تعبت بجد ومش عارف اعمل اية

**medo_sirion** · 09-01-2011 06:12 PM

السلام عليكم

اخوتى فى الله كل عام وانتم بخير
كنت محتاج منكم نصيحة او ماشورة بسبب مشكلة تواجهنى وهية بالنسبالى مش مشكلة عدية لا دية طلعت كبيرة وعواقبها وحشة جدا فبجد متبخلوش عنى بالنصيحة

والمشكلة هية السرعة ايوة السرعة كل مبقول هبطل اجرى على الطرق دية تانى فمش عارف بيحصلى اية ولا اكن كنت بقول حاجة
انا بحب السواقة السريعة بس مش متهور يعنى مش بجرى وانا وحظى
بس للاسف مافيش طريق نظيف ولا مكان الواحد يقدر يجرى او يسوق سواقة رياضية
والمصيبة ان الناس ماشية مش عارفة بتعمل اية اللى بيمشى لمين واللى ماشى شمال واللى ماشى على 20 ك
بجد حرررررررررررام اوى كدة

انا عايز بس اعرف اعمل اية وتنصحونى باية علشان مبشيش بسرعة وابطل السواقة الرياضية
انا عارف موضوع مش مهم ولا هوة مفيد
بس بجد انا تعبت ونفسى ابطل

**MISS_MONA** · 09-01-2011 06:56 PM

لازم تعود نفسك تقلل السرعة لحد لما تلاقى نفسك كدة الطبيعى بتاعك
اصل دة زى الادمان لازم شوية بشوية لحد لما تتعود وربنا يعينك

**nonetta** · 09-01-2011 06:59 PM

المشكلة كمان انك ممكن تقتل نفسك او تصاب مدى الحياة
طيب ليه السرعة
فكر كدة ..بتستفيد ايه لما بتسوق بسرعة
فكر كمان انك ممكن تسبب أذي لنفسك وللي حواليك
كل واحد بيسوق بسرعة بيفتكر انه احسن سواق في العالم
وهي بس لحظة
فرق بين الموت والحياة
وافتكر ان بطل العالم في سباق السيارات مات في حادثة سيارة عادية مش في سباق كمان
اعتقد ان دة انتحار
وربنا عز وجل قال في كتابه " ولا تلقوا بأيديكم الى التهلكة "
انت كدة بتغامر بعمرك وبعمر غيرك
اكيد وانت سايق بتسمع موسيقى صاخبة
لو سمعت ايات الذكر الحكيم وانت سايق
يمكن الموضوع يختلف
ويديك هدوء نفسي
وربنا يستر طريقك ويحفظك ويهديك الى سبيل الرشاد

**medo_sirion** · 09-01-2011 07:00 PM

المشاركة الأصلية كتبت بواسطة زينة الله

اقرأ الحواث كل يوم و أنت تعرف السرعة الجنونية بتعمل إية فى فى صاحبها و فى خلق الله و أنت و ضميرك بقى

محكمة : حبس"طالب الدائري" 4 سنوات بتهمة قتل 12 واصابة آخرين

الجيزة:- قررت محكمة جنح الوراق حبس طالب الجامعة الامريكية المعروف بـ" طالب الدائرى" 4 سنوات مع الشغل والنفاذ بتهمة مقتل 12 شخصًا واصابة 5 آخرين على الطريق الدائري بعد اصطدامه بالضحايا عن طريق الخطأ نتيجة السرعة الجنونية التى قاد بها سيارته.
تم إحاله الدعاوى المدنية للمحاكم المدنية المختصة.
وترجع القضية إلى شهر أكتوبر الاول 2010، عندما اصطدم الطالب المتهم بسيارته بالمجني عليهم أثناء وقوقفهم أعلى الطريق الدائري، وأسفر الحادث عن مصرع 12 شخصًا وإصابة 5 أخرين، وتمت إحالته إلى محاكمة جنائية عاجلة.

واستمرت وقائع محاكمته أكثر من 6 جلسات، شهدت خلالها تصالح المتهم مع 16 أسرة من المجني عليهم، ودفع مبالغ مالية علي سبيل التعويض لهم عدا أسرة واحدة، بحسب بوابة الاهرام السبت.

الشر برة وبعيد
بجد حرام اللى قريتة دة

لا انا مش بتاع جرى واجرى وانا وحظى وكدة
بس للاسف اخطاء الاخرين بتخليكى تخلطى وربنا يبعد الشر بعيد
ومن اخطار الحوادث

المشاركة الأصلية كتبت بواسطة miss_mona

لازم تعود نفسك تقلل السرعة لحد لما تلاقى نفسك كدة الطبيعى بتاعك
اصل دة زى الادمان لازم شوية بشوية لحد لما تتعود وربنا يعينك

المشكلة مش تعود
المشكلة مبدى وانت نازل تركب العربية

المشاركة الأصلية كتبت بواسطة nonetta

المشكلة كمان انه ممكن يقتل نفسه او يصاب بعجز مدى الحياة
طيب ليه بس السرعة
بتستفيد ايه لما بتسوق بسرعة و تسبب أذي لنفسك وللي حواليك
كل واحد بيسوق بسرعة بيفتكر انه احسن سواق في العالم
وافتكر ان بطل العالم في سباق السيارات مات في حادثة عربية عادية مش في سباق كمان
اعتقد ان دة انتحار
وربنا عز وجل قال في كتابه " ولا تلقوا بأيديكم الى التهلكة "
لان انت كدة بتغامر بعمرك وبعمر غيرك
اكيد وانت سايق بتسمع موسيقى صاخبة
لو سمعت ايات الذكر الحكيم وانت سايق
يمكن الموضوع يختلف
ويديك هدوء نفسي
وربنا يستر طريقك ويحفظك ويهديك الى سبيل الرشاد

والله صح بجد عندك حق
انا لما بسمع قران بمشى حلو اوى اوى كمان وهادى

ولما بسمع اغانى مش عارف اية اللى بيحصل
اكنى بسابق مع الاغنية
يارب الهدايا من عندك

**nonetta** · 09-01-2011 07:10 PM

المشاركة الأصلية كتبت بواسطة medo_sirion

والله صح بجد عندك حق
انا لما بسمع قران بمشى حلو اوى اوى كمان وهادى

ولما بسمع اغانى مش عارف اية اللى بيحصل
اكنى بسابق مع الاغنية
يارب الهدايا من عندك

الشيطان فعلا هوة اللي بيدفعك لكدة
بص
لما تكون سايق في الزحام في وسط المدينة اسمع يا سيدي الاغاني اللي انت عاوزها
مع ان الواحد بيتمنى انه يقلع عن سماعها نهائيا
ولما تسوق في طريق مفتوح بيساعد على الجري
اسمع قرآن او اي شيخ من الشيوخ اللي تفضل سماعها زي الشعراوي او محمد حسان
وطالما انت حاسس ان دي مشكلة يبقى علاجك لنفسك هيبقى اسهل بكتير

**Eng.Geo** · 09-01-2011 08:00 PM

هقولك علي حاجة بسيطة قوييييييي
انا وصحابي بشهادة ناس كتير الحمد لله ... بنسوق بمهارة
بنجري
غرز .... لو قعدنا نحسبها ما هتطلع زي ما ساعتها بنظبطها
مفيش حاجة أسمها غلطة تحصل
في غرز بناخدها علي 180
بنبقي ممكن بال8 عربيات مع بعض وفي طريق سفر
واحد ممنا بيفتح غرزة ويعدي التانيين قدامه
الغلطة بخسارة كبيرة جدااااااا
مفيش حد فكر انه ممكن يغلط ... زي ما تقول من كتره أتعودنا
حاجات محفوظة والحمد لله فاهمين بعض
بس الحقيقة وقفت الموضوع ده
بس للأسف غصب عني
كلنا وقفناه
ليه ؟
أقرا الموضوع في توقيعي
عايز أقولك اني خلاص كرهت كل حاجة من بعد ده
كرهت كلللللللل حاجة
الحمد لله كل واحد عارف قدراته كويس
بس أحنا بشر .. هنغلط هنغلط
بس غلطة عن غلطة تفرق
غلطتنا كانت للأسف أوحش وأكتر حاجة كنت أتخيلها
خسرت كتييييييير
معملتش حاجة بالجري ولا الغرز
اللي حصل معايا أثاره لسة عليا وعلي ناس كتير مش هتروح
ربنا يستر طريقك
خد بالك

**medo_sirion** · 09-01-2011 08:06 PM

المشاركة الأصلية كتبت بواسطة زينة الله

حتىلو أنت سواق شاطر خلى بالك مع السرعة الزايدة ماتقدرش تتفادى خطأ الغير

واحد داخل من تفريعة أو عيل بيجرى فجأة قدام العربية

أو لو حصل حاجة غلط فى العربية ... عجلة فرقعت .. فرامل راحت .. وهكذا .. لا قدر الله

لأزم تخلى الحاجات دى فى بالك عشان تفكر ألف مرة قبل ما تتسرع

عندك حق والله
سعتها مش هتيجى تقول هوة اللى غلطان

-

-

الموضوع: تعبت بجد ومش عارف اعمل اية

LinkBack

أدوات الموضوع

عرض

تعبت بجد ومش عارف اعمل اية - انشر الموضوع فى :

-

-

-

المواضيع المتشابهه

الحقيقة انا تعبت ومش عارف اشتري عربية مستعمله .... ممكن مساعدة

انا تعبت ولا عارف اودي العربيات دي فين ولا اصرف الفلوس الي كسبتها

الحقونى: انا تعبت من التوكيل ومش عارف اعمل

ساعدونى انا تعبت بجد مش عارف اخد قرار !!

انا تعبت وزهقت من حاجة اسمها ترصيص اعمل اية؟

الكلمات الدلالية لهذا الموضوع

المفضلات

المفضلات

ضوابط المشاركة