كل اللي انا طالبة من الدنيا (اتدرب في مكتب محاسب)

انا خريج تجارة جامعة عين شمس
دفعة 2010
عندي 22 سنة
نفسي اتدرب في اي مكان علي شغل المحاسبة
دورت كتير في الوسيط والأهرام و ع النت و ....
و مفيش فايدة :8954[1]:
روحت مكاتب كتير
و بيقولولي هنبقي نكلمك
وطبعا محدش بيعبرني :brn:

مع العلم ان مكاتب المحاسبين دول لو واحد منهم قبلني:11:
هيبقي المرتب لا يزيد عن 350 جنيه
و بالرغم من كده :36_1_61[1]:
انا موافق !
طالما هتعلم


ياريت لو حد يقدر يساعدني يقولي
اعمل ايه ؟!

انا مش عايز احبطك صدقنى بس هو ده الواقع المرير....محاسب يبقى غالبا لازم وسطه او حظ وده بسبب كثره خريجى تجاره....انا زيك....متخرج من تجاره بس تجاره انجليزى....لما اتخرجت قعدت ادور كتير على فرصه شغل كمحاسب وطبعا سمعت مرتبات تموت من الضحك او تموت من الحسره....واشتغلت فى مجال تانى غير مجال دراستى (مندوب مبيعات)لفتره علشان مأخدش مرتب ميكفينيش مواصلات لحد لما جاتلى بالصدفه البحته فرصه انى اشتغل محاسب فى شركه كبيره وبمرتب كويس اشكر ربنا وكانوا كمان بيعلمونى كل حاجه وبقالى فيها اهو 3 سنين

بص انا مش بقصد احبطك صدقنى بس فكر فيها بعمليه اكتر....انت قدامك طريقه من اتنين....اولا انك تفضل مستنى وبتدور لحد لما تلاقى الفرصه اللى ترضى طموحك ولكن بالطريقه دى ممكن تفضل من غير شغل فتره كبيره وكدا تبقى بتخسر وقت بيضيع من غير خبره....او ثانيا انك تقبل اى عرض شغل فى اى مجال تانى مطلوب حاليا لحد لما تلضم فى وظيفه فى المجال اللى انت بتتمناه او عايزه وده اللى انا عملته

حاول تقدم فى موبينيل....طالبين ناس ديما للcall centre بتاعهم خصوصا الاولاد ومرتب مش بطال
الميل بتاعهم jobs@mobinil.com

ربنا يوفقك

تحياتى

اولا: شكرا علي اهتمامك
ثانيا: المشكلة ان انا اشتغلت خدمة عملاء في فودافون
و سبتهم (مع ان مرتبي وصل لـ1000 جنية)سبتهم عشان حسيت ان المجال ده ملهوش مستقبل و ان انا بضيع فيه وقتي و انهم ممكن يرموني بره في اي لحظة
محتار و مش عارف...
هل اترمي في اي شغلانة وخلاص ؟
ولا اصر علي موقفي ان اشتغل محاسب؟
انا عندي طاقة و لما بتحط في مكان بشتغل فيه بكل جهدي
بس الخوف من المستقبل هوه اللي مخليني مش عارف اعمل ايه ؟
طيب انت لو مكاني تعمل ايه ؟

اقتباس:

---

المشاركة الأصلية كتبت بواسطة ahmed88hassan

اولا: شكرا علي اهتمامك
ثانيا: المشكلة ان انا اشتغلت خدمة عملاء في فودافون
و سبتهم (مع ان مرتبي وصل لـ1000 جنية)سبتهم عشان حسيت ان المجال ده ملهوش مستقبل و ان انا بضيع فيه وقتي و انهم ممكن يرموني بره في اي لحظة
محتار و مش عارف...
هل اترمي في اي شغلانة وخلاص ؟
ولا اصر علي موقفي ان اشتغل محاسب؟
انا عندي طاقة و لما بتحط في مكان بشتغل فيه بكل جهدي
بس الخوف من المستقبل هوه اللي مخليني مش عارف اعمل ايه ؟
طيب انت لو مكاني تعمل ايه ؟

---

بص يا احمد....انا بقالى 3 سنين تقريبا بشتغل محاسب وأول لما اتخرجت جديد كنت برضو نفسى اوى اشتغل فى المجال اللى درسته وحتى لما اشتغلت شغله تانيه فضلت عينى على انى اشتغل محاسب...وبعد 3 سنين خبره(دى متعتبرش خبره كبيره على فكره فى مجال المحاسبه) اقدر اقوللك بلاش المجال ده....اولا المحاسبين بصفه عامه مرتبتهم مش كبيره غير لو هتكون محاسب فى شركه كبيره او مدير مالى او مراجع,غير كدا يبقى مالهاش لزمه صدقنى,ده غير انها شغله متعبه وهتلاقى فيها سخافات كتيره من طلبات مراجعين لأغلاق ميزانيه وكله كوم بقى والضرايب كوم تانى...الضرايب دى يا احمد لوحدها بلاعه فلوس واسهل حاجه عندهم كلمه تقدير جزافى وتلاقى عليك مبالغ قد كدا...اكيد انت ادرى بظروفك منى بس صدقنى متفكرش فى مجال المحاسبه اوى اللا لو عندك استعداد تشتغل على الاقل 5 او 6 سنين بمرتب مش مجزى اوى علشان بعد كدا تبتدى ترتقى اى المجال ده

الخلاصه من كل ده من وجهه نظرى المتواضعه.....خدلك كورس وحاول تلاقى فرصه فى شركه مراجعه برايس ووتر هاوس او ديلويت او ايرنست....او شوف مجال تانى لأن المحاسبه بحرها واسع اوى

تحياتى

سؤال مهم : اخبار الانجليزي عندك ايه؟

للاسف العمل فى مجال المحاسبة 80% معارف او واسطه و20% فقط هو اللى بيجى عن طريق الاعلانات انا ليا صديق خبره فى المحاسبة الماليه 7سنين (خبره فى اعداد ميزانيات و مراجعه الدفاتر و التعامل مع الضرائب) ساب الشركة اللى شغال فيه نتيجة خلافات مع صاحب الشغل .............بقاله 4شهور بيدور على شغل مش لاقى

اقتباس:

---

المشاركة الأصلية كتبت بواسطة mohamed9999

للاسف العمل فى مجال المحاسبة 80% معارف او واسطه و20% فقط هو اللى بيجى عن طريق الاعلانات انا ليا صديق خبره فى المحاسبة الماليه 7سنين (خبره فى اعداد ميزانيات و مراجعه الدفاتر و التعامل مع الضرائب) ساب الشركة اللى شغال فيه نتيجة خلافات مع صاحب الشغل .............بقاله 4شهور بيدور على شغل مش لاقى

---

انا محاسب بقالي 5 سنين و اشتغلت في شركتين و ياما عملت انترفيوهات و الحمد لله عمري مكان معايا واسطه لاني Qualified enough عشان كدا اي محاسب بيتخرج لازم يعرف ان شهادته متنفعش ببصله منغير كورسات محترمه

بص يا زعيم
قدامك حل من اتنين
1- يا اما تشتغل اي شغلانه تمشي بيها امورك و في نفس الوقت عينك علي السوق عشان تنتهز اي فرصة تيجي قدامك. و يستحسن الشغلانه دي تكون من اللي بتتطلب احتكاك بالناس و عمل علاقات لان ده اللي هيوصلك للفرص.

2- تستغل الوقت اللي بتضيعيه ده في شهاده تديك ميزة عن الالاف اللي زيك في السوق

اقتباس:

---

المشاركة الأصلية كتبت بواسطة GMakram

بص يا احمد....انا بقالى 3 سنين تقريبا بشتغل محاسب وأول لما اتخرجت جديد كنت برضو نفسى اوى اشتغل فى المجال اللى درسته وحتى لما اشتغلت شغله تانيه فضلت عينى على انى اشتغل محاسب...وبعد 3 سنين خبره(دى متعتبرش خبره كبيره على فكره فى مجال المحاسبه) اقدر اقوللك بلاش المجال ده....اولا المحاسبين بصفه عامه مرتبتهم مش كبيره غير لو هتكون محاسب فى شركه كبيره او مدير مالى او مراجع,غير كدا يبقى مالهاش لزمه صدقنى,ده غير انها شغله متعبه وهتلاقى فيها سخافات كتيره من طلبات مراجعين لأغلاق ميزانيه وكله كوم بقى والضرايب كوم تانى...الضرايب دى يا احمد لوحدها بلاعه فلوس واسهل حاجه عندهم كلمه تقدير جزافى وتلاقى عليك مبالغ قد كدا...اكيد انت ادرى بظروفك منى بس صدقنى متفكرش فى مجال المحاسبه اوى اللا لو عندك استعداد تشتغل على الاقل 5 او 6 سنين بمرتب مش مجزى اوى علشان بعد كدا تبتدى ترتقى اى المجال ده

الخلاصه من كل ده من وجهه نظرى المتواضعه.....خدلك كورس وحاول تلاقى فرصه فى شركه مراجعه برايس ووتر هاوس او ديلويت او ايرنست....او شوف مجال تانى لأن المحاسبه بحرها واسع اوى

تحياتى

---

ألف شكر يا باشا .. تعبتك معايا
بس الحبة اللي تحتهم خط دول مفهمتهمش :what:

اقتباس:

---

المشاركة الأصلية كتبت بواسطة Ahmed.Ali

سؤال مهم : اخبار الانجليزي عندك ايه؟

---

تقدر تقول جيد مرتفع
انا مخدش كورس
بس listening بفهم كويس
و فـالـ speaking شغال
اصل انا اساسا بح الأنجليزي من صغري

اقتباس:

---

المشاركة الأصلية كتبت بواسطة mohamed9999

للاسف العمل فى مجال المحاسبة 80% معارف او واسطه و20% فقط هو اللى بيجى عن طريق الاعلانات انا ليا صديق خبره فى المحاسبة الماليه 7سنين (خبره فى اعداد ميزانيات و مراجعه الدفاتر و التعامل مع الضرائب) ساب الشركة اللى شغال فيه نتيجة خلافات مع صاحب الشغل .............بقاله 4شهور بيدور على شغل مش لاقى

---

ربنا يصبره و يصبرنا

اقتباس:

---

المشاركة الأصلية كتبت بواسطة Ahmed.Ali

انا محاسب بقالي 5 سنين و اشتغلت في شركتين و ياما عملت انترفيوهات و الحمد لله عمري مكان معايا واسطه لاني Qualified enough عشان كدا اي محاسب بيتخرج لازم يعرف ان شهادته متنفعش ببصله منغير كورسات محترمه

---

طيب زي ايه كورسات محترمة ترشحهالي
و اخدها فين

اقتباس:

---

المشاركة الأصلية كتبت بواسطة horas3000

بص يا زعيم
قدامك حل من اتنين
1- يا اما تشتغل اي شغلانه تمشي بيها امورك و في نفس الوقت عينك علي السوق عشان تنتهز اي فرصة تيجي قدامك. و يستحسن الشغلانه دي تكون من اللي بتتطلب احتكاك بالناس و عمل علاقات لان ده اللي هيوصلك للفرص.

2- تستغل الوقت اللي بتضيعيه ده في شهاده تديك ميزة عن الالاف اللي زيك في السوق

---

شكلها هترسي ع الحل التاني


------------------------------------------------
ألف شكر ليكم جميعا و ده العشم فعلا من اعضاء نايل موتورز:verygood:

اقتباس:

---

المشاركة الأصلية كتبت بواسطة ahmed88hassan

ألف شكر يا باشا .. تعبتك معايا
بس الحبة اللي تحتهم خط دول مفهمتهمش :what:

---

دول يا باشا اكبر 4 مكاتب تدقيق حسابات علي مستوي العالم
و ليهم مكاتب في دول كتير بالاضافة انهم بيقدموا خدمات استشارية اخري كتير
و عشان كده بيسموهم ال Big 4