سؤال لخبراء الفيات عن الباليو

**mohey** · 10-01-2011 03:33 PM

الأخوة الأفاضل

فيات باليو 2006 -1000 سى سى هل هى برازيلى أم صينى أرجوا سرعة الإفادة

**prince93** · 10-01-2011 03:42 PM

برازيلى..
الصينى نزلت 2008 تقريبا و كانت 1500 سى سى (اللى كانت فى مصر ) لأن تقريبا فى حاجات اعلى نزلت برة ..
تقريبا نزل برة 1800 .. و مكن اكون انا متلغبط و اللى نزلت مصر كانت 1800 بس ما ارجحش ..
لكن على العموم، الى نزلت مصر 2006 و 1000 سى سى كانت برازيلى

**karimalaa** · 10-01-2011 08:15 PM

البرازيلي 2006 بس
1.2 16v
1.0 16v
1.0 8v
الصيني 2008
1.5 8v
و تحت أمرك في أي استفسار

**mohey** · 10-01-2011 11:40 PM

شكرا على الإستجابة والردود السريعة من الأخوة الأفاضل
palio fire 1000 cc 16v.
كام حصان ؟؟؟
وماهو أفضل مكان فى الأسكندرية ممكن اعمل فيه صيانة الـ40000 كم

**karimalaa** · 11-01-2011 01:29 AM

66 أو 67 حصان...مش فاكر بالظبط...و أحسن مكان تعمل فيه صيانة ال40 في الاسكندرية انك تستنى أوماترا تفتح أو تسافر القاهرة تعملها هناك عشان دي فيها تغيير سيور...وأنا فكرت أعمل صيانة ال40 بره و النتيجة كانت ان الصبابات ضربت ( سير ماتركبش صح )!
فا خليك في المضمون أحسن و التوكيل لو بوظ حاجة هو ملزم بيها

**mohey** · 11-01-2011 10:05 AM

أنا سامع إن مركذ صيانة الطارق سمعته وحشة .
هو فيه أخبار عن ميعاد فتح مركذ صيانة أومترا بالأسكندرية؟
معلش أنا بأثقل عليك شويه أخى الفاضل karimalaa

**karimalaa** · 11-01-2011 12:20 PM

ولا بتثقل ولا حاجة!! كل اللي حضرتك عايزه....:)
أوماترا أول السنة كان جاهز خلاص و جابوا الLifters و كده و قالوا حيبدأ صيانة من أول 9\1\2011
بس طبعا ( المتوقع ) اتأجل المعاد ده ل 20\1\2011 والله أعلم.... بس هو مكانه مرغم طريق الاسكندرية القاهرة الصحراوي

**mohey** · 11-01-2011 02:23 PM

على فكره فى أثناء البحث فى مواضيع المنتدى وجدت أحد المواضيع بيتكلم عن مركذ الخدمة الذى سيقام فى الأسكندرية والذى ذكر فيه أن م / شريف متولى سيكون المسؤل عنه .
وحيث اننى كنت أعرفه من أيام مكان معى البنتو 2004 .فقلت أتصل به لأسأله عن مركذ الصيانه أفادنى
بأنه خلال أسبوع :10 أيام سيتم إفتتاح المركذ وسيكون متواجد به ومكانه بعد كوبرى مرغم.

**ahmadmidop** · 12-01-2011 04:25 PM

انا من رأيي تعملها في القاهرة افضل وبعد كده ان شاء تكون مع توكيل اسكندرية لأن احتمال يعودو يأجلو او حاجة ... انا رايح التوكيل ان شاء في اجازة نص السنة انا من دمياط بس كلو يهون عشان الباليوو :)