عرض للطباعة
انا معايا سوزوكى سيلاريو فول اوبشن abs + 2 air bags وفينيش يابانى وتابلوة شيك ويستحمل وكنت عايز أكبر شوية فهل حلاقى فرق بين الاتنين للنازل والا نفس المستوى مع العلم ان انا مرة جربت أقفل وأفتح الباب عشان أبص عليها من جوة لاقيت نفسى بسمع صوت قوى عند الغلق كأنى بقفل الكابوت مش بقفل باب راكب فحسستنى ان الفينش مش حلو ارجو من الاخوة اللى مجربين اليابانى واللى مجربين الجين تو ينصحنى ويقولى وشكرا
:fanatic:السلام عليكماقتباس:
المشاركة الأصلية كتبت بواسطة walidhosnykhater
يابانى سيلاريو سوزوكى مين الى قال لحضرتك انك راكب يابانى ؟
انت راكب عربيه هندى ولا معندكش خلفيه .
الاهم اسمها سوزوكى التو فى بعض الدول
بروتون صاحبت عقد شراكه بين متسوبيشى وبروتون
بروتون اشترت حق تصنيع اغلب قطع غيار متسوبيشى
بروتون اشترت مصنع السوبر كار (لوتس )
لو حضرتك بتقارن بين البروتون واى حاجه تانيه يستحسن تشوف الفيديو الاول
نفس مستوى بين السوزوكى لا معتقدش ان البروتون من مستوى السوزوكى دى حاجه ودى حاجه
طبعا فاهم قصدى :fanatic::fanatic::fanatic::fanatic::fanatic::fana tic:
http://www.youtube.com/watch?v=-wCV3f6DNOU
بروتون نفس طعم الميتسوبيشي
بروتون يعني راكب عربيه محترمه من الاخر واللي يقول غير كدا يبقي مركبش و مجربش البروتون
براحة الراجل لم يقارن الراجل حابب فى سيارة اكبر بس بيعلق على حاجه معاجبتوش حضرتك سبب تقل الباب انه به حديد اكثر من السيلاريو وده احب انك تشوفه مثلا فى التايوتا AVEZ بابها سمكه خفيف جدا وسوزوكى بتعوض ضعف الماكينه بتخفيف ثقل السياره
بس الحق يقال ان سوزوكى ملكة المحركات الصغيرة والموتسيكلات
السلاريو تعتبر مقلب كبير لا يساوى سعرها خالص نصبه من نصبات التوكيلات
هى فقط منظر ومجموعة ابشن بدون ميكانيه
عندما يقارن البروتون مع السوذكى يقارن sx4 بالسويفت
وفى الحاله ده نتكلم عن يابانى
براحة على الرجل السيلاريو 3 سلندر حصان 67 1000CC العزم 90
والبروتون 4 سلندر 110 حصان CC 1600 العزم 148
الساجا 1300 سى سى 95 حصان
عزم 120 برده لا تقارن معها
الرجاله قالت الفيها
بص أنا ما ركبتش السلاريو و يمكن مقارنتى ما تبقاش مقنعة أوى ليك بس أنا كان معايا قبلها سويفت يابانى موديل 93 فيه فرق كبير جدا طبعا لصالح البروتون و لو إن ناس كتير هترجع الفرق فقط عشان فرق الموديلات بس عموما موتور اليابانى و عفشتها أنعم.
ياجماعة انتوا فهمتونى غلط انا بقارن مستوى عربيات اليابانى بمستوى البروتون مش بقارن السيلاريو بالبروتون وبعدين اللى يتكلم يتكلم من غير عنصرية يتكلم بموضوعية بدون تقليل من الأخر وبعدين سمك الصاج فى العربيات يتراوح من 0.7 الى 0.9 ال 0.7 لليابانى والكورى وال0.9 للألمانى فالفرق مش كبير قوى فى الثقل والدليل السيلاريو 998 كيلو والجين تو 1197 كيلو فالفرق مش كبير بس اللى ماعجبنيش ان الباب لما تيجى تقفله تحس انك بتقفل باب عربية قديمة زى اللادا والفيات القديم بدون تقليل من العربية وشكرا
هوا طبعاً في نقلة و هتحس بفرق بس بكل تأكيد للأعلى..
اقتباس:
المشاركة الأصلية كتبت بواسطة walidhosnykhater
اولا اهلا وسهلا بحضرتك
اتفضل حضرتك لو تحب تجرب عربيتى انا فى الخدمة
وعموما انا كنت راكب يابانى - لنسر بومة سنة ونصف
0125949965
اسامة شحاتة
السلام عليكم
الاخ الفاضل صاحب الاستفسار
اولا فعلا السلاريو هى سيارة هندية نتيجة بالتعاون بين ماروتى وسوزوكى
انا معايا نيسان صنى ومعايا بروتون ساجا
وبالنسبة للمقارنة الى هقولها من واقع تجربتى والمعلومات الفنية المرفقة بكتلوجات السيارتين
1-بالنسبة للسعر الماليزى اقل من اليابانى فى السعر مع تساوى الامكانيات
2-العزم الصنى 118حصان و1600سى سى والساجا 94 حصان و1332 سى سى
3-وزن السيارة الصنى اوتو 1120و الساجا 1065 يعنى لا فرق يذكر
4-المساحة الداخلية الساجا اوسع من الصنى داخليا مع انها اضغر من برة
5-التسارع الساجا من 0 الى 100كم فى 15 ثانية الصنى تجميعها بطيء
6 الكماليات الساجا زجاج كهرباء امامى -فوانيس شبورة-سى دى-سنترلوك بالريموت-جنوط الومنيوم-وسادة هوائية سائق-مرايات كهرباء واهم حاجة مش موجودة فى الصنى هى حساس ركن
اما الصنى لايوجد جنوط -شبورة -حساس ركن بيها
ملحوظة انا عن نفسى مبركبش غير الساجا ومريحانى عن الصنى
وكمان انتا لو دخلت على مواقع مقارنات السيارات وحطييت الساجا الحمد لله تمسح اى عربية تانية بسعرها وامكانياتها واخيرا الحكم الاول والاخير ليك
على فكرة الساجا دى اقل عربية فى الماليزى
وبعدين عندى سبب تانى عنصرى شوية الماليزين مسلمون -الياباني فلا
بروتون ساجا 2010 صنى 2008
اقتباس:
المشاركة الأصلية كتبت بواسطة salama_ahmad
تمام يأستاذ سلامة انت جبت من الآخر
:verygood:
السلام عليكم ورحمة الله
بص يا اخى علشان الصورة توضح بالنسبة لك شوية حقولك احساسى عن باقى العربيات
انا فى البروتون بحس انى راكب عربية ناشفة .. :w6266d وبتاعة رجالة
يعني عربية حتحس فيها بالمطبات مقابل انك تاخد ثبات على سرعات عالية
كمان حتحس ان صاجها تقيل وده حقيقى علشان كدة هي جابت معاك علي احساس قفلة باب اللادا دى .. علشان طبعا اللادا القديمة كان عضمها ناشف جدا ( علي فكرة اللادا دلوقتى مش كدة خالص) فانا بحس ان باب البرسونا عندى مثلا كدة .. بس طبعا مع فرق الشياكة فى الأصوات :36_1_1[1]:
كمان العربية خشنة وخشنة دى يعني مقارنة بالماتركس مثلا فصوت ماتور البروتون اعلى كتير .. بس صوت قوى .. على عكس صوت الكورى وطبعا اليابانى اللى معروف انه مبيطلعلوش صوت وهو داير اصلا .. بس ده من وجهة نظرى مش عيب دى مدارس فى الصناعة .. يعني حتلاقى الباور اتقل شوية من اليابانى .. الفتيس نفس الحكاية .. اعتقد انك حتحس انك راكب عربية مختلفة كتير لو كنت راكب يابانى .. هى عكس الياباني فى كل ما يشتري علشانه الياباني ( النعومية وصوت الماتور والهدوء )
بس هى عربية اعتمادية و نضيفة ومتكلفة وقوية وخشنة وشكلها حلو وكمالياتها بالهبل وثابتة جدا على الأرض وارخص فى السعر عن اليابانى المنافس ليها حوالي ٢٥٠٠٠ جنيه لأنى مبعتبرش الصنى المصرى دى يابانى الصراحة من غير زعل ..
بس والله مش عايز اقلك .. غير انى محستش اني ندمت ابدا في اختياري ليها لأى لحظة لغاية دلوقتى فلو مستعد تتعود على المدرسة دي فى العربيات ومعندكش معاها مشاكل فتوكل على الله ...
اقتباس:
المشاركة الأصلية كتبت بواسطة asas2
+1
عجبتنى جدا كلمه مدرسـه دى:verygood: , فعـلا بروتون ليهـا طعم مختلف ... زى الفيات , الفاروميو , أوبل ...
عربيه ليها اسلوب وشكل مختلف , بيعجب ناس ومش بيعجب ناس تانيه
بس فى الاخر بروتون ليها طعم مختلف بيعرفه فقط ملاكهــا
gen-2 is a monster
believe me
شكرا ليك يا أستاذ أسامة على ذوق حضرتك وشكرا للأستاذ أيمن على إضافته وكمان الأستاذ asas2 انت اللى فاهمنى كويس يعنى نقدر نقول ان الجين تو شبة الألمانى كدة فى صوت الماتور العالى ومتانة صاجه مش كدة ؟
اقتباس:
المشاركة الأصلية كتبت بواسطة Ayman_52
+11111111111111 :bravo:
ربنا يوفق
اقتباس:
المشاركة الأصلية كتبت بواسطة walidhosnykhater
بعد كل ده لا اتمسك برايك
اقتباس:
المشاركة الأصلية كتبت بواسطة salama_ahmad
اقتباس:
المشاركة الأصلية كتبت بواسطة asas2
اتنين حاجة ساقعة هنا :bravo:
بص انا بصراحة مش عايز افتى فى حكاية الألمانى دى علشان انا مركبتش المانى قوى قبل كدة :)))))) يعنى اسكودا وفيات شغال .. انما المانى معرفش :shyy:قوى .. انما لو بنتكلم فى صوت ماتور عالى بس قوى وصاج تقيل وعفشة ناشفة بس ثبات على شكل حلو يببقى دى عربية بروتوناقتباس:
المشاركة الأصلية كتبت بواسطة walidhosnykhater
انا كان معيا يباني قديم شوية موديل 94 كورولا تيرسيل كانت عربية تحفه وكنت محولها فتيس اوتوماتيك وبردوا اخواتي الاتنين معاهم كورلا 2006 و2002 وانا معيا برتون واجا 2009 اوتماتيك
اليباني متعه طبعا تقدر تتمكتع بباور رائع جدا ومفيش اي صوت وانت بتلف الباور للأخر بعكس الواجا في صوت طقه في اهر لفة الدرسيكون وفي التوكيل بيقولو دا شئ طبيعي ومفيش مشكله
النعومه في اليباني طبعا بلدنا مليانه نقر ومطبات وبلاوي سوده بجد مفيش احساس بالمطبات والحاجات دي
الصاج في اليباني اصعف من الواجا لكن الدهان اقوي من الواجا شوية
الفرامل لصالح الواجا طبعا
التسارع لصالح الواجا طبعا
صوت الماتور بتاع الواجا عالي بس مش مزعج خالص صوت قوي ويرهب الي قدامك
اليباني غالبا واطي فأي مطب وانت محمل 3 اوزان طبيعي هتحك من تحت لكن الواجا مستحيل لو حتي مركب 4 افرا اوزان تقيله
الثبات الكورولا اعلي من الواجا دا بسبب العلو المبالغ فيه للعربيه بس بما ان العربيه مختلفه عن الجين تو شويه لان استخدمتها عائليه فدي نقطه عاديه
خامات الكورولا طبعا من جوا انضف بكتير جدا من الواجا طبعا دا لفرق السعر بين الاتنين
عوامال الامان الواجا abs واير باجز وقطبان حديد علي الابواب الكورولا مفيش غير قطبان حديد وتقريبا فئة وحيده في موديل 2006 الي فيها فرامل ebs
الخلاصه ان اليباني نعومه في كل حاجه وفرق خامات في التابلوه غير كدا الواجا عموما تكسب
شكرا لموضوعيتك يا أستاذ إسلام بس بجد قالقنى موضوع الخامات بتاعة التابلوه وبجد خايف اندم على الخطوة واقول ماكنت زودت 20000 او 30000 وريحت دماغى ولا اقعد افتش فى العربية لما اجى استلمها ولا حاجة كأنى بشترى مستعمل مش عارف متردد انا شوفت قبل كدة جين تو من جوة كان زراير الكاسيت كتابتها ممسوحة وازاى تكون كتابة المفروض يكون حفر عالزراير مش عارف متردد
لو في ايدك تزود ال 30 الف وتجيب عربية احسن من كدة يبقى اتكل على الله واهم حاجة انك ترتاح للعربية علشان مترجعش تندم
يا باشا هيا مش خامات بشعه يعني لا متوسطه يعني مثلا هيا من وجهة نظري بحسها انضف من بتاعة السيراتو واحد صحبي معاه سيراتو استغربت من خامات التبلوه بتعها واكر الباب حستها ضعيفه اوي عن الواجااقتباس:
شكرا لموضوعيتك يا أستاذ إسلام بس بجد قالقنى موضوع الخامات بتاعة التابلوه وبجد خايف اندم على الخطوة واقول ماكنت زودت 20000 او 30000 وريحت دماغى ولا اقعد افتش فى العربية لما اجى استلمها ولا حاجة كأنى بشترى مستعمل مش عارف متردد انا شوفت قبل كدة جين تو من جوة كان زراير الكاسيت كتابتها ممسوحة وازاى تكون كتابة المفروض يكون حفر عالزراير مش عارف متردد
انا لو منك اوفر ال20الف الزياده واجيب جين تو او واجا او برسونا وصدقني هتتمتع بيها بردو لانها عربيات تحترم بمعني الكلمه ياراجل دا كفايه انها نجحت من غير اي دعاية تسندها