طبعا ده موضوع كبير و محتاج مذاكرة كويسة
تتميز الكربونات بانها مادة مالئة يعني مكون من مكونات الصناعة لمنتجات كتيرة جدا جدا
عرض للطباعة
يا باشا انت مستعجل قوي ...... اقرا الموضوع كويس و افهم طريقة الاستخراج و التصنيع و بعدين نتكلم في تفاصيل التفاصيل زي ما نات عايز .....
لو أخدت بالك التسويق محتاج مصروفات كبيرة عشان المعارض الدولية ده لو انت ناوي على انتاج كربونات عالية النعومة لكن لو هتشتغل على الخشن هتبيع محلي و برضه التسويق متعب عشان كل مصنع هتروحله هيحتاج تحاليل معملية و ضمان للجودة و البيع بيكون في الغالب على 3 شهور عشان يكون ضمن ان المنتج بتاعك دخل التصنيع عنده من غير مشاكل ...
بصورة عامة لو عايز تشتغل خشن هتحتاج تقريبا 500 ألف عشان تبدأ
لو هتشتغل ناعم هتحتاج 1.5 مليون كبداية .
انت حسستنا ان الواحد ولا فاهم حاجة في اي حاجة
لو رحت قلت الحاجات دي للمدام هتقدر تعبك و مش هتقول لك هات لبن لمريم تاني
وهيا اللي هتجيب لك ورد المرة الجاية
بجد ربنا يوفقك
فعلا أنا أول مرة أعرف إن كربونات الكالسيوم بتدخل فى هذا العدد الكبير و المتنوع من الصناعات
طيب بما إن حضرتك فى شرحك ذكرت لكل مصنع من المصانع المحاجر اللى بيحصل منها على الحجر الجيرى
سؤال بقى ؟ :question2:
أنا معلومات القديمة إن المحجر دا موضوع كبير و مشروع مستقل بذاته ...
يعنى بيحتاج ترخيص وموافقات من جهات متعددة و ساعات يتباع فى مزادات
و كمان ساعات ناس بتبيعه بعد ما رخصته و ضبطت أوراقه بس سمعت إن ساعتها ثمنه ممكن يوصل 250 ألف أو 500 ألف
يا ترى فى دراسة الجدوى الخاصة بالمصنع كيف سيتم التعامل مع المحجر ...
هل سنشترى الحجر الجيرى من أصحاب المحاجر أم سيتم عمل حساب امتلاك محجر لتوفير الحجر الجيرى للمصنع ؟؟؟
المحجر مش موضوع كبير و لا حاجة خالص ....
الفكرة ببساطة شديدة :
أنا بروح أعمل ترخيص محجر و ده بيتكلف 7000 جنيه في السنة لمساحة 5000 متر مربع حق انتفاع , و بدفع اتاوة 200 أو 300 جنيه شهريا للعرب في المنطقة مقابل الحماية و غفرة للمحجر و عشان متحصلش حوادث سرقة , مشكلة المحجر ان أوراقه كتيرة و من جهات حكومية كتيرة عشان يخلص الورق يعني مسألة وقت بس ...
طبعا المحجر لوحده مشروع ممتاز و ممكن تشغليه باستخدام منشار عشان يطلع منه طوب أبيض للبناء اللي زي الطوب الأحمر العادي . و ممكن يكون عندك كسارة تعمل حاجة اسمها بودرة زيرو و دي بتروح لمصانع السيراميك و البلاط المزايكو و شغل الجبس بتاع الأسقف و الهبو اللي بيتعمل منه الغراء بتاع الدهانات ... بس دي بتكون رخيصة جدا يعني تقريبا الطن ب 80 أو 90 جنيه ( طبعا فيها ربح كويس ) ...
في الدراسة هنا ممكن نعمل حاجة من اتنين :
1- نشتري من محجر موجود و نريح دماغنا و ده هيتكلف تقريبا 13 الى 17 جنيه للطن .. و ده مناسب في البداية عشان احنا هنعمل مصنع صغير انتاجه 100 طن في اليوم مثلا و دي كمية لا تستحق فتح محجر ليها و المحجر هنا هيكون تكلفة عالية بدون عائد اقتصادي .
2- نفتح محجر خاص بالمصنع و تكلفة الطن هنا هتنزل ل 6 أو 8 جنيه و ده فرق كبير و الطريقة دي مناسبة لو المصنع هينتج كميات تزيد عن 150 طن في اليوم مثلا لأن هنا هيكون عندي فرق وفر يساوي أو يزيد عن تكلفة العمالة و المعدات اللي هنأجرها أو هنشتريها للمحجر ...
هههههههه
ما هيه عارفة كل التفاصيل بس لبن مريم ده حاجة تانية خالص ....
ليه بس مش فاهمه حاجة دي حكاية بسيطة بس شكلها من بعيد يخض ...
ان شاء الله هروح المحجر و أصور لكم مراجل التحجير و التصنيع بالصوت و الصورة عشان تكون الفكرة أوضح و أسهل و بالمرة أجرب الكاميرا الجديدة ...
طيب يا هندسة
بالنسبة لاماكن المحاجر حضرتك ذكرت محافظة المنيا فقط
يا ترى مافيش فى أماكن تانية ؟؟؟
أعرف إن بلبيس فيها محاجر للطفلة ... مش الطفلة هى الحجر الجيرى برضو ولا أنا غلطانة ؟؟
بسم الله ما شاء الله على حضرتك
دراسه رائعه :)
الف شكر يا باشا