الموضوع: بدون تجريح و بموضوعية شديدة

المشاركة الأصلية كتبت بواسطة زينة الله

موضوع حلو يا بشمهندس و ربنا يستر و يبقى على الوتيرة الهادئة لأخرة إن شاء الله
الله يكرمك اختنا الفاضلة و ان شاء الله اني اثق في حكمة الاعضاء بأننا نريد ان نصل للقلوب و العقول عل وعسي يفهم كل طرف بهدوء وجهة نظر الاخر

بصراحة أنا عن نفسى شايفة سبب تفاقم المشاكل الحساسة زى المشكلة دى هو عدم تعامل المسئولين بنية طيبة

يعنى كله نظام مسكنات و طبطبة من غير حل جذرى للمشكلة و ساعات بيقولوا تصريحات هما أساسا مش مقتنعين بها

و لكن للأستهلاك الاعلامى فقط لاغير و للتهدئة ثم اللى فات مات و متفتحش فى المواضيع و الملفات المقفولة

زى بالضبط اللى بيجى على دمل بدل ما ينضف و يطهر .. لأ بيغطى عليه و يسيبه لما يعمل غرغرينه لا قدر الله و المشكلة تتفاقم
اشيد بكلام حضرتك و من هنا دعوه لنا جميعا لكل عضو حينما يمسك منا اي مركز فعليه ان يتقي الله و الا يكن امعه و ان يرضي الله اولا لا ان يرضي الكرسي او من وضعه عليه
و لي تجربة بسيطة لشخص اعرفة و كان خارج الحكومة و من فترة مسك منصب مهم اوي في البلد و الله قبل ذلك كان بيشتم في الكل ثم حينما تولي المنصب او حاجة انضم للحزب ثم دخل مجلش الشعب عن دائرتة في الصعيد التي لم يكن يزورها ولا يعلم عنها شئ انما ترشح وطني و طبعا اكتسح هكذا هو المنصب في بلدنا لا فرق بين مسلم و مسيحي اهم شئ المعدن

اعتقد إننا لازم نبقى صرحاء مع انفسنا أولا حتى نعرف نتصارح مع الغير و نتفق معاه

لكن نظام ريح الزبون و خده على قده و بعد كدا يرجع أخوك عند أبوك دا نظام ضحك على الدقون و شغل أرجوزات للاسف

و على فكرة نفس الاسلوب يتبع فى كل القضايا و المشاكل و ليست فقط هذه المشكلة ... و لو عجبكوا الكلام نكمل
ان شاء الله نتفق مع حضرتك و الكلام بيعجب طبعا
بإذن الله

و نرجو مشاركة الزملاء المسيحيين الذين من اجلهم فتحنا حوارنا علي بركة الله

م.حاتم السباعي

المشاركة الأصلية كتبت بواسطة mrwho1982

بصو هو انا مش عارف اكتب ايه بس تابع موضوع السودان واللي هيحصل فيه

الموضوع ده معكنن عليا جداا

وبقيت افكر جديا في موضوع الهجرة والخروج من البلد دي مع اني والله بحبها بس انا وصلت النهاردة لدرجة اني قلت لمراتي: احنا ايه اللي خلانا نخلف

جات حطت ايديها علي فمي وقالتلي استغفر ربنا امال انت وديت ربنا فين
ومن ساعتها والله قاعد مضايق جداااا

و الله ان ما كتبته حضرتك جعلني ابكي
اولا ربنا يفرج همك و يفك كربك
ثانيا المدام عندها الف حق يجب ان تحمد الله علي الذرية و ان شاء الله انت عليك التوجيه و التعليم الديني السليم و الدنيوي ايضا و الله عليه كل شئ بعد ذلك
فنحن لا نعلم مش يمكن لو كل واحد فينا ربي ابنائه علي الدين السليم يكون لهم مخرج من هذه الحياه الفاسدة و هذا الزمن الغابر حينما ربي الصحابه الاوائل ابنائهم علي الدين الحق و تعاليم الرسول الكريم ساد هؤلاء الابناء العالم اجمع من المحيط الي الخليج و الي بلاد ما وراء الشمس زي ما بيقال و حكمو الدنيا بالعدل الذي نفتقده
اما عن الموضوع فأني اشهد الله اني اتوسل اليه ان يحمي بلدنا و سائر بلاد المسلمين امين امين بمن فيها من كل الملل و الاطياف لان ديننا دين سلام و موده و تراحم

م.حاتم السباعي

المشاركة الأصلية كتبت بواسطة eng.geo

للأسف ناس كتير بتعمم وتسميه أضطهاد
عن نفسي
مش حاسس بأي نوع من كدة
بروح كليتي الصبح
أصحابي كتير والحمد لله
بقضي اليوم بالكامل مع أصحابي
مبحسش بأي فروق أبدااااااا
ممكن ناكل مع بعض
نعمل كل حاجة مع بعض
ولا مرة حد فضل حد علي التاني
مش من الكلية بس
المنطقة اللي فيها كل اللي فيها أصحابي جدا
بخلاف دور العبادة ... ده مش معتبرها أضطهاد .. بس مش فاهم فيها أيه
غير كدة مفيش حاجة
ربنا يديم المحبة

و انا بحييك يا هندسة
و كان هذا حال اغلب الطلاب مع زملائهم معرفش بقي بعد التخرج بيبقي الواحد مسئول عن اسرة و مسئولية فبتصبح نظرتة للامور بها عصبية شوية كان في الاول والديه هما اللي كانو بيشلوها و لكن بعد التخرج بيلاقي الشباب سواء مسلمين او مسيحيين بيجدو انفسهم في مهب الريح السن و الارتباط و الزواج و الشقة و العمل ابو عقد و مفيش تثبيت و لا السفر و لا الهجرة
ولا الهم اللي في غلاء المعيشة فههههههههههههههب
يصبح اللي كان عادي بقدرة قادر يبقي مش عادي
و اللي حضرتك كنت علي طول معاهم و لا يفرقكم سوي الذهاب للسرير لا تراهم الا كل كام اسبوع ثم كام شهر و هكذا تفقد الترابط مع من حولك سواء مسلم او مسيحي
و من هنا بتيجي المشاكل من وجهة نظري بعد تخرجك انتا وزمايل حضرتك سواء مسلمين او مسيحيين
و نفس رأيك لا اعرف لما يوجد قيود لبناء دور عبادة المسيحيين من وجهة نظركم

م.حاتم السباعي