اه صحيح
كلنا جاوبنا ومخدناش بالنا ان الكاوتش عامل 39000 كم
غير الكاوتش على 40000 كم يا صديقي
معلش مانتبهناش للمعلومة دي -لو الكاوتش مش نسر اعتقد ممكن تصبر عليه لحد 50000 كم -
عرض للطباعة
كواتش يتغير على 40 الف بس؟
انا اعرف ان المفروض 60
الكاوتش النسر بيتغير على 40 ألف كم
اما الانواع النضيفه زي البريدجستون وما ساواه بيتغير على 50 او 60 ألف كم وانا اعرف واحد مغيره على 55 ألف كم والكاوتش بسم الله ما شاء الله عليه نضيف جدا ونقشته واضحة جدا كمان انا كنت مستحرم انه يرميه بس جنوط عربيته 14 وانا 13 فمنفعش اني اخده :36_2_33:
خللوا بالكم ان علامات استهلاك الكاوتش مش بس تاكل المداس
جوانب الاطار بتتعرض لاجهاد طول ما الفردة بتشتغل و دة مستحيل تشوف اثارة بالكشف بالنظر... عشان كدة بينصح بتغيير الكاوتش عند عدد كيلومترات معينة كعامل امان
كلنا بنغير سير الكاتينة على عدد كيلومترات محدد عشان نحافظ على المكنة... يبقى مش حنغير الكاوتش عشان نحافظ على حياتنا او على الاقل العربية كلها... طبعا كلنا عارفين مخاطر انفجار اطار على الطريق السريع
بردة خللى بالكم ان الكاوتش مش بيعيش للابد... فى احصائية امريكية لقوا ان 88% من حوادث السيارات الى كانت بسبب مشكلة فى الاطارات كان فيها اطارات يتجاوز عمرها ال6 سنوات... و كان فيه مطالبة بان مصنعى الاطارات يحطوا تاريخ صلاحية على الكاوتش بيوضح امتى بتنتهى الست سنوات دول
معنى كدة برضة ان مهمى كان شكل الفردة كويس و ماسك نفسة... خطورة استخدام الفردة دى بترتفع جدا جدا و ممكن تسبب كوارث... بالتالى لازم كل واحد ياخد بالة ان لو كاوتشة تخطى عمرة ال 6 سنوات يغيرة حرصا على حياتة و على عربيتة
MMamdouh
السلام عليكم جميعا انا الكاوتش بتاعى بريللى اللى نازل مع الماتركس اتركى 2008و دلوقتى عامل 39000 كم هل استنى شوية؟ خاصة ان اخوكم متبهدل بسبب الجمعيات ممكن اجيب الكاوتش الجديد على شهر 8 لما اقبض الجمعية1-انا عملت التبديل عند 25000 كم امامى يمين مع خلفى شمال و امامى شمال مع خلفى يمين
دلوقى عايزكم تركزوا معايا
2-الان هل ابدل بنفس النظام و دة معناه ان العجل يرجع مكانة زى الاول لما استلمت العربية ولا هناك طريقة اخرى
3-اللى انا بفكر فية انى ارجع الكاوتش زى ما كان مع وضع الاستبن مكان عجلة من الامام و اخلى الفردة اللى فيها 3 خروم استبن
مستنى ردكم
فينكم يا شباب محدش عبرنى