فى حد هنا من مدينة الشروق؟؟
عرض للطباعة
فى حد هنا من مدينة الشروق؟؟
هو انا مش من هناك بس انا حافظها سنتي سنتي لأن كليتي هناك و عشت فيها لمده سنه اامر حضرتك ؟؟
العفو
بالنسبه لاسعار الشقق تقريبا من 70 الى 120 حسب المساحه ده في الحته المأهوله اللي هناك اللي هي منطقه السوبر او الحي المتميز و معظم الشقق اللي هناك نظام اقساط بس خلصت من زمان و تقريبا كل الشقق اصحابها خلصوا اقساطها باستثناء 1% في حاجات جوه في الستين و السبعين و الميه ارخص من كده بكتير
طبعا في حاجات ارخص من كده جوه بس لا تصلح للسكن فيها نهائيا و لا يمكنني الا اطلاق عليها غير مدينه الاشباح ده غير انها اوكار للجريمه و هتلاقي الشقق هناك تقريبا ب 40 و بعد كده اقساط لحد 20 سنه
العيشه هناك بصراحه و بدون مبالغه اول حاجه لازم يكون معاك عربيه لأن المواصلات مش حلوة و ابتزاز السواقين بعد 12 بليل ممكن تبقى بضعف التمن 2 جنيه
العيب القاتل في مدينه الشروق ان 90 % من سكانها طلبه و ده عامل ازمه على القهاوي و خناقات و معاكسات حاجه تقرف
في مكان كويس و اللي هو الشقق الفاخره و را الجامعه البريطانيه وده زي الفل مفيهوش طلاب و ناس راقيه بس بعد المغرب مفيش نفس في الشارع و تتعود بقى انك حاجتك كلها تكون في البيت عشان مفيش خدمات هناك تقريبا و الشقق هناك من 200 الف تقريبا و لو عايز تعرف حاجه تاني تحت امرك
طب حد يعرف أة نظام ظاحية النخيل ألى جمب أكادمية الشروق