الموضوع: شركة مدينة نصر للإسكان والتعمير

المشاركة الأصلية كتبت بواسطة مصراوي جدا

مهم او ي كمان يتعرف فين مكان الشقق دي بالظبط في 6 أكتوبر لأن مش اي مكان يسمى 6 أكتوبر

لأن فيه شركات كتير اشترت اراضي لبناء الشقق الاقتصادية 63 متر وهي متجمعة في منطقة بعيدة تبعد بالظبط 10 كيلو متر من بداية طريق الفيوم وبعدين تدخل جوه في الصحراء تلاقي تجمعات تجمعات كلها ما زالت صحرا في صحراء ولا تمت للعمران بصلة
وبيسموها 6 أكتوبر خلف مدينة الانتاج الاعلامي

من اول طريق الفيوم هتمشي 5 كيلو بعد ما تمر على منطقة حدائق الأهرام وعند الكيلو الخامس يبدأ طريق الواحات يمين تتجه الى مدينة 6 أكتوبر وتمر على حي الأشجار ومدينة الانتاج الاعلامي ودريم لاند ودريم بارك

ولو كملت في طريق الفيوم 5 كيلو كمان تيجي المنطقة دي اللى كلها هتخصص في المستقبل للشقق الاقتصادية انا زرتها في الصيف والكوميدي ان فيها عمارات جاهزة ومتشطبة تماما رغم ان حواليها من جميع الجهات صحراء جرداء لا زرع فيها ولا ماء

يعني ممكن حدائق النصر في الآخر تطلع في مكان صحراء لا زرع فيه ولا ماء

المشاركة الأصلية كتبت بواسطة ahmed4000

يا اخوانا الموضوع ده بيعمل مشكلة للناس دايما انهم يلاقوا الشقة بعد التقسيط ب240 الف جنيه فيبدا يقول ايه ده المتر ب 4 الاف جنيه ليههههه

وينسى ان ده بعد القسط مش كاش

وبالتالى مبتتحسبش كده بتتحسب كاش لوحدها علشان تعرف هى غالية ولا رخيصة وبعدين تبقى تشوف التقسيط

الفايدة لو عشرة فى المية فى السنة يعنى سعر الشقة يتضاعف فى عشر سنين تقسيط

وده حاجة طبيعية يعنى حيدفعك بالقسط زى محيدفعك كاش

بص بعد عشر سنين ال240 الف دول حيعملوا ايه

واى شقة تانية فى مكان تاني لو ب 100 الف واتقسطت على عشرين سنة على الاقل حتبقى ب300 الف مفيش فرق

الخلاصة لو معاك فلوس ادفع كاش...لو معاكش يبقى طبيعى تدفع تكلفة اكتر

بالنسبة لمدينة نصر فهى شركة حكومية يعنى مش حتنصب على الناس

هما بيحسبوها كده علشان لسه تكلفة التشطيب
في الآخر الشقه 63 متر ويمكن اقل بعد حذف مساحة الخدمات
تتكلف 400000 بعد التشطيب في مكان مفيش فيه اي خدمات
حاجه صعبه جدا