متشكرين على اهتمامك ياهندسه
عرض للطباعة
فلتر البنزين الدايو جى ام كورى مختوم علية منصور ركبتة فى الكورسا
بس كسرت حديدة الارضى وتمنة 45 جنية مش 70 للجى ام انجليزى
حوامل الشماسات لو اتكسرو ممكن تركب بتوع النوبيرا 1
او تجيب ام جنيه بتاعت النوبيرا
هات 10 و كسرهم براحتك
مساعدين الدايو الخلفى بتركب على فيكترا a وكذلك الأسكترا والديناموا ودول عندى فى عربيتى
انا الصراحة مش بفضل موضوع البدائل دة لان كل عربية وليها نظامها و نظام تعليق ولها وزن معين و شغل معين وكل حاجة وليها حاجتها
بس هو موضوع جامد علشان الواحد يبقى عارف اية القطع المتشابها للمعرفة
كان استاذ شريف عمل مداخله خلت دماغى تلف
اسعار غريبه خاصة فى ال 2000 سى سى
طيب ليه و اشمعنى
انا كنت فى مطروح اتصل بيا زميلنا محمد عربيته فيها مشكله الميكانيكى فك لقى الدنيا خربانه
و ده موضوع هو هيعمله مش انا عن خطوات العمرة و التكلفة
اول يوم رجعت عديت على الميكانيكى لقيت استاذ محمد هناك
بصيت على البستم و لقيته بيتكلم على ان الخراط بيقول ان طقم الصبابات الكورى بيركب
الله
طيب ليه لأ
هوب طلعت على ولاد سالم
و منهم على ابو الحسن و الراجل معايا
الكلام على ان دى عمرة عربية ليجانزا
ايوة ليجانزا
اللذيذ ان كل قطع الغيار اللى شفنها مكتوب على العلبه اوبل
رحنا طالعين على المنير عند احمد المنير فى اول فيصل
ولا كلمة ان العربية اوبل
نيجى للمهم
و ياريت استاذ محمد يصلح لو فيه حاجة
1. طقم البستم
- ابو الحسن جى ام استاندر --------- 475
- المنير جى ام 020 -------- 450 و اصلى و علبة جى ام و العلامة المائية و السيكيورتى لوك
- امريكان ستارز 020 -------- 1500 جنيه ملوش نوع و لا مله بس بيقول المانى ماشى ما علينا
- سرور ----------------- 1400 جنيه ملوش نوع و لا مله بس بيقول المانى ماشى ما علينا
2. طقم الشنبر
- ابو الحسن -------- 200 جنيه كورى
- المنير ---------- 175 جنيه اس كى المانى
- امريكان ستارز ------- 600 المانى والله اعلم
- سرور ------------ 700 المانى و برضوا الله اعلم
3. طقم الصبابات ----- اللى قال عليه الخراط 16 صباب
- ابو الحسن ------- 450 كورى بس مصنع جى ام فى الصين بيعمل و يسوى و كلام كتير بس ب 800 جنيه
- المنير --------- 475 كوى
- امريكان ستارز -------- 600 جنيه المانى
- سرور ------------- 700 جنيه المانى
4. طقم السبيكه ---- الخراط الدقيق بتاعنا قال عليه تمام
- ابو الحسن ------ 200 كورى
- المنير -------- 175 المانى اس كى
- امريكان ستارز ----- 700 جنيه
- سرور ---------- 600 جنيه
5. طلمبة الزيت
- ابو الحسن ........ معندوش
- المنير ........ معندوش بس هيجيبها ب 650 جنيه كامله بعد ما شاف القديمه و هيجيبها اصلى
- امريكان ستارز ---------- سعر بالتليفون بعد محايله 2450 جنيه صينى
-- سرور ............* معندوش غير اصلى جى ام ب 2750 جنيه كورى
6. طلمبة المية
ابو الحسن ---- 145
- المنير ---- 165 اسبانى بس بجد نضيفه قوى
- امريكان ستارز ---- 180
--- سرور ------ 175
مش مشكله كله قريب
7. طقم الجوانات
- ابو الحسن ----- مسألناش بامانه
- المنير ------ 145 جنيه كورى او جى ام مش فارقة
- امريكان ستارز ----------- 750 جنيه بيقولوا المانى
- سرور ---------- 700 جنيه و برضوا المانى بس مكتوب على الكرتونه بس
8. السيور و الفلاتر اسعارها قريبه من بعض
بس المنير عنده دايكو ايطالى و جى ام اصلى
بالذمه مش كلام يحرق الدم
حاجات تانى عن تجارب شخصية
--- كاوتش الأفيز بتاع علبة الدركسيون
- من بتوع الدايو ب 30 جنيه جى ام اصلى بالكيس و الدمغه
- من بتوع اوبل 260 جنيه و عامل معاك واجب و مش هتلاقيها فى مصر كلها
---- اويل سيل الكبالن
- من بتوع الدايو --- الأتنين كورى ب 25 جنيه
جى ام اصلى ب 65 جنيه
- من بتوع اوبل
المانى و لا يعرف فين المانيا و ب 100 جنيه الواحد
----- الكبالن
كبالن الدايو النوبيرا 1 استيراد تركب عادى عندنا هى و بتاعت الليجانزا
النمرة واحد و اللى ملهومشى حل ب 450 جنيه
و تفكهم بايدك
باظوا هات راسين جى ام اصلى كورى من المنير ب 160 جنيه الراس بشحمها بكاوتشتها
- كاوتشة المية اللى ما بين الريادتير و ترموستات الكوعه بتاعت اللانوس بتركب فابريكا و جى ام اصلى ب 50 جنيه
كفاية كده
ده يرضى ربنا هما بيبوصوا للزبون راكب ايه
اوبل الغنية
غير دايو الفقيره
دول اغنيا معاهم فلوس
و دول فقرا نديهم فلوس
معلشى طولت بس ياريت اللى عنده اضافه يحطها عشان الموضوع مهم قوى
بس ميكونشى سماعى
يكون عن تجارب
و شكراً
الكلام ده لو الصناعه مختلفه
العلب مكتوب عليها دايو - اوبل
انت بتتكلم عن الحاجات البسيطة زى الفلاتر وكدة
انا قصدى على مينفعش اركب مساعدين ولا اسكترا ولا طرمبة ولا كمبروسير لان دى حاجة ودى حاجة تانية خالص
لا تعليق ..حسبنا الله ونعم الوكيل