براحه بس انتي خاتي الكلام من الناحيه استهزاء ليه زاى ما في بنات سوقتهم تغيظ في ولاد سواقتهم تغيظ اكتر بس الباين البنات عشان هما اكتر في العدد :36_2_33:
عرض للطباعة
واللهي مهما شفت عمري ماهصدق غير عيني وانا عمري ماشفت ست بتعرف تسوق يااما بيخافو بزياده يااما بقى بيبقى تلاقيها بتحدف عليك وحاجات غريبه ده بالاضافه انهم مش بيعترفو بكده وعشان كده عمرهم ماهيتطوروا
انا حصليتلي معاناتين من ال شكل ده
اول مره كنت صغير وكان ابويا بيعلم والدتي السواقه وكنا حنخش في سور وبعد السور حنقع في الهوه
تاني مره اختي حبت تتعلم السواقه وكانت داخله علي الرصيف (دي حته مش بتعرف تلعب نييد فور سبيد:ma: )
الله يرحم
انا اول مره اسوق في حياتي كنت عندي تسع سنين (في قريه سياحيه ) و الله من الرغم من سني الصغير وقتها سوقت بكل تميز و الغلطه الوحيد اللي عملتها اني كنت ماشي بالراااحه
فيديوهين ممتازين تسلم إيديكم
وفعلا سواقة الحريم ................. ربنا يرحمنا منهم
أنا والله من كام يوم كنت هعمل حادثة بسبب واحدة ست الشارع حارتين حارة انتظار و حارة واحدة سير وراسها والف جازمة تعدينى وراحت مدخلة بوز عربيتها جمبى رحت واقف وقولت أعديها (كان حارة الانتظار فاضية مفيش عربيات راكنة فيها)
راحت طالعة قدامى وجريت ومرة واحدة وقفت فطبعا بفديها راحت راميه عليا وقفت وجيت أنزلها لقيتها جريت
والله ركبت العربية وجبتها ورحت رامى عليها رفرف فى رفرف راحت قرصة على عربيتها وخلعت بس ياعينى ماحقتش تخلع اوى
كان فى بلاعة والغطا بتاعها مفتوح نصه (يعنى واقف على سيفه) راحت داخلة فيه وعربيتها يا عينى النترا الجديدة لسة باللزق الابيض والمشكلة إن اللى سايقة ست كبيرة مش بنت مثلا شايفة نفسها عندها بتاع 45 سنة
دة انا اللى عندى 19سنه عمرى ما بسوق كدة
عندى تجربة مريرة فى تعليم العنصر النسائى وحرمت بعدها أعلم حد .... كانت عمتى وصممت انى أوصلها بعربية كانت لسة مشترياها بمعاونة جوزها وجت سايقاها لحد عندنا بالعافية .
ولما جت تروح بيها قالت استنى لما الوقت يتأخر شوية لحد الساعة 2 بالليل علشان تلف بيها شوية قبل ما تروح والدنيا رايقة .
وياريتنا ملفيناااااااااااااااااااا .... فجأة وبدون أى انزارات وهية داخلة فى شارع شمال راحت داخلة فى عربية لانسر بسرعة كانت راكنة على الشمال ومدتنيش فرصة حتى اشد الهاند بريك .... وحصل اللى حصل والأنزار بتاع العربية والعربيات اللى بعدها كمان اشتغل وكان يووووووووووووم ههههههههههههه .
كل اللى عملته بعد كدة أنى رجعت بالعربية بعييد شوية وأبعدت عمتى عن الموضوع وقعدت احله لوحدى لحد الساعة 3.30 تقريباً صباحاً .
وبعد كدة عمتى لما هديت من اللى حصل وصلتها لبيتها .... وقالتلى خد العربية أخفيها لحد ما تتصلح ههههههههههههه وقد كان وصلحتها ليها ورجعتها تانى قدام البيت تانى يوم (حدش خد باله .... )
بس أوعى حد يقولها انى فتنت عليها لحسن .........
هاهاهاهاها
عارفه انتي فكرتيني بايه من طريقه كلامك
بالاحتقان اللي موجود في مصر بين المسلمين والمسيحيين اللي مش ها ينتهي ما دامت الخليقه
انتي شكلك شايله جواكي قوي وخصوصا من اول سطرين اللي كان فيهم هجوم زياده شويه
بس انا والله عايز اقولك ان انا متزوج ومخلف ولما بنزل بتكون مراتي وابنى معايا وطبعا مش بقدر اسوق بطريقه متهوره خالص عشانهم ومراتي نفسها هي اللي بقت تقوللي ان اللي سايق العربيه دي اكيد بنت
يمكن انا لحد دلوقتي ما قابلتش بنت تثبت عكس النطباع اللي عندي بس برضو ده مش معناه انكوا وحشين
وان شاء الله اذا كان في نصيب في احد مقابلات المنتدي وشفت حضرتك اغير انطباعي
وسونا اجدع ناس برضو :))
يارجاله بس عاوز اقول حاجه والله
بدون تحيز
عاوز اسأل سؤال واحد
مين فينا مسرقش عربيه ابوه وهوا صغير وعلم نفسه بنفسه
مش دي جراءه
هوا فيه بنات بتتعلم السواقه من ورا اهلها
لا طبعا
فعشان كده بيكون التعليم اكاديمي شويه
فتلاقي البنت بتبقي خايفه وهيا سايقه
اي حاجه بتحصل خروجا عن المألوف وغير طبيعيه
بتبقي حوسه
واحد غشيم جي من جمبها
بيزمر
تلاقيها اتلهت وراحت ضاربه دركسيون شمال ولا يمين
وممكن فعلا تخبط اللي علي يمينها
طبعا الانطباع اللي خده اللي علي يمينها ده انها مبتفهمش حاجه ومبتعرفش تسوق
هيا مواقف وكل موقف وعلي حسب رد فعله
انا ياجدعان وانا بتعلم السواقه كنت ماشي في قريه سياحيه في شهر 6 والقريه مفيهاش بني ادم
ونازل الساعه 1 ظهرا بتمشي بالعربيه
والشارع عرضه حوالي 10 متر
تمشي فيه سفينه مش عربيه
ووانا باخد ملف وبجرب باور العربيه كانت الناحيه اليمين من الطريق اوسع من الناحيه الشمال
فلفت لعربيه عادي جدا ومفيش اي حاجه
رحت انا بقي خدتني الجلاله وقلت انا برم
ورحت مديها واحده الناحيه التانيه
بس الرصيف كان اقرب بقي
مش ادوس فرامل
لا انا فوجئت بعمود نور قدامي
وددددددششششششش
في العمود
لا ومنقي العمود اللي جمب فيلتنا
طبعا ابويا سمع ونزل
وبص حواليا
مفيش نمله معديه من جمبي
انا لوحدي
بصلي كده وقاللي طب مش حعملك حاجه بس حموت واعرف ازاي
:)
تاني حاجه كام مره وانتا راكب عربيتك وحد يعمل حاجه غلط وتقول ياحماااااااااااااااااااار
وكام مره بتضيف تاء التأنيث
الفكره مش ان اللي سايق بنت او ولد
الفكره ان اللي سايق بيفهم في السواقه ولا مشيت معاه بالبركه
انا عندي خالتي ما شاء الله عليها ممكن تسوق تريللا عادي معندهاش ادني مشكله
وتمشي فوق العربيات وتنزل تتخانق معاك وتطلعك غلطان
ازاي معرفش
في مره وان صغير راكب معاها عربيتها الشاهين
وانتو عارفين بقي شاهين
يعني صاج حديد ودغدغ يامعلم
وجينا في ملف وراحت لفت مره واحده ودخلت في الطريق الطوالي مره واحده وراجل ياعيني جي ولا بيه ولا عليه ولقي حته جبنه بيضا دومتي اتحطت قدامه عالطريق مره واحده (العربيه كانت بيضا)
مش تسكت بقي
راحت نازله للراجل وقالتله انتا حمار مش شايفني جايه
الراجل تنج وحظها انه محترم
قالها حاجه واحده بس
قالها معلش لو اعرف انك جايه كنت فرشتلك الارض ورد
روحوا الله يخرب بيوتكو
وسابها ومشي
:) :)
والي اللقاء في مغامرات نسائيه اخري
هاهاهاها جامده دي
وبالمناسبه دي حصل معايا انا شخصيا موقف بصراحه وقفت عاجزا امام المنطق الرهيب
اللي حصل اني كنت رايح ازور ناس وهم ساكنين في شارع ضيق جدا والدخول والخروج منه من نفس الناحيه عشان هو اصلا مش مفتوح من الجهتين والعربيات واقفه عاموديه على الشارع ويادوبك عربيه واحده اللي تعدي
المهم روحت واقف جنبهم بنفس الطريقه ولم اتاخر انا بالظبط نزلت بعد نص ساعه لقيت العربيه اللي كانت جنبي بالظبط راكباها واحده ست واعيزة تطلع وعربيه تانيه راكباها واحده ست برضو وعايزة تدخل والاقي الست اللي عايزة تدخل بتقولي حضرتك واقف غلط خالص انت قافل الشارع بالرغم ان اللي مانعها الست اللي عايزة تخرج
قولتلها حضرتك انا ضيف وجيت لاقيت الشارع كده قالتلي لا انت برضو قافل الشارع
قولتلها يعني انا قافل الشارع وكل العربيات دي مش قافلاه وبعدين انا ركنت كده عشان العربيه اللي جنبي كانت واقفه كده وانا مش عارف اعدي منها
قالتلي بس دي مش واقفه
فعلى طول عرفت الدماغ اللي انا بتكلم معاها فقولتلها بكل هدوء انا اسف اصل انا لسه شاري العربيه من يومين ولسه متعلم السواقه من تلات ايام ممكن ترجعي شويه صغيرة عشان امشي
وبرضو ماكانش عاجبها
بس برضو سونا اجدع ناس :))