العربيه فيها حاجه غربيه

**amirrk** · 10-01-2011 01:39 AM

انا رحت اغير لمبه الفانوس الامامي الراجل و هو بيغير اللمبه مش عارف ايه الي حصل من ساعتها الزراع بتاع النور تجيبه ورا بيشتغل لكن لما تحركه قدام عشان مش بينور و حتي اللمبه الي في التابلوه الي بتبقي منوره مع ادراع برضه مش شغاله
رحت التوكيل فك الدراع ده و جرب فيه طلع شغال
فصل الفانوس الدراع اشتغل
المشكله دلوقتي انه العربيه مش سليمه
يعني مثلا و انا بشغل العربيه مؤشر البنزين بيتحرك في كل الاتجاهات بسرعه جدا زي ما يكون بيرعش كده
و الكاسيت بيروح قالب الوش التاني و يرجع لوحده من غير ما المسه
و حاجات كده كتير
التوكيل معرفوش فيها ايه شكلها اصلا مش فاهمين اي حاجه هناك و اخر الكلام عشان يشغللي الدراع ده راح عاملي وصله من الفانوس للفانوس التاني
اعمل ايه دلوقتي؟؟
انا شفت الفيوزات كلها شغاله
جبت لمبه جديده اللمبه اتحرقت
جبت واحده تانيه برضه اتحرقت
اعمل ايههههه و اصلحها عند مين عشان اتخنقت
العربيه اوبل استرا 1600 2003 برازيلي

**bedo13** · 10-01-2011 03:04 AM

مشكلة غريبة فعلا بس اعتقد كل حاجة لوحدها...
النور:
حضرتك غيرت الدراع والمشكلة لسة موجودة ولا مغيرتوش؟
خلي كهربائي فاهم يفك الدراع ينضفه..
بص على اسلاك الفانوس (قبل الفيشة)ممكن يكون في واحد مش راكب او اتنين ملمسين في بعض...

الكاسيت:
فك الكاسيت وتنضيفه واحتمال تغير السيور بتاعته...

عداد البنزين:
البطارية ضعيفة..
الارضي ضعيف
ممكن العوامة بايظة...

**amirrk** · 10-01-2011 03:15 AM

شكرا لرد حضرتك
هو الموضوع ان الحاجات دي كلها حصلت بعد ما غيرت اللمبه
يعني كل حاجه كانت شغاله تمام
بالنسبه للدراع انا مغيرتوش بس هو شغال كويس لاني لما بفصل الفانوس بيبقي شغال عادي جدا

بالنسبه لموضوع البنزين
انا رحت كشفت علي البطاريه قاللي انها تمام و الدينامو برده تمام معرفش بصراحه الارضي ده اكشف عليه ازاي ياريت لو حضرتك تعرف حد موثوق فيه تقولي عليه

**caboo_1** · 10-01-2011 11:04 AM

باشا عايز نصحتى وبالمناسبة انا معايا العربية ديه بس 2004
المهم الموضوع ده اول عن اخر عيب كهرباء يعن المؤشرات سليمة والكاست سليم ديه تهيسة كهرباء
وهتعمل الاتى بالحرف
1- لازم تفصل فيشة الفوانيس خالص عشان شاكك فيها
2- شوفت انت اكيد الفيوزات الموجودة تحت الطابلوه هتلاقى مع الفيوزات ديه زى كونتاكتورز او ريلاى او كتاوت فى الغالب لونهم اسود
3- هتفصل كل واحد تمسح الرجول بتاعته بأيدك كدة وتركبه تانى بنفس عدلته مع التأكد من الفيوزات
4-هتفصل موجب البطارية خالص وتحط السلك الموجب ده على سالب البطارية لمدة لا تقل عن تلت ساعة واكرر تلت ساعة
5- تركب الطرف الموجب بالبطارية احشره جامد واوعى يشرز منك ولا هتطر انك تفضى الشحنة لمدة تلت ساعة تانى
6- جرب الحاجات اللى بتهيس زى الكاست وخلافة ولو لقتها مظبوط يبقى ديه تهيسة كمبيوتر وتحلت ولو ملقتش كدة يبقى تروح لكهربائى اوبل انا هوصفلك واحد
7- ركب فيش الفوانيس فانوس وجرب وبعدين الفانوس التانى وجرب لو لقتها ظبطت قبل الفوانيس وخرفت بعد كدة يبقى فى حاجة فى الفوانيس عمله شورت تروح للكهربائى يظبطهولك اما لو ظبطت يبقى اقولك مبروك