عايز معلومات عن هندسة طيران

**moudy88** · 10-01-2011 04:42 PM

انا في معهد هندسة وتكنولوجيا الطيران التابع للاكاديميه المصريه للطيران eaa اللي في امبابه ..

بدرس في قسم اتصالات واليكترونيات طيران avionics ..وقسم طيران بيختلف تقديره كل سنه بس مبيقلش عن جيد .. انما لو مصمم ممكن تكتب تظلم للعميد وتدخل لو جايب مقبول ..والمصاريف حوالي 12 الف جنيه في السنه ..والمعهد صعب جدا في الدراسه وزيه زي هندسه القاهره في المناهج والدكاتره ..وفيه ناس راسبه بقالهم 12 سنه و فيه ناس اترفدت من سنه تانيه ..(المعهد الخاص الوحيد اللي موت وخراب ديار )
القسم ده يختلف عن ميكانيكا باور في المواد وفي الامتحانات ..لانه بيدرس aero dynamic الطياره وال structure بتاعها ..ومحركات الطياره بانواعها turbo engine ,turbo jet ,turbo prop ,turbo fan
انما مش اختلاف جذري عن باور ..بس بيبقى له اولويه كبيره في الشغل في مجال الطيران عنه

بعد سنه تالته ورابعه بياخد كورس basic ببلاش ..وده اللي بياهله انه يشتغل في الطيران ..وتمن الكورس ده في مصر للطيران حوالي 8000 جنيه ..وفي الاكاديميه عندنا لا يقل عن 15 الف جنيه وكان زمان ب30 الف جنيه

الشغل في مجال الطيران صعب جدااااا ..ومحتاج وسايط (مش اي واسطه ) لان مفيش الا شركه واحده رئيسيه في مصر (مصر للطيران ) وكل سنه بتتطلب مثلا 10 مهندسين او ممكن 30 بالكتير واحيانا كتير اوي مبتطلبش

و لما تشتغل فيها ..بتشتغل without type rating على الطرازات الصغيره
وبعد فتره بتحضر فيها ..الشركه بتبعتك مثلا لو انت عايز تشتغل على بوينج ..تبتعتك امريكا تدرس الطراز وتمتحن فيه وتبقى with type rating ..ومن هنا تبقى مهندس طيران حقيقي مرتبك هيبقى محترم جداااا

**AhMeD EzZ** · 10-01-2011 05:00 PM

المشاركة الأصلية كتبت بواسطة moudy88

انما لو مصمم ممكن تكتب تظلم للعميد وتدخل لو جايب مقبول ..والمصاريف حوالي 12 الف جنيه في السنه ..والمعهد صعب جدا في الدراسه وزيه زي هندسه القاهره في المناهج والدكاتره ..وفيه ناس راسبه بقالهم 12 سنه و فيه ناس اترفدت من سنه تانيه ..(المعهد الخاص الوحيد اللي موت وخراب ديار )

دة ان استجريت و هوبت ناحية المكتب بتاعة

اسمع ان ا/ علي الجندي دة مربي للطلبة الرعب

بس فعلا المعهد عندكو صعب جداااا

**shaddadfalcon1** · 10-01-2011 05:03 PM

الطريق شكله طويل قوي ومحتاج مصاريف كتيير قوي وهو لا عنده الواسطه ولا الفلوس

**moudy88** · 10-01-2011 05:17 PM

المشاركة الأصلية كتبت بواسطة ahmed ezz

دة ان استجريت و هوبت ناحية المكتب بتاعة

اسمع ان ا/ علي الجندي دة مربي للطلبة الرعب :t_thum1[1]:

بس فعلا المعهد عندكو صعب جداااا

متجيبليش سيرته ... منه لله وربنا يهديه ..هو بيعتمد في تعامله مع الطلبه على الشخط والزعيق بصوت جهوري والشتيمه بالفاظ زي ياجيوان ويامتخلف ..وده اللي بيخلي الطلبه بتتجنب التعامل معه لانك مش هتسلم من لسانه ..ده اذا عرفت تدخله من الانسه فاتن (السكرتيره ) اللي لا تختلف عنه

المشاركة الأصلية كتبت بواسطة shaddadfalcon1

الطريق شكله طويل قوي ومحتاج مصاريف كتيير قوي وهو لا عنده الواسطه ولا الفلوس

الطريق لا طويل ولا حاجه ومفيش حلم بيتحقق بالساهل ..والكلام بتاعي ده مش للاحباط ..ده لوصف الواقع بس ..علشان تبقى عارف انت هتواجه ايه
انما والله العظيم لو قريبك حط المجال في دماغه واستعان بالله ..مفيش حد هيوقف في طريقه .. ولو اتخرج وملقاش هنا هيلاقي بره
انما مفيش حاجه اجمل من انك تدرس وتشتغل في الحاجه اللي انت حاببها

**م/مصطفى محمود** · 10-01-2011 05:31 PM

ملهاش اي لازمة خليه في ميكانيكا باور وهو كده كده في الدراسة بيدرس حاجات كتير من طيران ..ولو اتيحت ليه الفرصة بعد كده انه يشتغل في الطيران هيشتغل من غير اي مشاكل لكن طيران بيزنق نفسه في حتة صغيرة اوي وصعبة زي بترول كده ....

والله دي كلمة سمعتها من مهندس فى مصر للطيران ، هو ميكانيكا وأنا كنت يتدرب (انا ميكانيكا بور) وكان فى واحد تاني طيران ، والله قالة أنت لية عملت فى نفسك كده ، مصر للطيران نادر لما تلاقي فيها مهندسيين طيران ، كلهم ميكانيكا بور وأغلبهم هندسة المطرية جامعة حلوان (أنا أتدربت هناك ووالد زميلي مهندس هناك وده كلام المهندسيين اللى جوة)

ميكانيكا بور فرصتة أفضل فى الشركة جوة ، لأنه دارس تكييف وتبريد ومضخات وكمبريسور وإحتراق ومحركات بكافة أنوعها ، فبيبقى فرصتة أفضل فى التنقل جوة

بس بجد أنا كان نفسي أشتغل فى مصر للطيران ، بس بعد التدريب مبقتشي بفكر خااااااااااااااااااالص فيها (الشغل روتيني مووووووووووت)

عايز نصيحتي بجد ، يروح على آخر شهر 3 لمكتب التدريب جمب نوفوتيل المطار ، ويسأل على معاد التقديم للتدريب الصيفي (فى الغالب بيبقى فى أول 4 بس لازم يسأل قبلها لأنهم بيفتحوا يوم واحد بس) وهيدفع 150 تقريبا ويتدرب فى الأجازة

وساعتها هيقدر يقرر هل الشغل فعلا زي ما هو مُتخيل ولا لأ ، وهل لو أشتغلة هيعرف يدي فية ولا لأ

وربنا يوفقة بإذن الله

**AhMeD EzZ** · 10-01-2011 05:32 PM

المشاركة الأصلية كتبت بواسطة moudy88

متجيبليش سيرته ... منه لله وربنا يهديه ..هو بيعتمد في تعامله مع الطلبه على الشخط والزعيق بصوت جهوري والشتيمه بالفاظ زي ياجيوان ويامتخلف ..وده اللي بيخلي الطلبه بتتجنب التعامل معه لانك مش هتسلم من لسانه ..ده اذا عرفت تدخله من الانسه فاتن (السكرتيره ) اللي لا تختلف عنه

دة واخد كارنيه من واحد صاحبي من السنة الي فاتت ز لحد دلوقتي مرحعهوش كل دة عشان شافة بيصفر :d
========
انا في تلاتة عندك في الكلية لو شافوني علي بعد 100 متر من الكليه يولعو فيا
1 - عم ممدوح بتاع الامن
2- الانسة فاتن
3- راجل من الامن كدة بسكسوكة و شعرة في ابيض شوية

بسم الله ما شاء الله يعني فله شمعة منورة معايا
لو حضرت انت الترم دة عربيتين اسبيرنزا و فيترا قعدو يلعبو جاااااااامد و دريفتات ورا الهنجر من شهر او شهر نص كدة لدرجة اننا اطردنا
العبد لله كان واحد منهم