اسئله قبل شراء نوكيا n8

**ahmad--ezzat** · 10-01-2011 05:46 AM

السلام عليكم ورحمه الله وبركاته

انا قررت اجيب الجهاز ان شاء الله بس قبل ما دفع كل المبالغ دى عايز استفسر عن حاجه من ملاك الجهاز

1-فين احسن سعر اجيب منه التليفون...انا بحس ان اسعار الشناوى بتفرق لحد 500 حنيه فرق مش عارف الناس دول هبل ولا ايه تقريبا كل الاسعار غلط

2-هل الموبيل بيشغل جميع صيغ الفيديو وبالذات ال flv لان عندى flv مالى الكومبيوتر عندى وعندى n86 مش بيشغل الصيغه دى ....يعنى هل اقدر اتفرج على فيلم بال tv out

3-ايه اخبار صوت الموبيل...هل نقى ولا سرسعه زى معظم ال انـــــــــات

انا طولت عليكم بس حبيت استفسر قبل ماشترى ان شاء الله

**memo_p910** · 10-01-2011 06:22 AM

بص دي نصيحه ليك من الاخر خليك في الايفون او اي جهاز بيشغل نظام اندرويد n8 من نوكيا لا يستحق ثمنه لانه يعمل بنظام سيمبيان العقيم لكن الايفون جهاز اسطوري وهايعجبك اكثر مما تتوقع

**ahmad--ezzat** · 10-01-2011 06:23 AM

لا حول ولا قوه الا بالله

انت هتخلينى اغير رأى ليه :)

**osama.m** · 10-01-2011 11:34 AM

يا باشا السيمبيان بتاع ال n8 مش زي اللي على باقي النوكيا .. دا فيرجن جديد .. و بعدين التليفون فيه مميزات اكتر من الايفون .. التاتش هو هو .. برماج براحتك .. مش لازم جيلبريك .. اليو اس بي .. الجي بي اس المجاني ..

**Conspirator** · 10-01-2011 11:35 AM

لو عاجبك الجهاز هاته وهو بيشغل ال flv ولو مشغلش عندك الريال بلاير الجديد بينزل بكونفرتر ممكن تحول ال flv لاى صيغه انت عايزها

انا معايا اى فون واتش تى سى واشتغلت على كل الانظمه سمبيان واندرويد وويندوز موبايل

لو امكانيات الجهاز عجباك وثمنه على قدك توكل على الله وهاته ومتترددش لان اى جهاز تانى من اى نوع انظمه التشغيل احسن بس مفهومش نص الامكانيات اللى فى N8

يعنى مثلا الاى فون مفيهوش نافيجاشن وخرايط مصر ولازم الانترنت يكون شغال وعشان تنزل برنامج نافيجاشن لازم تكسر حمايه الجهاز وبلاوى سوده لكن فى نوكيا النافيجاشن شغال وببلاش ومش محتاج انترنت غير اول مره عشان تنزل ال ovi MAPS

نفس الموضوع فى ال htc وتخيل على كل الامكانيات اللى فيهم محطوش كاميرا اماميه عشان الفيديو كول

يعنى ال htc desire HD ب 5 بواكى ومفيهوش نافيجاشن ولا كاميرا اماميه

خلاصة الكلام ان مفيش جهاز كامل من كله

شوف انت ايه هى امكانياتك وتوكل على الله

**Ralliart** · 10-01-2011 12:29 PM

يا باشا عيب انا قلتلك بيشغل flv وجربتلك كذا فيديو وشغالين زي الفل
الصوت مش كويس لانه سماعه واحده جنب الكاميرا بس احسن بكتير جداً من الايفون ومعظم الموبايلات الجديده
بس في الهيدفونز 100%
احسن مكان تجيب منه الموبايل هيكون من الخليج طبعاً لو هتجيب من مصر معرفش لاني عمري في حياتي ماجبت موبايل من مصر

بص دي نصيحه ليك من الاخر خليك في الايفون او اي جهاز بيشغل نظام اندرويد n8 من نوكيا لا يستحق ثمنه لانه يعمل بنظام سيمبيان العقيم لكن الايفون جهاز اسطوري وهايعجبك اكثر مما تتوقع

سامبيان مش عقيم ومبيحتاجش اني اسرق برامج واعمل جيل بريك واني يجيلي شلل خماسي من i-tunes وبرامج السامبيان 3 كتير جداً ومجانيه وكمان سامبيان مش بيحتاج بروسيسور عالي علشان كده بيوفر في البطاريه كمان وفيه كاميرا 12 ميجا بكسل بفلاش زينون وشركة ابل طبعاً لسه مسمعوش عن الرقم ده في الكاميرات!!