الموضوع: سيارتى الداتشيا نوفا للبيع

طيب سؤال بما يرضى الله العربية دى قطع غيارها متوفرة ولا متعبة
وبعدين مش المفروض ان مواتيرها 1400 و 1600 بس امال ازاى ده 1300 ؟
والسيارة سيدان ولا عادى
لك الشكر

المشاركة الأصلية كتبت بواسطة AMA

بعد اذن صاحب الموضوع انا هرد على اد ماعرف
الداتشيا العاديه تختلف عن الداتشيا نوفا فى الشكل كتيـــــــــر جدا جدا جدا
طبعا فرق الشكل لصالح الداتشيا نوفا احلى بكتير من العاديه
قطع الغيار متوافرة فى محلات فى القاهره تعتبر معدودة بما انك قولت بما يرضى الله يبقى عندك
رينو هوم بتاع جسر السويس و شبرا - رينو المهندسين وادى النيل - رينو بورسعيد غمره - سمير عوض الوايلى - ارزاق فم الخليج - فتحى سعد فم الخليج - رينو حلوان
و الاستيراد هتلاقيه فى زكريا ابادير فى الوايلى - رومانى ابادير فى حلوان - اولاد بكر فى عزبة شلبى - الوكاله
اشهر محل قطع غيار اسمه البساطى بس مش عارف مكانه بالظبط فين و كله اتعامل معاه و قالوا راجل محترم و دكتور

و بالنسبه للسيارة سيدان بأربع ابواب و شنطة و دا شكلها بس على نضيف





بص فى القسم هتلاقى مواضيع كتيره جدا عن الداتشيا نوفا انا عاملها و سباقات
قطع الغيار بلغة الفلوس غاليه عن الفيات لكن معمره جدا و دا الى خلانى ابص للداتشيا نوفا
شكل كويس احسن من كل فئاتها فى السعر + قطع غيار معمره + مصفحه من تحت

اولا الف شكر على اهتمامك الشديد يا باشا
ثانيا افهم من كده ان العربية دى زى الهوندا صعب تلاقى حد شغال فى قطع غيارها بس لما تلاقيه تلاقى عنده كل حاجة الابرة للصاروخ صح ؟
طيب فيه مشكلة انا من اسكندرية وجاد على فكرة بس المشكلة لفيت امبارح شارع صلاح الدين والفراهدة كلها مالقيتش مسمار بتاع داتشيا وكل بتوع الرينو قالولى بلاش منها لان حاجتها مش موجودة خالص
طيب تعرف حد فى اسكندرية شغال فيها ؟
وممكن امثلة لبعض قطع الغيار

أنا معايا داتشيا
العربية بسيطة جدا في كل حاجة ميكانيكا وعفشة وكهرباء وكل حاجة وأي حد بيشتغل فيها
وقطع غيارها معمرة بشكل جيد
محل البساطي رينو -أحمد حلمي -شارع الترعة
صاحبه دكتور في كلية أداب إنجليزي على ما أعتقد ومحترم جدا
بالتوفيق

المشاركة الأصلية كتبت بواسطة الصيداح

أنا معايا داتشيا
العربية بسيطة جدا في كل حاجة ميكانيكا وعفشة وكهرباء وكل حاجة وأي حد بيشتغل فيها
وقطع غيارها معمرة بشكل جيد
محل البساطي رينو -أحمد حلمي -شارع الترعة
صاحبه دكتور في كلية أداب إنجليزي على ما أعتقد ومحترم جدا
بالتوفيق

طيب هيا مشكلتى ان انا من اسكندرية وبقالى يومين بلف على بتوع الرينو مش لاقى حد عنده قطع غيار النوفا دى ممكن لو حد معاه اقام تليفون المحلات دى فى القاهرة يقولى علشان اقدر استفسر على اسعار واللى يعرف سعر حاجة يظبطنى واهم اهم حاجة لو حد يعرف محل او اثنين فى الاسكندرية علشان اشوف ايه اخبارها لان كل المحلات قالولى ابعد عن العربية دى ولو حاجة فيها باظط هاتكره نفسك

قبل ما تنزل للقاهرة تكلم البساطي يجهزلك الحاجة اللي أنت عايزها وقبل ما تتحرك من إسكندرية تكلمه تقوله أنا نازل
علشان تتطمن أن كل حاجة جاهزة وبعدين تنزل تأخذها
أنا بعمل معاه كدة لأني مش من سكان القاهرة بس أنا قريب من القاهرة بس برده علشان متنزلش على الفاضي
رينو البساطي-د.محمد شريف - 0107360343

المشاركة الأصلية كتبت بواسطة الصيداح

قبل ما تنزل للقاهرة تكلم البساطي يجهزلك الحاجة اللي أنت عايزها وقبل ما تتحرك من إسكندرية تكلمه تقوله أنا نازل
علشان تتطمن أن كل حاجة جاهزة وبعدين تنزل تأخذها
أنا بعمل معاه كدة لأني مش من سكان القاهرة بس أنا قريب من القاهرة بس برده علشان متنزلش على الفاضي
رينو البساطي-د.محمد شريف - 0107360343

اولا الف شكر ليك يا باشا على اهتمامك وعلى رقم التليفون
هو البساطى ده عنده كل حاجة ؟ وهل ممكن اتعامل معاه عن طريق شركة شحن ولا صعب ؟
وسؤال هو الداتشيا اللى مع حضرتك نوفا ولا حاجة تانية ؟