انا لما برجع مارشدير اللمبة الخلفية البيضا بتعلق ساعات ومبتنورش وشيكت على اللمبات لقيتها سليمة واحد قالى دى ساعة المارشدير بتعلق وقالى دى مكانها فى الفتيس ياترى اعمل اية ومكانها فين بالظبط ؟ واغيرها والا اعمل فيها اية ؟
عرض للطباعة
انا لما برجع مارشدير اللمبة الخلفية البيضا بتعلق ساعات ومبتنورش وشيكت على اللمبات لقيتها سليمة واحد قالى دى ساعة المارشدير بتعلق وقالى دى مكانها فى الفتيس ياترى اعمل اية ومكانها فين بالظبط ؟ واغيرها والا اعمل فيها اية ؟
أه غيرها
انا مغيرها للأفيو بـ 15 جنيه و 10 جنيه مصنعية و بتتعمل في دقيقة
بس رخامتها انك لازم تفكها و تاخدها معاك علشان تجيب زيها ( تقريباً كلهم شبه بعض ) و لما بتتفك ما ينفعش تمشي بالعربية علشان زيت الفتيس ممكن يدلق ( انا اتقالي كدة من الكهربائي و الله أعلم )
و نستنى رأي الخبراء
متاابع
مدام بتعلق تبقى شغاله
والمشكله مشكلة تأكيد توصيلات كهربيه
من عند اللمبات البيضاء أو من عند مكنة المارشدير
وراجع على الضفيره بتاعتها من جوه الشنطه برضه
جايز تكون فيه حته عريانه وعاوزه تتغطى بشيكرتون
انا اتاكدت من كل التوصيلات لقيتها سليمة بس لسة مشفتهاش جوة الفتيس بس عايز اعرف الساعة مكانها فين فى الفتيس
لو البطارية بتاعتك سائلة وليست جافة فابخرة مياه النار الي في البطارية وعند غسيل اواطيش البطارية بينزل الاملاح علي فيشة الساعة بتاعة المارشدير وده بيعمل تاكل في الاطراف بتاعة السلك وفي اطراف الفيشة فيجب غسيل هذه الاطراف بالبنزين جيدا واعادة توصيل الفيشة مرة اخري
ممكن حد يصور مكانها بالظبط
جزاك الله خير
انا فعلا غسلتها ببنزبن ونشفتها وبقت تمام والتعليقة راحت خالص .............شكرا