ايه السؤال اللي ما تحبش تتسأله ؟ يالا نفضفض :)

**Tamer-Ezzat** · 19-10-2008 05:49 AM

سؤال ينرفزك :
لما واحد يتصل بيك وترد يسألك بتناحية وزعلان قوى ... ايه ياعم فتحت عليا ليه ؟؟؟ ياسلام هو انا فتحت عليك باب الحمام وبعدين هو انت بتتصل ليه ؟؟ ولا يعنى انا اللى باشحن ببلاش ؟؟؟؟

سؤال مستفز جدا ...
يدخل عليك عميل زى الفل ويقولك مثلا ... الهارد 160 بكام .. تقووله مثلا 235 يقولك ليه .. دة مش عارف مين بيبعة 100 جنيه ... بس انا حاخده علشان وشك السمح ب 200 جنيه ايه رأيك ... طبعا الرد الطبيعى لا روح اشتريه يـ 100 وتعالا خد صورة الوش السمح واعملها خلفية لسطح المكتب.
ولا واحد جميل قوى دخل بكل ثقة وسأل سؤال برئ انت بتجيب البضاعة منين ؟ ياسلام ايه البراءة دى ...

أسألة تغيظ :
- أنت جيت ؟ لا دا اخويا التوأم
- فاتح الباب .... تسألك .. انت نازل ... لأ رايح اقعد مع البواب.
- فى العشا نسألك تتغدى ايه وعلى الغذاء تسألك العشاء ايه
(طبعا الاسئلة دى عارفين مين مصدرها يجعل كلامنا خفيف ...)

**Miss_Pharma** · 19-10-2008 07:32 PM

المشاركة الأصلية كتبت بواسطة Mohamed-Saoud

لأ دي أسئلة مهمة جدا لأن لو الوزن يساوي الطول مطروح منه 100 يبقى مثالي على طول :D

هههههههههههههههههه
طب ولو مطلعش 100 :D
هتبقى مشكلة .. بلاش منه احسن .. طاوعني

**Goodle** · 20-10-2008 07:13 PM

المشاركة الأصلية كتبت بواسطة adwyy

أنا اكتر أسئلة بتستفزني قوي قوي قوي .
كنت فين ؟ ( طبعاً من المدام )
الرد : مفيش رد ( ولا كأني سمعت حاجة )
سؤال على الموبيل : انت فين دلوقتي ؟
الرد : في اي حته .
هترجع الساعة كام ؟
ربنا يسهل .
تحب تاكل ايه بكرة ؟
احنا بكرة هناكل عند ماما ( كل لما اتسأل السؤال ده يكون ده الرد ).
اكون بره و تتصل على الموبايل انت مع مين من صحابك
الرد : مع حنفي و النجاشي و يعسوف ( طبعاً ماليش صحاب بالأسم ده ).
الرسالة الي على الموبايل من مين ؟
واحدة زميلتي في الشغل ( بتقولي كل سنة و انت طيب اي مجاملة يعني ) .
طيب بعتتلك ليه يعني ؟
معرفش اتصلي بيها اسأليها انا ما دخلتش في دمغها و عرفت هي بعتتلي الرسالة ليه .
و طبعاً في اسئلة بيكون ليها مغزى تاني بس الحمد لله العبد لله فاهم .
يعني هو الموضوع ده في كل الستات
يكونوا بيسألوا سؤال و علشان يعرفوا حاجة تانية خالص او يدبسوك في خروجة او زيارة لحد

وها هو زميل جديد ينضم لنادي المتزوجين "المنشكحين"... الله انت راجل زي العسل :)
منوّر يا أشرف باشا :)

**Goodle** · 20-10-2008 07:18 PM

المشاركة الأصلية كتبت بواسطة Tamer-Ezzat

أسألة تغيظ :
- أنت جيت ؟ لا دا اخويا التوأم
- فاتح الباب .... تسألك .. انت نازل ... لأ رايح اقعد مع البواب.
- فى العشا نسألك تتغدى ايه وعلى الغذاء تسألك العشاء ايه
(طبعا الاسئلة دى عارفين مين مصدرها يجعل كلامنا خفيف ...)

وها هو زميل آخر
يا مرحب.. يا مرحب يا تامر باشا :) :)

**Noha-Esmat** · 25-10-2008 12:19 AM

أنا أكتر سؤال بينرفزنى " انتى مرتبك كام" ياااااااااااااااااااااااا اااااه ببقى هتشل منه ،،،، عشان بشتغل فى شركة كبيرة و معروفة الناس فاكرة يا ما هنا يا ما هناك

و السؤال التانى اللى بيشلنى بقى ماما هيا اللى بتسألهولى .... أكون داخلة البيت و معايا أى حاجة اشتريتها تقولى "بكام" اقولها "بكذا (مثلاً ب 10 جنيه)" اللى بيشلنى بقى انها تقولى "ده انا لسة شايفاه بكذا أو ده عند فلان بكذا(مثلا ب 5 جنيه)" على أساس إتى لسه عيلة صغيرة و بيضحك عليها

**نور القمر** · 25-10-2008 04:18 AM

اكتر حاجة تستفزني لما يجي مسج او رنه واللي معاك يسألك من مين وليه
او اكون قاعده بتكلم على الماسنجر وحد يدفس دماغه في الشاشة ويقولي بتكلمي مين

وطبعا موضوع المرتب ده يثير الاعصاب جد او شارية فستانك بكام وما الى ذلك

بالمناسبة مين هنا كارت ومين خط ههههههههههه

**mrghost** · 25-10-2008 04:31 PM

المشاركة الأصلية كتبت بواسطة مدحت منيب

1-ممكن اسال حضرتك سؤال .. بس اوعدنى ما تكسفنيش ..!!

( محاولة للضغط النفسى فى اتجاه تحويلى لاجابة مطلبه بسيف الحياء )

و غالبا يكون ردى .. اوعدك هاتزعل اوى مش بس ها تتكسف ..

2- ترانى زوجتى فى كامل هندامى و حليق الذقن فتقول : انت خارج؟

امال يعنى لا بس كده عشان انام ؟

3- و عندما ارجع متاخرا جدا .. و تسمع ارتطام المفاتيح بزجاج الكيمودينو ، تقول : انت جيت ؟

غالبا با قول لها .. مش عارف !!

هههههههه ههههههههه فعلا دى الواحد بيسمعها كتير

انا بقى بتخنق لما اجى اخرج لو حد من اخواتى او والدى يسألنى هتروح بالعربيه ؟ ساعتها لو مش رايح بالعربيه بروح بيها بالعند مش عارف ليه !!!!!!!