ماذا ستفعل بعد إلغاء دعم البنزين؟

**hossam_elwani** · 11-01-2011 01:35 PM

ربنا يسترها علينا شكلنا حنتبهدل الايام الى جايه

**Esam Mosaad** · 11-01-2011 01:38 PM

الشباب الجزائرى دول رجاله والله عشان شويه زياده فى الاسعار
كسروا الدنيا والحكومه رجعت فى القرار

واحنااااااااااااااااااااا ااااااااا قاعدين

**amigooo** · 11-01-2011 04:58 PM

من الان ..وقبل وقوع الفاس فى الراس .. تعالوا ندور على ماركة عجل حلوة ورخيصة و نجيب واحدة من الان قبل مايحصل عليها هجوم .. ونبدا نتمرن وتقضى بيها المشاوير الصغيرة لحين ميسرة .. لانة من المتوقع انها تكون البديل الوحيد فعلا .

**ABDULLAH AHMED** · 11-01-2011 05:09 PM

المشاركة الأصلية كتبت بواسطة human12

أحب اقول ليكم

مافيش اى حاجه هتحصل

+111111
بس كده الناس حتكمل طبيعي ويبقى الطبيعي ان البنزين سعره كده
ده انا لما كنت في الاردن في الصيف كانت معانا عربية باجيرو عشان افولها 80 لتر كنت بدفع تقريبا 500 جنيه
والمرسيدس تحط ب 120 جنيه عشان المؤشر يطلع التلت بسسسسس !!!!
انا كنت مذبهلللللللللللل :d

**د.أبونضال** · 11-01-2011 05:16 PM

المشاركة الأصلية كتبت بواسطة aymangalal510

شكرا د ابو نضال على الموضوع و التصويت
ومن الواضح ان معظم الناس هتستسلم للامر الواقع (كالمعتاد) ويحاولو ويوفروا فى استهلاك البنزين وانا شايف ان ركوب العربية هيقتصر على المشاوير المهمة او البعيدة اما المشاوير القريبة يستحسن ناخدها (تمشية) قال يعنى بنتمشى بمزاجنا لان فى الغالب اللى اخد على ركوب العربية صعب يستغنى عنها ويرجع للمواصلات تانى
وشكرا

عفوا أستاذ أيمن... وكلنا طبعا وكالعادة هنستسلم زي ما استسلمنا منذ آلاف السنين لكل الغزاة الأجانب ليحكمونا بمزاجنا وعلى مزاجهم...أحد زملائي من المتخصصين في تاريخ مصر في العصور الوسطى قال لي "لم يثر الشعب المصري طوال تاريخه على حكامه أيا كانوا إلا لسبب واحد ووحيد ...ألا يجدوا الخبز...طول ما الخبز فقط موجود...يكون المصري قانع وخاضع وراضي تماما".

**د.أبونضال** · 11-01-2011 05:21 PM

المشاركة الأصلية كتبت بواسطة amigooo

من الان ..وقبل وقوع الفاس فى الراس .. تعالوا ندور على ماركة عجل حلوة ورخيصة و نجيب واحدة من الان قبل مايحصل عليها هجوم .. ونبدا نتمرن وتقضى بيها المشاوير الصغيرة لحين ميسرة .. لانة من المتوقع انها تكون البديل الوحيد فعلا .

أنا أيضا مقتنع جدا بحل العجلة ده ولي زملاء في ألمانيا يدرسون للدكتوراه وكل تحركاتهم هناك بالدراجات...لكن هناك قصة قديمة يتداولها أعضاء هيئة التدريس بالجامعة التي أعمل بها عن عضو هيئة تدريس عاد من الخارج وكان يذهب إلى كليته بالدراجه...أتعلمون ماذا حدث...استدعاه رئيس الجامعة وأجبره على ترك هذا الفعل المشين... أرأيتم كيف يفكر أبناء 7 آلاف سنة حضارة

**pro_samir** · 11-01-2011 05:22 PM

يا دكتور كنت تضيف في الإستطلاع مش هستسلم وممكن امشي في المظاهرات وارفض الزياده ، أهو حتي يبقي عملنا حاجه ولو بالنيه :)

لو حصل فعلا المواصلات كمان هتغلي زي ما البنزين هيغلي .. كده كده مصاريف لازمته ايه بيع العربيه

**Hmatchy** · 11-01-2011 06:44 PM

يا جماعة كل الاشاعات دى بتكون خطوات استباقية لتنفيذ المشروع و الغرض منها تأهيل المواطنين نفسيا لتقبل القرار و احيانا بيكون لجس نبض الشارع
وكل ما نتكلم فيه بينجحوا اكتر وبيقربوا لهدفهم وهو انهم يخلونا مستنين القرار بين شهر و التانى وبكدة لو حد عارض هيتقال عليه انو ضد المصلحة العليا و الدليل ان غيرو وافق و استسلم
دا غير الناس اللى ما بتصدق تنقل الاشاعات دى كأنها عرفت سر عسكرى وفرحانة انها اول حد يعرف
ارجوكم يا جماعة خلونا من دلوقتى نقول انها اشاعة و ان عمرهم ما يفكروا فى حاجة زى دى و الا البلد هتبقى نار
خلونا احنا اللى نخوفهم بطريق غير مباشر على الاقل لما يجو ياخدوا القرار دا هيفكروا الف مرة لأنهم جسسوا نبض الشارع وكلوا معترض
لكن بلاش نتقبل اشاعة حتى لا تصبح حقيقة يجب علينا التعايش معها احنا مش ناقصين