عرض للطباعة
السلام عليكم
انا مسافر العين السخنه ان شاء الله وحاخد الطريق من دمنهور طبعا حاخد الزراعى لغاية القاهره وبعدين الدائرى فى اتجاه الاسماعيليه لحد مااوصل لدخلة مدينة نصر ومدينة السلام بعد كده معنديش فكره عن اى حاجه اخد اى طريق علشان اكمل مشوارى واخبار الرادارات ايه واللجان والحاجات دية لان عمرى ما مشيت عليه قبل كده
وكمان عاوز ارخص مكان ممكن ابيت فيه هناك ليله واحده سواد الليل فقط يعنى 5 او 6 ساعات بالكتير لانى حاروح يوم وابيت واسافر تانى يوم اخر النهار ان شاء الله
هتاخد الدائرى وتسيب نزلة طريق الاسماعيلية والسويس وهتلاقى طريق العين السخنة
تاخده وتوصل بالسلامة
أخى الفاضل فيه طريق من الاسماعليه للعين السخنه وبالنسبه للرادار فهو متغير ويوجد ايضآ رادار متحرك خد بالك وبالنسبه للمبيت مافيش باسعار مخفضه خد بالك ويستحسن انك تركن بجوار نقطه شرطه وتوضح لهم ظروفك وطالما الحكايه 5 او 6 ساعه فنام بالسياره بجوار الشرطه ضرورى لان الطريق غير آمن خالص خد بالك من نفسك وربك خير الحافظين لك ولنا جميعآ
اقتباس:
المشاركة الأصلية كتبت بواسطة kete
كدة الراجل هيلف لفة حلوة ... العضو سعد وصف وصفة سهلة
شكرا ياجماعه بس انا حنام جوه البلد مش على الطريق
هل يوجد اى لوكانده معقوله الليله بخمسين جنيه مثلا ولا كله 5 نجوم وبعدين بعد نزلة الاسماعيليه والسويس حلاقى طريق السخنه على طول امامى ولا ليه لفه تانيه
اتفضل يا باشا.. اوصل حضرتك شارع عباس العقاد في مدينة نصر و اتبع الوصفة في الصور التالية و ماتنساش تدعيلي و تطمنا عليك..
1- شارع عباس العقاد - عدي تقاطع مصطفي النحاس - الحديقة الدولية علي يمينك - اوصل لحد الميدان اللي عنده شركة انبي - خليها علي يمينك و امشي لحد جامع السلام ما يبقي علي يمينك و خش من عنده يمين
[img2]http://img337.imageshack.us/img337/6662/35652543.jpg[/img2]
2- خليت الجامع علي يمينك - كمل علي طول لحد الميدان - خليك زي ما انت و كمل علي طول بحيث المقابر تبقي علي شمالك - امشي الطريق لحد ما يطلعك علي شارع رئيسي - الزم شمالك و اطلع عشان تبقي علي الشارع الرئيسي ده و لف الــ U-Turn و ارجع تاني
[img2]http://img191.imageshack.us/img191/3449/23459352.jpg[/img2]
3- امشي زي ما انت علي طول - علي طول (محور الشهيد) و علي يمينك مدينة عباد الرحمن و علي شمالك نقطة اطفاء و صحراء جرداء :)
[img2]http://img38.imageshack.us/img38/6789/62511080.jpg[/img2]
4- كمل الطريق لاخره - هدي عند الميدان و انزل النفق - و لف لفة صغيرة قدام مصنع الغاز عشان تبقي محطة بنزين وطنية علي ايدك اليمين و عندها مدخل طريق العين السخنة :)
[img2]http://img821.imageshack.us/img821/5529/43492281.jpg[/img2]
ياجماعة انت حتوهو الراجل ليه
الراجل جاي من الزراعي على الدائري ايلي حيوديه عباس العقاد
حضرتك وانت جاي من الزراعي تطلع الدائري في اتجاه مدينة نصر
يعني تسيب اول طلعة و تعدي من تحت الدائري و بعدين تطلع من اليمين على طول
كده انت في اتجاه مدينة نصر
وانت على الدائري حتعد 3 انفاق
الاول نفق السلام و ده نفق كبير جدا حتعدي عليه في الاول و بعدين حتلاقي منزل طريق الاسماعيلية
تفضل ماشي لغاية ماتعدي نفقين كمان نفق التجمع الاول و نفق التجمع الخامس او الزهراء
بعد ماتعدي الثلاث انفاق حتلاقي نزلة للقاهرة الجديدة تسيبها و تكمل شوية حوالي 10 كيلو و حتلاقي نزلة طريق العين السخنة
حتنزل و حتلاقي علامات توديك لحد اول طريق العين السخنة زي ما الاخ ahmedhossam86 شارح في اخر صورة من اول كلمة ميدان
السرعة على الدائري 90 و يوجد كاميرات ثابتة من اول طريق السويس حتى المعادي يعني حضرتك حتعدي عليهم خلي بالك
السرعة في طريق العين السخنة 120 و يوجد اكمنة رادارات متحركة
او ماتخلص طريق العين السخنة حسب بقى حضرتك عايز تروح فين
لو في اتجاه السويس يبقى حتلف شمال لو في اتجاه الغردقة يبقى حتكمل يمين
بالنسبة للبيات لو انت رايح اتجاه السويس حتعدي على قرية تابعة للجيش و اعتقد حتلاقي اسعارها كويسة
لو في اتجاه الغردقة ممكن حضرتك تسأل في القرى اللي على الطريق اعتقد ممكن تلاقي حاجة مناسبة
الله ينور علي الوصفة
على فكرة الرادار في طريق السخنة رخم أوي و مش ثابت زي زمان أنا كنت حافظ الرادارات اللي على الطريق .. بس هو فيه واحد لسة موجود عند العلامة اللي بتقول إن فاضل 32 ك على السخنة الراجل قاعد على اليمين و الحتة ديه فيها جزيرة أو جبل في النص ديه لسة بلاقي الراجل موجود عندها
بعد ما تعدي اكاديمية مبارك الجديدة حيقابلك نفقين تقريبا وانت ماشي في طريقك علي الدائري حضرتك حتلاقي يفط طريق القطامية و ده مخرج من الدائري تخش فيه تمشي شويه وبعد كده حتلاقي صينية حتاخد u turn وتكمل علي طول حتعدي من تحت كوبري ( يعتبر اسفل الدائري) خلي بالك من اسفل الكوبري وبعد كده في نهاية الطريق وهو قصير تخش شمال بزاوية 90 درجة (لانك ممكن لو دخلت شمال 180 بيكون الطريق المقابل وانت جاي)
بعد ما تمشي شمال مسافة قصيرة حتلاقي بنزينة وطنية علي اليمين بعدها علي طول حتلاقي اول طريق القطامية علي يمينك
بطول 120 كم وسرعته القانونية 120 كم والرادارت غالبا بين الجبلين قبل البوابة التانية و ممكن بيكون بعد البوابة التانية
و احيانا في منتصف الطريق و نصيحتي متدش عن السرعة المقررة 120 كم لانها كافية
اقتباس:
المشاركة الأصلية كتبت بواسطة ahmedhossam86
جزاك الله خيراعلى تعبك ومجهودك بس انا رايح من الزراعى ومش داخل البلد
جزاك الله خيرا وصفه واضحه جدا والف شكر ليكاقتباس:
المشاركة الأصلية كتبت بواسطة islamnabil
جزاك الله خيرااقتباس:
المشاركة الأصلية كتبت بواسطة amribrahim
الف شكر ياباشا وكده حلو اوى 120 سرعه كويسه جدا بس بالنسبه للبيات ياجماعه انا اخرى العين السخنه وعاوز ابيت هناك ليله ومش حاكمل فى حته تانيهاقتباس:
المشاركة الأصلية كتبت بواسطة alaa99991111
لو سمحتوا يا جماعة :_Alshmokh23[1]::_Alshmokh23[1]:حد يرد على استفسارى
عايزة اوصل للكيلو22 على طريق مصر اسكندرية الصحراوى من رمسيس
فياريت تقولولى اوصل ازاى واركب ايه...........................!!!!!!!!!!!!!!!!
وجزاكم الله كل خير
كوبري أكتوبر و بعد كدة نمشي ناحية التحرير في مخرج على اليمين للصحراوي بساقتباس:
المشاركة الأصلية كتبت بواسطة elward2010
يا باشا انا على الطريق دة بقالى 7 سنيين
اطلع على الزراعى ومنة على الدائرى بعد 47 كيلو بالظبط من طلوعك على الزراعى هتلاقى يفطة مكتوب عليها طريق القطامية العين السخنة
ادخل فية والسكة زى الفل والطريق بتاع القطامية 120
شكرا ليكم ياجماعه