انا عاوز اركب غاز طبيعي لان اتخرب بيتي هل ده صعب او بيخرجني من الضمان لعربيتي الجين تو2010
ارجو معرفة كل المميزات والعيوب
عرض للطباعة
انا عاوز اركب غاز طبيعي لان اتخرب بيتي هل ده صعب او بيخرجني من الضمان لعربيتي الجين تو2010
ارجو معرفة كل المميزات والعيوب
العربية هتبقى برة الضمان و بعدين إنت كدة هتعمل عمرة للماتور كل سنة
REMAPING اكيد عشان تظبط الكمبيوتر مع النظام الجديد ويكون اداء السيارة بنفس مميزات البنزين وده تكلفته 1800 جنيه
Evolution Chips
ميرسي لردودكم بسي عاوز ردود اكثر وياريت لو فيه حد مجرب وهل المغامرة علي اد التوفير ولا لا
دور على موضع هنا في المنتدى بيشرح تركيب الغاز بالصور والتكلفة والتوفير كام بالمقرنة بالبنزين
موش لاقي
شوف الموضوع ده:
http://www.nilemotors.net/Nile/47732...step-step.html
بلاش احسن و ليك الاختيار في الاخر
طب لاش ليه
بلاش لأن الغاز بيأثر علي العمر الافتراضي للمكنه و كل سواقين التكاسي عارفين كدا بس سواق التاكسي مش هامه المكنه تبوظ بعد فتره لأنه اجره و بيعمل فلوس مش مهم المكنه تتكسر تبوظ مش هتفرق هيكون عمل فلوسها عقبال ما تبوظ و اكتر ده تاكسي يعني شغال انما حضرتك ملاكي مش اجره اول حاجه لما تيجي تبيع العربيه هينزل سعرها تاني حاجه المكنه عمرها الافتراضي هيقل تالت حاجه سحب العربيه في الغاز غير البنزين نهائي رابع حاجه هتخسر مساحه كبيره من الشنطه خامس حاجه شوف الزحمه بقي علي البنزينه بتاعت الغاز و تقف في دور طويل عريض من العربيات و المكروباصات و التكاسي علشان تدخل تمون غاز , تكلفة التركيب كبيرة وأثارها مبتظهرش بعد فترة, والغاز الطبيعى بيحتوى على نسب قليلة من الكبريت ودى بتسبب تأكل الموتور على المدى الطويل جدا, وفيه ناس بتقول كأنك شايل قنبلة فى الشنطة, لأن الغاز تحت ضغط عالى وممكن الأنبوبة لقدر الله تنفجر لو حصلت حادثة جامدة أثرت عليها ده غير ان حضرتك هتخرج من الضمان و ديه حاجه مهمه
متشكر جدا للافاده وانا كده مقتنع بعدم التغيير بسي برضه لو حد عنده ردود تانيه اكيد كلنا حنستفاد
جرب بنزين 80 وشوف كدة ممكن توفر معاك"
بسي تاثيره اسوء علي العربيه
يا جماعة الجين 2 بتنزل برة بالغاز عادى هو الموضوع بس محتاج شوية دراسة و مساعدة من جوة التوكيل
السلام عليكم
بنزين 80 ؟؟؟؟؟؟؟؟؟؟
حرااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ام
الغاز مصمم للعمل على السياره عادى بس السحب اقل من البنزين
السياره زيرو وبغاز زى مشروع التاكسى وضمان 3سنوات
الانبوبه مصممه لتحمل اختلاف الضغط والكوارث والحوادث وان شاء الله ربنا ميجيب حوادث
العيوب مكان وراح فى الشنطه للاسطوانه والسحب القليل
انما حتوفر جدا جدا وتقدر تسافر بالعربيه لحد 1200كم بدون توقف _(غاز+بنزين )
شوف الضمان حيقولو ايه
يا شباب حرام عليكوا غاز اية وبنزين 80 اية الكلام دة يتعمل فى هيونداى قديمة او شاهين او اى حاجة من الكلام دة لكن البروتون لا بجد حرااااام
حرااااام عليك لو قارفاك فى البنزين غيرها بحاجة تانية تقبل 80 او حاجة موتورها رخيص وركب غاز انما جنجونة لا
انا بجد تعبت محدش رايه مفع 100 في الميه
للاسف البيرسونا و الجين تو اقلل نوع بنزين ينغع معاهم هو 92 على الرغم من ان الكاتالوج بيقول 95 او اعلى
بس بكل بساطة لو انت شايف استهلاك البنزين عالي ده حيقل بعد اول 5000 كيلو و يضبض على المعدل الطبيعي
كمان انا اقدر اقولك ان في فرق كبييييييييييير جدا و ملحوظ بشكل واضح في استهلاك البنزين بين العربيات 1600 cc , & 1300 CC
ممكن تبيع عربيتك وتجيب حاجة 1300 CC
تحياتي
[overline][overline]بص يا سيدي الفاضل اولا انا محول عربية جين 2 موديل 2007 غاز بقالي سنة و شهرين و هتكلم عن تجربتي
الموضوع ان فكرة الناس عن الغاز هي الفكرة القديمة اللي كانت عند التاكسيات من سنين مع العلم ان حصل تطورات كبيرة جدا في انظمة التحويل يعني كل مشاكل الغاز من التاثير علي الماتور و ضياع العزم قلت و اصبحت حاجات لا تذكر و ليها حلولها و لا تقارن بالوفر اللي انت بتكسبه من التحويل
هقول ليك و لكل الناس كل الاشياء المتعلقة بالموضوع يعني كفاية انك تعرف ان نظام التحويل القديم كان 1800 جنية و النظام اللي انا مركبه ب 8000 جنية
اولا : المميزات
1- توفير ملوش حل بروح اسكندرية ب 4 جنية الاسطوانة بتتملي ب 6 جنية بتمش عليها من 200 - 300 كيلو
2 - صوت الماتور اهدي كتير معتدش بتسمعه رغم عدم تاثر العزم (موضوع فرق العزم و السحب لا يتعدي 10 % من عزم العربية ) و بالنسبة للسرعة القصوي لاتتاثر بجيب 180 عادي علي الغاز
3-السيارة يمكنها التنقل بين الغاز و البنزين بدون اغلاق المحرك و ممكن و انت بتسحب بالعربية عادي تنقل في وسط مانت بتجري و مش هتحس ان فيه تغيير
4-اما الاسطوانة تخلص بيتحول بنزين اوتوماتيك و انت سايق من غير ما العربية تبطل منك
5 -العربية بتدور بنزين و تتحول للغاز تلقائيا بعد الماتور ما يسخن (ده بيضيع كل المشاكل اللي كانت بتقابل الناس زمان زي ان العربية ما تدورش في البرد و ان الماتور عمره يقصر )
6- بالنسبة للتموين الامر لا يتعدي دقيقة واحدة و بالنسبة للطوابير انت لا تقف فيها فيه مكنة او اتنين في كل محطة مخصصة للسيارات الملاكي و الحكومة يعني عمري ما قفت في طابور علي مدي سنة اخري الاقي عربية ملاكي قدامي
ثانيا : العيوب
1- عزم العربية بيقل بس بنسبة قليلة جدا يكفي اني اقول لك اني بشد مع واحد صاحبي معاه جين تو اوتوماتيك و بنبقي متساويين يعني تخيل ان الضعف عندي يعادل الفرق بين المانيوال و الاوتو
ممكن تحل الموضوع ده ازاي قدامك زرار في الطابلوة ممكن بلمسة زر تبقي العربية بنزين لو نفسك تشد مع واحد و اما تخلص دوسة تانية و تشتغل غاز تاني
2 - مساحة الشنطة هتقل بس مش هتضيع يعني عارف المكان الل بين العلبتين بتوع العجل هوه اللي هيتاخد هحاول ارفعلكم صور من عربيتي بس الشنطة موجودة و بقدر احط شنط و اسافر (الاسطوانة بحجم شنطو هاند باج)
انا نفسي اوصل للناس كلها الفكرة دي لاني بجد استمتعت ابلعربية جدا تخيل ان معاك جين توبكل امكانياتها و عزمها و في نفس القت مفيش مصاريف البنزين اللي كانت خاربة بيتي
النظام اللي انا محول بيه اسمة سيكونشال ده اعلي نظام تحويل ميركبش علي اي عربية لازم يبقي فيها حساسات معينة و الحمد لله موجودة في الجين تو النظام ده قريب قوي من نظام البنزين المالتي بوينت انجكشن كل اسطوانة ليها صمام بيتحكم غي كمية الغاز اللي داخللها عن طريق حساسات الحرق و العادم و التوقيتات بتاعت الشرارة و علي فكرة النظام ده له كونترول يونت لوحدة يعني مفيش تغيير في الكونترول يونت بتاعت العربية و ممكن تشيل السيستم من العربية في اي ةقت و محدش هيلاحظ انه كان راكب اصلا ده لو عايز تبيع بس صدقني لو الناس فهمت الموضوع صح محدش هيشتغل بنزين تاني
و لو حد عايز اي استفسار او يشوف عربيتي انا في الخدمة
النظام اللي انا مح[/overline][overline][/overline][/overline]
ميرسي جدا يا محمد ممكن تقولي عملت فين النظام ده وكمان قولي العربيه خرجت من الضمان ولا لا
انا عربيتي جين تو 2010 معايا بقالي 9 اشهر وعماله 14000 كيلو والعربيه تبغ الشركه وحتبقي ملكي بعد خمس سنين بسي انا لو مشيت او هما سابوني انا اللي ملتزم بالقسط
قولي رايك
معلشي يا محمد انا شوفت الاسطوانه في عربيه جيلي حجمها كبير وكمان انا خايف ان العربيه توطي لاني في اقاليم مليانه بالمطبات
متهيالي انت تقصدني انا انا اسمي اسلام و عربيتي قسط برضو علي خمس سنين من بنك انا بنصحك بالغاز بشدة من واقع تجربتي و مش عايزك تسمع كلام حد يقولك وحش و هو ما جربش انا جربت اكتر من سنة و مشيت بالغاز 70000 كيلو وكل الاشاعت اللي طالعة عليه غلط و معتمدة علي فكرة قديمة عن انظمة التحويل اللي كانت موجودة من 5 سنين و تكنولجياتها قديمة جدا الدنيا بتتطور و اي حاجة ليها مشاكل بتتحل و الغاز بقالة سنين مش طالع امبارح عامتا انا حولتها في شركة غازتك و فيه شركات تانية زي كارجاس و اوتو جاز
كلهم عندهم نفس النظام و نفس القسط لانه نظام موحد و بالتعاون مع بنك cib علشان التقسيط بتاع السيستم
علي فكرة التحويل خلال 3 ساعات و تستلم العربية خلصانة و الشنطة مش هتضيع منك و لا حاجة اعتبر انك فقدت تلت الشنطة و دي مش مشكلة بالنسبة للاستخدام اليومي لانك مش هتعوز الشنطة كل يوم
بالنسبة لارتفاع العربية مش هيقل كتير وزن الاسطوانة و هيه مليانة 60 كيلو يعني اقل من اي شخص ممكن يقعد ورا هتعتبر ان معاك شخص خفيف ورا علي طول و صدقني بالنسبة لعفشة الجين مش هتحس بالموضوع ده اصلا
بالنسبة للضمان العربية هتخرج من الضمان بس جزئيا يعني الماتور بس هيخرج من الضمان و انا كنت سال استاذ أمر في الموضوع ده قبل ما احول
و لو عايز تشوف عربيتي انا تحت امرك انا من مدينة نصر
ميرسي يا اسلام واسف ان كنت غلط في اسمك انا محمد دكتور بيطري ممكن نتسيبلي رقمك لو موش يضايقك ولو موش حضايقك ممكن ابقي اكلمك بسي مقولتك لو موش حيسببلك ازعاج انا من المنوفيه بسي احتمال انزل خلال اسبوعين مدينة نصر عند حد قريبي ساكن في مساكن الشروق ورا النادي الاهلي بسي انتاه م قولتليش انته غيرتها فين
كمان انا عاوز اسالك عل حاجه لما اطلع مطب سيءوكوون معايا 2 ورا بسمع صوت خبطه جامده قوي
ديت بتبقي فين وما مدي تاثيرها علي العربيه
زي ماقال العضو الكريم eslam ashour
8000 جنيه وده النظام اللي ينفع على الجين2 او يمكن في اي نظام تاني ينفع
بس لمعلومات حضرتك اننا داخلين على ايام سودا وممكن عجز في الغاز وانت عارف اكيد مين السبب ولو حصل ده يبقى ضاع عليك ال 8000 جنيه مصاريف التحويل وبردو هترجع تاني للبنزين
بالنسبة للنقطة اللي اتكلم فيها الاستاذ اسلام وهيا عدم وجود طوابير للتموين وكدة
هو على حسب المنطقة السكنية يعني عندنا في النعام او الحلمية بتبقى واقفة علطول بسبب محطة الغاز والطوابير الكتيرة
ولك حرية الاختيار في الاول وفي الاخر
السلام عليكم
طيب الضمان لو حتخرج من ضمان الوكيل فى ضمان من شركه الغاز على الموتور ؟
على فكرة معرض فورميلا الاهرام كان فيه شركة كار جاز متواجدة و انا اتكلمت معاهم و فعلا قالولي ان الموضوع مش زي زمان و اتطور كتير عن الاول و مفيهوش اي مشاكل و لا يؤثر على الموتور و خصوصا في السيارات الحديثة
و بالمناسبة كان فيه عربية لانسر شارك اوتوماتيك محولينها غاز و بيقولو انها شغالة كويس جدا و مفيهاش اي مشاكل
و انا شوفتها و عاملين الشغل حلو اوي الحتة اللي بيتمون منها الغاز جنب البنزين (عند باب تانك البنزين) مش في الكبوت بس ده يختلف من عربية الى اخرى على حسب المساحة المتاحة عند غطاء التنك
'طيب يباشا قولي اتكلمت معاهم في ايه تاني ومكان كار غاز ديت فين
الكلام التاني ان العربيات اللي بتشتغل بالغاز افضل زيت محرك ليها هو الفيسكو و هو مصمم للسيارات اللي بتشتغل بالغاز بس برضو بتنفع مع السيارات اللي بتشتغل بالبنزين و شكرلي جدا في زيت فسكو 2000
و انا اتكلمت معاهم في المعرض بس طبعا المعرض خلص
حضرتك ممكن تشوف اي فرع محطة كار جاز و تكلمهم
طبعا يا باشا لازم تاخد بالك من الضمان بتاع العربية في التوكيل و انا معرفش ايه نظامهم هل هتخرج برة الضمان و لا لأ
لو عايز تتصل بكار جاز و تاخد فكرة و تسألهم زي ما انت عايز ارقامهم و عنوان الفرع الرئيسي في الصورة دي
و طبعا لما تقولهم على نوع العربية هم هيقدرو يفيدوك و اسال على اي حاجة تخطر على بالك
http://img211.imageshack.us/img211/7007/20110118230.jpg
ميرسي جدا يباشا
بسي بروتون بتخرج من الضمان ولاالا
أنا حاتم سعد بشتغل سواق تاكسي على عربيتي الفيرنا وحولت العربية بتعتي للغاز في شركة غازتك بقالي 4 سنين و ماشية حلو و زي الفل بصلى على النبي و أنا وقتها كنت محتار أركب في غازتك و لا أي شركة من شركات الغاز الي في مصر بس أخويا كان نصحني أركب في غازتك و طبعا لما سمعت نصيحة أخويا ربنا يبارك له لقيت كذا ميزة بصراحة:
مثلا لما حولت في غازتك جهاز التحكم بتاع غازتك معدي بمراحل و إيطالي الصنع و هتلاقي كل قطع الغيار و الإسطوانات ألي عرفت منهم أنها مصنوعة بجودة و كفاءة عالية و أمان على الأخر حاجه أصلي يعني
================================================== ==
عندهم محطات التموين و مراكز صيانة كثير كل ما هتروح في حتة هتلاقي محطة غازتك و مش عندهم زحمة و هتخلص مصلحتك في السريع و لما هتروح غازتك هيستقبلوك بكل إحترام و هيعملوا لعربيتك فحص مجاني و في أكثر من نوع لأجهزة التحويل و كل عربية ليها ألي يناسبها
================================================== ==
أستاذ محمود البحيري ربنا يبارك له هو ألي أستقبلني و خلص لي كل أوراقي بكل سهولة و خلاني أركب في عربيتي الفيرنا نظام حقن متزامن إيطالي و إسطوانة 60 و دي بتمشيني ما يعادل 15 لتر بنزين
نيجي بقى لثمن الطقم و الي بالي بالك بص يا سيدي هما عندهم أكثر من نظام دفع من أول الكاش و كمان في تقسيط من سنة ل أربع سنين أنا بقى اخترت نظام التقسيط على سنة بدون فوائد و ده عرض شغال عندهم دلوقتي و القسط حاجه في الحنين كده و على فكره هما عاملين عروض كمان على الكاش و بيدوك 250 متر في صورة بونات
================================================== ==
فكك يا صاحبي من ألي يقولك ان الغاز بيبوظ المكنة و يعمل فيلم هندي كل الكلام ده هجص المكنة بقالها معايا 4 سنين كأنها شغالة على البنزين حاجه أصلي يا اباه أحنا عاوزين ناكل عيش بس للأمانة انا هقولك ايه الي هيأثر معاك:
بص أنت لو شنطتك صغيرة زي العربيات الهاتش باك الصغيرة فا هيبقى صعب تحول يا صاحبي كمان لو أنت أهملت في تغيير زيت و كمان لو لقيت حرارة أو كركرة و أهملت الكلام ده ممكن يؤثر على العمر الإفتراضي للموتور
================================================== ==
من الأخر كده بعد خبرة 4 سنين انا و أصحابي التاكسجية مع غازتك انا بنصح أي حد لسه هيحول هناك ناس محترمة و محطاتهم منتشرة و عندهم خبرة في مجال الغاز و هما أساس الصنعة و أي حاجه بسئل عنها في عربيتي بيكلموني و يتابعوا معايا و كنت بكلمهم على رقم 01000016955 و كمان ده رقم أستاذ محمود البحيري 01122100762و فاتحين طول أيام الأسبوع ما عدا الجمعة و السبت