اولا حمدلله على السلامه يا بشمهندس سمير وكل سنه وانت طيب كنت عايز اعرف اخبار بنزين 80 معاك ايه لسه بتحطه ولا ايه :U_thin1[1]:؟؟
عرض للطباعة
اولا حمدلله على السلامه يا بشمهندس سمير وكل سنه وانت طيب كنت عايز اعرف اخبار بنزين 80 معاك ايه لسه بتحطه ولا ايه :U_thin1[1]:؟؟
انا كمان بحط بنزين 80
والله جامد جدا يا جماعة هو بس عاوز فترة لحد ما العربية تاخد علية وبعدين زود 10 لتر 92 فى كل تفويلة
انا شغال بنزين 80 من شهرين مع الليجنزا وتمام عدا التسارع ال شويه لاكن فرق السعر يخليني اداوم عليه
لو تتنازل عن التسارع شوية حط 80 على طول
الله يخليك : أخى الفاضل
وبخصوص بنزين 80 معى الآن
عشره على عشره
________________
هو حرقلى طلمبه فعلا
بس مش بسببه
بسبب تفويله كانت كلها محمله بالخيرات
وحاليا واخد بالى من القصص دى
شغال مع بنزينه محترمه وبأتابع فلتر البنزين بأستمرار
وكل فتره بأديها واحده ( أبرو الأمريكانى )
كنوع من النظافه لدورة البنزين مع أى أحتمالات رواسب ( غير مطلوبه )
طب وحضرتك يا استاذ سمير ظابط فيشه الاوكتان على بنزين 80
ولا مش هتفرق .......اصل انا برده تفسى اجرب البنزين 80
بس انا مش عارف فيشه الاوكتان عندى متظبطه على كام
وقبل كده حاولت ازق الكرسى اللى جنب السواق عشان اوصل
لمكان لفيشه واحاول اظبطه بس معرفتش ......ينفع احط 80 كده
على طول بغض النظر عن الفيشه
شوف يا أخى
حتى لو ينفع نحط بنزين 80بدون فيشه ( زى ما البعض بيعمل )
يفضل نركب الجامبر الثلاثى ( الكوبرى الثلاثى )
للم التلت أطراف مع بعض بتوع الفيشه
على أساس الواحد حتى تبقى نفسيته مرتاحه وهو بيستعمل بنزين 80
أنه ماشى ( حسب تعليمات مصمم عملية التحكم )
اشكرك يا باشا على الاهنمام والرد....
بس هو حضرتك تقصد الجامبر الثلاثى ده اللى هو مع فيشه الاوكتان؟؟ولا تقصد حاجه تانيه
لان انا مش عارف اوصل لمكان فيشه الاوكتان دى خالص
ياريت لو حضرتك تعرف طريقه اسهل ممكن توصفلى ازاى ممكن اوصلها اكون شاكر افضالك
لان انا امنيه حياتى انى احط بنزين 80بعد ظبط الفيشه ........وحضرك عارف طبعا انه الحمد لله متوافر
عندنا فى اسماعيليه:verygood:
بعد اذنك يا هندسة هو عندكم فى الاسماعيلية البنزينات عاملة وقت معين لتفويل بنزين 80 لان سمعت من بنزينة هنا ان التفويل من الساعة 12 بالليل الى 6 صباحا بس و ممكن افول بالنهار بس عايز يحسبلى اللتر باغلى