اولا الف شكر لكل القائمين على المنتدى ثانيا ارجو من اصحاب الخبرة ان يفيدونى فى هزا الموضوع حيث لدى رخصة قيادة خاصة وعايز اشترى تاكسى واشتغل عليه بنفسى فهل ينفع اسوقه برخصة قيادة خاصة ولا لازم اطلع رخصة مهنية وشكرا مقدما
عرض للطباعة
اولا الف شكر لكل القائمين على المنتدى ثانيا ارجو من اصحاب الخبرة ان يفيدونى فى هزا الموضوع حيث لدى رخصة قيادة خاصة وعايز اشترى تاكسى واشتغل عليه بنفسى فهل ينفع اسوقه برخصة قيادة خاصة ولا لازم اطلع رخصة مهنية وشكرا مقدما
لازم رخصة مهنية
لاززززززززززززم تكون مهنيه
لكن لو الامر ضروري ممكن يكون شغلك عليه خلال الليل يعني من بعد المغرب
الامور بتكون اسهل لو زنقت قوي بتراضي سعاده الامناء
الف الف شكر بس انا صاحب التاكسى ورخصته باسمى فهل القانون يمنع ان اسوق عربيتى حتى وان كانت تاكسى وشكرا
أعتقد لو التاكسي بأسمك .. ممكن تسوقه برخصتك الشخصية وليس المهنية .. والعكس صحيح .. لو عاوز تشتغل على تاكسي وهو مش بأسمك .. يبقى لازم رخصة مهنية .
وكذلك السيارات الربع نقل .. ممكن تسوقها برخصة شخصية لو العربية بأسمك .. إنما الميكروباص (إلا لو ملاكي) والنقل لازم رخصة مهنية .
لو التاكسي باسمك ممكن تسوقة برخصتك الخاصة مفيش مشاكل و لو ميكروباص كمان او نص نقل شرط ان تكون الرخصة باسمك
بس النقل او التريلات مستحيل
ممكن تسوقه برخصتك الخاصة على شرط ميكونش معاك ركاب
لأن ساعتها هتبقا بتزاول مهنة وهيقلك فين رخصتك المهنية
لافضل ما دمت ناوي تجيبه وهتشتغل عليه بنفسك -ودا الاحسن طبعا عشان تحافظ عليه - انك تطلع رخصة مهنية عشان محدش يرخم عليك وتبقا انت في السليم
وربنا يباركلك فيه مقدما يا جميل
تحياتى لكل أعضاء المنتدى وأود أن أرد على أخونا صاحب الموضوع بما يلى :
1- السيارة التاكسى ( الأجرة ) نقل ركاب لا يجوز قيادتها إلا برخصة مهنية حتى لو كان هو المالك .
2- لو مالكها سيقودها بنفسه فقط تصدر رخصة السيارة مدون بها بيان : ( لا يقودها الا مالكها ) ويسدد فى التأمينات تأمين صاحب عمل فقط .
3- لو سيستخدم سائق فانه يسدد تأمين صاحب العمل بالاضافة لتأمين سائق ويدون على رخصة السيارة بيان ( مؤمن على سائق) .
4- مخالفة هذه القواعد ينجم عنها سحب الرخصة والجزاءات الواردة بالقانون ولا ننصح بها واتباع القانون أفيد وأريح .
لذا وجب التوضيح تعميماً للفائدة( حلوة تعميماً للفائدة دى! :POINTIy2[2]:) وحباً منى لكل أعضاء المنتدى الرائع .
بص بالنسبة لنمر الدودج وما شابه أنا ساعات بشوف متعلق عليها (خاصة) مش (نقل)
دول بقى مش عارف وضعهم أيه .. يعني بيسوقوها بخاصة ولا مهنية الله وأعلم .. وفي انتظار التوضيح معاك .
شكرا لكل من شارك برايه معنا