الامامي و شوية شروخ في الذراع و الرجل
و لما تيجي تسأل ليه الحادث وقع لا تعلم هل هو المخطئ اشهد انه لم يكن مخطئ (( الا انه المخطئ لانه كان بيجري )) و يتحمل كل شئ مع المخطئ
ربنا يكرمك و يجب ان تكون فطن و تستمع لنا و تعتبر ان تجاربنا التي اثرت علينا و مر بها الاعضاء تكفيك للنصح و مش لازم تجرب النومة بعد الشر عنك علشان تؤمن بالذي نقوله لك

م.حاتم السباعي

ونعم بالله
القدر دة محتوم ومحدش متوقعة ابدا فينا واللى مكتوبلنا هيحصلنا
بس ولا ترموا ايديكم فى التهلكة
يعنى توكل على الله ثم دع ربك يحرصك

المشاركة الأصلية كتبت بواسطة nonetta

ربنا يسترها معاك يا ميدو
بجد خلي بالك من نفسك
وربنا يهدينا جميعا يا رب

يارب استرها معانا كلنا

وبجد انا فكرت فى حاجة كدة ممكن تكون عقاب ولا بلاش كلمة عقاب نقول معرفة فضل النعمة على الواحد
ان اترك العربيات وعدم ركوبتهم خلال اسبوع كامل
وركوب المواصلات العاملة لمعرفة ان ارواح الناس غالية اوى

المشاركة الأصلية كتبت بواسطة medo_sirion

والله صح بجد عندك حق
انا لما بسمع قران بمشى حلو اوى اوى كمان وهادى

ولما بسمع اغانى مش عارف اية اللى بيحصل
اكنى بسابق مع الاغنية
يارب الهدايا من عندك

هو ده السبب الحقيقى اللى بيخليك تنسى نفسك .... الموسيقى بتغير المود وبتهيج الأعصاب بطريقة غريبة
أنا اكتشفت المشكلة دى وأنا باسوق ... بقيت أقفل الموسيقى أو أغيرها على طول بحاجة تانية