الموضوع: ايه السؤال اللي ما تحبش تتسأله ؟ يالا نفضفض :)

السؤال اللي يستفزني عندك اخوات ؟
اولا انت مالك
ثانيا لاني وحيد الناس بتبصلي كأني دلوعه مامي و بابي و حاجه قرف و ده شئ الحمد لله ابويا و امي خدوا بالهم منه وربوني صح ربنا يكرمهم يارب

و السؤال التاني لما يعرفوا اني في طب يقولولي ها تتخصص ايه اقولهم اللي ربنا يريده
متعجبهمش الاجابه يقوولولك طبعا طبعا اللي ربنا يريده بس ايه التخصص الي انت بتحبه عشان تتخصص فيه و انتو مالكووووووووووووووووووووو ووووووووووووووو

بجد فيه اسله كتير بتحرق دمي

وفي مجال العربيات لقيت واحد في الشارع بيسالني علي عربيتي عامله ايه معايا رديت عليه عادي عادي و في نص ردي ليه الاقيه بيقولي بنفس اللفظ ( ألا العربيه دي كاش و لا قسط ) و انت مال اهلك حاجه تقرف
بجد فيه ناس فضوليه بشكل ممل

بــــكـــــــام؟

لأ و كله كووووووووووووم و السؤال الشهير لما واحدة تكون بقالها كتير ما شافتنيش و لما تقابلني بعد فترة: ايه؟ لسه ما فيش حاجة؟ (جواز طبعا)
- لأ لسه يا تانت
- معلش يا حبيبتي.. ان شاء الله نفرح بيكي عن قريب.

طيب هو حد قال لكوا اني زعلانة؟؟

انا مش فاهمة ايه لزمته السؤال؟ طيب ماهو لو فيه حاجة هاقول على طوووووووووول.. هي الحاجات دي بتستخبى؟

بس اهي أسئلة و خلاص

ايوووووووووه انت شغال فين يا ترى ؟؟؟؟ ياااااه دى شركة ممتازة و يا ترى مرتبك كام ؟؟؟ بصراحة برد بس باسأل نفس السؤال مع الانطباع انى باحسد
هو الفرق بينك و بين مراتك كام سنة ؟؟؟؟ مش فاكر بصراحة هى اتولدت سنة كام
دفعت مهر و شبكة كام ؟؟؟؟ ربع جنيه و ربع جنيه
ناس عاملة زى البقدونس عايزة تحشر نفسها فى اى حاجة و السلام

اسخف سؤال بيكون على العربية : كاش ولا قسط؟
طب انت مال اهلك؟ هوة لو قسط هتدب ايدك في جيبك و تديني القسط؟
ولا لو كاش هتعمللي تمثال؟

ولا لما تلاقي واحد راكب معايا و يقولي : العدة دي بكام؟
و تلاقي علاقته بالتكنولوجيا واقفة عند جرس باب بيتهم..

اذا كان على السخافة فدي ممكن تكون هواية عند بعض الناس